المساعد الشخصي الرقمي

مشاهدة النسخة كاملة : قصيده في طفلة المجمعه


فالح المسردي
28-04-2006, 02:50 PM
السلام عليكم ورحمة الله وبركاته
هذه قصيده في طفلة المجمعه
المفقوده(ابتهال سلطان المطيري)
التي خرجت من منزل والدها يوم
الاربعاء7/3/1427ولم تعد حتى
اليوم أعادها الله الى أهلها سالمة
انه سميع مجيب
القصيده لشاعر/علي بن سليمان الحميدي



يرتجب قلبي ليا من ذكر طفلة مطير=ابتهال اللي خطير خفوقي تشعله
كيف يرقد مسلم عنده احساس وضمير=والبنيه توها ام السنين الاربعه
فاقده حضن أمها لا حنان ولا عبير=كيف أوصف طفلة دون ذنب مروعه
عشرة أيام مضت لا بشير ولا نذير=أظلم الزلفي وعانق ظلام المجمعه
عشرة أيام تقل دهر والموقف خطير =والمنام اللي عشقته يفزع مضجعه
أحد يرقد مفرشه بين ديباج وحرير=واحد يوجس ملة بالفراش مولعه
الضنا جنه وبعده عن الوالد سعير=والمصيبه أمه اللي سنين ترضعه
افزعوا تكفون واستبشروا خير كثير=ما يعقب الضيق باذن الكريم الا السعه
يا الهي وانت نعم المعاون والنصير =يطلبك عبدك ودمعه يجرح مدمعه
يطلبك مفجوع مضطر ولوحده سهير=ما يشوفه كود عينك ووحدك تسمعه
رد يوسف وابصر اللي عقب فقده ضرير=ما رجع الا لانك أمرت ابمرجعه
يا كريم ويا رحيم على الشده قدير=سالمه ترجع قريب ابتهال المجمعه

حسين آل حمدان الفهري
28-04-2006, 03:06 PM
الاخ فالح

السلام عليكم

الله يردها الى اهلها سالمه

واسأل الله العلي العظيم ان يجبر قلوب اهلها.


واشكرك على نقل القصيدة

البواردي
28-04-2006, 03:07 PM
مشكور اخوي على القصيدة والله يدها لاهلها بالسلامة

فالح المسردي
01-05-2006, 10:30 PM
الاخ حسين

وعليكم السلام

والله يردها في اقرب وقت

ولا شكر على واجب

تقبل تحياتي

فالح المسردي
01-05-2006, 10:32 PM
الاخ البواردي

لا شكر على واجب
ومشكور على الرد

تقبل تحياتي

محمد الحياني
01-05-2006, 11:35 PM
صح لسان الشاعر

وسلمت يمناك على النقل


ابدعت ووفقت في الاختيار

وفقك الله

الله يردها لأهلها سالمة غانمة

الذيب الاشيب
02-05-2006, 12:02 AM
فالح المسردي




لاهنت ونسال الله انها يردها الى اهلها

أبو عساف
02-05-2006, 12:09 AM
أخوي فالح المسردي سلمه الله

صح لسانك وبيض الله وجهك

وعس الله يجبر قلوب أهلها

لك مني ألف تحيه

معانق سحاب
02-05-2006, 01:18 AM
والله انا قريت قصة ضياع البنت او بالأحرى خطف البنت ابتهال المطيري والصراحه وقف شعر جسمي يوم قريت الموضوع لأنه موضوع مؤثر جداً والله يرجعها لأهلها سالمه انشالله ويعوضهم خير..
صح الله لسان الشاعر ونعم الشاعر اللي يواسي الناس هموهم وجزاه الله عن قصيدته ألف خير..
واشكرك اخي الكريم على هذا النقل الرائع..

ناصر آل سعد
02-05-2006, 09:15 PM
الله يردها لـ أهلها


جعلكـ تسلم


ماقصرت وأنا أخوكـ

فالح المسردي
03-05-2006, 11:35 PM
اخـــــــوي فتى الجوه

صح بدنك نيابه عن الشاعر

ومن قال سالم

والله لا يهينك على الرد

تقبل تحياتي

فالح المسردي
03-05-2006, 11:46 PM
اخـــــوي الذيب

القايل ما يهون

ومشكور على الرد

تقبل تحياتي

فالح المسردي
03-05-2006, 11:58 PM
اخــــــوي كااسر

صح بدنك نيابه عن الشاعر

والله لا يهينك على الرد

تقبل تحياتي


اخـــــــــوي معانق السحاب

لا هنت على المرور

تقبل تحياتي

اخـــــوي ناصر

الله لا يهينك على الرد

ومشكور على مرورك

تقبل تحياتي

ساج الوقت المشعلي
04-05-2006, 11:53 AM
مشكور أخوي فالح على النقل الرائع.

والله يردها لاهلها سالمة .




تحياتي لك/

ساج الوقت المشعلي.

فالح المسردي
05-05-2006, 02:23 PM
اخـــوي ساج الوقت المشعلي

لا شكر على واجب

ومشكور على الرد

تقبل تحياتي