المساعد الشخصي الرقمي

مشاهدة النسخة كاملة : تكفوووووون عطوني رايكم ...


المترجم
17-04-2006, 09:02 PM
السلام عليكم ورحمة الله وبركاته ..

الله يصبحكم بالخير ان كا نكم في الصباح والله يمسيكم بالخير ان كانكم في المساااء .


في الحقيقه انا ماني شاعر ولكن احفظ قصايد واحب الشعر بصفه عامه المهم ما ابي اطول عليكم .

اجتهدت وكتبت قصيده في الوالد ( ابوي ) الله يحفظه ويخليه لي ذخر . ولاكتبت قبل هذه القصيده شي( يعني هذه اول قصيده لي ).

المهم يا بني عمي ابي اشوف ردودكم وانتقادتكم بكل ذمه وامانه وابي تقولون لي الصدق هل انا كفيت ووفيت ولا لا ؟
واي شاعر يقراء هذه القصيده اقوله ( تكفى لاتحرمني من ابداء رايك في هذه القصيده ).




يابـــوي من طيب نيه سلــــــيمـه
باكتب قوافي الشعر واشيد ابيات

وارقى بـــــها نو محمل بغيـــــمه
وانغامها صوت الرعد يحي الـــذات

لك في الصدر يابوي رفعه وقيمه
وحتى غلاك بداخلي حي ما مـــات

يــــا للـه يــارب انك تديــــــــــمه
وتجعـله ذخر لنــا في الشــديـــدات

ومنك الكرم يابــوي مد بصميــمه
ويقول حــاتم فيه ياهل الطايــــلات

المدح في اهل الجود اكبر غنيمه
ياسامعين الشعر ياهل الطويــــلات

لاتحسبون المدح دقــه قــديـــمه
لا والـــذي عــــلا السبع السمـــوات

ومن قال فينا شي نفسه سقيمه
وعلوم الردى تلحق بأهل الرديـــات




وسلاااااااااامتكم .

مسفر بن حسين بن نومه
17-04-2006, 09:11 PM
اررررررررررررررررررررررررحب يالمترجم



صح لسااااااااانك وبيض الله وجهك يا كحيلان


انا راح اقول اللي حسيته من القصيده بكل صراحه

القصيده وافيه وكامله ولا كامل الا وجة ربي سبحانه

واذا كانت هذي البدايه فاكيد الخير في الطريق

هذا رايي انا واكيد فيه شعار كبار معنا لهم كلمتهم واكيد راح يعطونك رايهم


واخيرا تقبل فائق تحياتي


اخوك مسفر بن نومه القريشي

ذيب العبيدي
17-04-2006, 09:30 PM
اخي المترجم


ترجمت باحساسك الجميل هذه الاحرف

الجميله ويكفيك فخرا بانهاء في والدك

الله يحفظه من كل شر ويديمك ويكثر من امثالك


اخي الكريم

بدايه طيبه تشير الى وجود شاعريه لديك

تحتاج الى الصقل اكثر وبالاخص في الوزن

تحيتي لك واتمنى لك الموفقيه

وحاضرين يابعدي


العبيدي

السيف النادر
18-04-2006, 04:03 PM
لا هنت لا هنت يالمترجم

بيض الله وجهك على القصيدة الرائعة ... بدون مجاملة .... خصوصا انها اول مشاركة ...

مفردات رائعة جدا ..... لكن تحتاج للتسلسل في وضع الابيات ....

ننتظر جديدك

تقبل تحياتي

المنار
23-04-2006, 01:36 AM
السلام عليكم ورحمة الله وبركاته :
صح لسانك اخي العزيز المترجم .

محمد بن جفين
23-04-2006, 06:23 AM
بدايه قويه يالمترجم
وصح الله لسانك

وهاذي تنبه بقدوم شاعر مبدع
والله يطول بعمر شايبك

ماجدالقريشي
24-04-2006, 06:52 PM
بيض اللله وجهك

ابيات رائعه وابوك يستاهل الله يخليه لك

سعيد بن مذي
27-04-2006, 11:08 AM
صح لساانك ولاهنت راائعة جدا جدا وننتظر ابداعاتك