طاروق والطارف سديد

[مشخص الفهري]

ياسلام الله على اهل الجود ذربين اليماني = لابة يشهد لها التاريخ من ماضي العهودي
الجدي بين الكواكب يطلب سهيل اليماني = والسوالف بين ربع(ن) مايخونون العهودي

[ابو ضيدان]

مرحبا ترحيبه تبقى على طول الزماني=نحمد اللي عزنا بالدين والحكم السعودي
السماني ياطويل العمر تكفى بالسماني=ابدع القيفان وابشر ياقحطاني بالردودي

[سعد القحطاني]

مشخص الفهري / ابو ضيدان

الطرق يستحق المتابعه ومتابعييييين

الليل الليل وشوي آقرر من اكون في صفه

والــــــــــــهــــــــــــــمـــــــــــــــــــ ام

نحبذ لو كانت مباشره الليله

[ابو ضيدان]

حاضر

ويشرفني وجودك ياسعد

غالي وتامر امر

[وريث المجد]

بعد اذنك يا ابو ضيدان بكمل مع الشاعر مشخص الفهري

اذا ما عندك مانع


مرحبا بك يا طويل المعرفه والعمر فاني=يعرف المعنى رجالٍ ما يبيحون السدودي
التريله لو تعرض سيرها سواق فاني=ينقلب ويطيح في وادي وسنشب في السدودي

[مشخص الفهري]

البقا يبوضيدان والعذر على التاخير


البقا يلي ترحب عد من صام رمضاني = والبلد في حكم ابومتعب وحناله جنودي

الجزيله ياوسيع العرف يبدعها لساني = والهزيله مالها عندي مكان ولاوجودي

[مشخص الفهري]

اسلم ياوريث المجد واستلم


البقا لك ياوريث المجد والدعوى معاني = واعرف اني في مكاني ماتعديت الحدودي

كانك من الفان والسواق ياالطيب معاني = بلغ الشرطه ترى الشرطه يقيمون الحدودي

[ظافر القحطاني]

الله لايهينكم
ويطول عماركم

على هذا (الشقر )الطيب



مــشـكــــــــــــــــــورين

الســــــــــــــــــــــــــــــــم القــــــــــــــــــــــــاتل

[وريث المجد]

كلمتي وحده لو ان كلمة عميلي كالمتاني=شاعرٍ يسقى ذحاح وشاعرٍ يسقى شهودي
الضعاف ضعيّفه ماهيب تصبح كالمتاني=كان عندك شاهدٍ واحد معي عشرة شهودي