ذيب العبيدي
15-04-2006, 09:40 PM
فقدان الضمير
تدرون وش اللي ورا الصدر مخنوق = وتدرون وش اللي تظم الحنايا
وتدرون عن دم ثمل داخل اعروق = وتدرون عن حمل يهد المطايا
امر مــ العلقم على حاسة الذوق = واحر من جمر القرض والرطايا
واصعب من الكلمه على غير منطوق = لو جات من جاهل بهمس الشفايا
واثقل على المحكوم لو قيل مشنوق = وهو بري والناس تدرى الخطايا
وان كان تدرون اعترف غير مسبوق = وان كان ماتدرون هذا عنايا
انا جروح وحزن والالم وشفوق = ونظرات حزن في عيون البرايا
والله لاحزني غراما ولا شوق = ولاني من اللي يلتفت في الزوايا
ولا ناقص جاه ولا منزلاً فوق = انا من اللي يحتمون السرايا
فقط همومي فتق من عدة افتوق = والفتق مايجبر بليا دوايا
فياللي تابع بالسماء لمعة ابروق = غيرك على برقك تسوقه نوايا
حكم ضميرك وادرك اشلون مخلوق = ترى فعولك مثل عكس المرايا
ماتغرسه لو غرك الوقت ملحوق= من ينقل ((الحرمه ))تجيه الحدايا
وياللي وصلك العلم لا يغفل الموق= ماتشبه الطالات وجه الردايا
هذا كلام الصدق والعلم موثوق = من غرته دنياه شاف المنايا
العبيدي
تدرون وش اللي ورا الصدر مخنوق = وتدرون وش اللي تظم الحنايا
وتدرون عن دم ثمل داخل اعروق = وتدرون عن حمل يهد المطايا
امر مــ العلقم على حاسة الذوق = واحر من جمر القرض والرطايا
واصعب من الكلمه على غير منطوق = لو جات من جاهل بهمس الشفايا
واثقل على المحكوم لو قيل مشنوق = وهو بري والناس تدرى الخطايا
وان كان تدرون اعترف غير مسبوق = وان كان ماتدرون هذا عنايا
انا جروح وحزن والالم وشفوق = ونظرات حزن في عيون البرايا
والله لاحزني غراما ولا شوق = ولاني من اللي يلتفت في الزوايا
ولا ناقص جاه ولا منزلاً فوق = انا من اللي يحتمون السرايا
فقط همومي فتق من عدة افتوق = والفتق مايجبر بليا دوايا
فياللي تابع بالسماء لمعة ابروق = غيرك على برقك تسوقه نوايا
حكم ضميرك وادرك اشلون مخلوق = ترى فعولك مثل عكس المرايا
ماتغرسه لو غرك الوقت ملحوق= من ينقل ((الحرمه ))تجيه الحدايا
وياللي وصلك العلم لا يغفل الموق= ماتشبه الطالات وجه الردايا
هذا كلام الصدق والعلم موثوق = من غرته دنياه شاف المنايا
العبيدي