صوب الجنوب

[ماجدالقريشي]

بسم الله الرحمن الرحيم




يغيظني يا ناس من الناس من غش
------------------------------ عسى الله يغفر لي ذنوب تولّت
ويغيظني من هو من المال يرتش
------------------------------ يوم التمني نفسه على التوبه تمنّت
ويغيظني من هو بالاسرار فش
----------------------------- ذمته عن ستر الخلايق تبرّت
ويغيظني من هو بالملازيم ينخش
---------------------------- عن الجمايل اشهد ان يمناه زلّت
هذا الذي لا يهش والله ولا ينش
--------------------------- مثل المره 000لاحظتها لي تحنّت
وجدي على من بالمصايب بلش
--------------------------- يركن على الدنيا وهي منه تخلّت
اقول ارم الهموم وطشها عنك طش
-------------------------- وناج الذي له كل المخاليق ذلّت
دنيا حقيره اصلاً ساسها هش
------------------------- كم واحدٍ عاثت به الدنيا وعنّت
شد الرحال وسم بالله وامش
------------------------- صوب الديار اللي منارتها تعلّت
صوب الديار اللي يرشها السيل رش
------------------------ صابها براقٍ وامطرت واستهلّت
صوب الجنوب اللي قلبي عليها عطش
------------------------- الروح من دون شوفتها ترى ملّت
شبهتها بالعين واهلها بالرمش
------------------------- حموها النشامى من كل شرٍ تلقّت



وسلامتكم

[أبو عساف]

الأخ العزيز ماجد القريشي
السلام عليكم
صح لسانك ياذيبان
أركب على الباب الأيمن وأبشر من يخليك تشوف الجنوب
ياسنايدي انت آمر وحنا نفذ
لبا والله الجنوب ومن جاء منه

أخوي ماجد سعدت بمروري وأول المتصفحين لهذه القصيده
سجل أعجابي وتقبل فائق احترامي وتقديري لشخصك الكريم

[عبدالله الوهابي]

أخي ماجد شكراً على القصيدة لاهنت أخوي
وترجع بالسلامة إن شاء الله لوطنط وأحبابك وتتذوق طعم وريحة هلك وناسك دمت بخير وصحة وعافية

[ماجدالقريشي]

اخوي كاسر >>> تسلم والله يالذيب وانا اللي تشرفت والله
تعيش وتدوم والله انه ودي لكن خلها على الله
وسلم لي على هل طريب
اشكرك مره اخرى وتقبل تحياتي



اخوي ابن رشد >>> مشكور وقايل ما يهون والله يسمع منك

[عبدالله بن غفره]

أخوي ماجد القريشي


لا هنت وبيض الله وجهك على القصيدة


في إنتظار إبداعاتك والمواضيع المميزة


تحيتي لك

أخوك

[النايب له ولد]

اخي الشاعر ماجد

اسعد الله مساك

ارى انك تملك موهبه شعريه تجلت في الفكره اولاً
اقصد فكرة القصيدة
ثم في تسلسل الافكار والمعاني من البداية حتى النهاية

الا انك الزمت نفسك بقافيه صعبه
اخلت كثيراً بالقصيدة زاجبرت نفسك على تطويع بعض الكلمات التي لم تنصاع للتطويع

قافية الشطر الاول اذا كانت حرفا واحد يلجا اليها بعض الشعراء خاصه اذا كان الحرف الاخير
هو الشين كما فعلت انت او حرف الراء اذا لم يسبقه حرف متداول مثل (ير) ولكن يسمح به اكثر الشعراء
اذا كان في كلمه مثل بحر و سطر على سبيل المثال . ولكن اذا لجا الشاعر الى نفس الطريقه
في الشطر الاول والشطر الثاني تعتبر عيباً في القصيده.
فلو تركت انت القافية الاخيره على (لـت) لكان افضل اما ان تترك القافيتين على حرف واحد فبحاجه الى
اعادة نظر .

بعض الابيات بحاجه الى اعادة تكوين
ومثال ذلك البيت الخامس
حتى انك لو حذفته من القصيدة لما تغير في مجمل القصيدة شي.
بعض الكلمات بحاجة الى تغيير
وبعضها بحاجه الى زيادة مثل كبمة عطش لو قلت تعطش لكان افضل

اما الوزن فاتركه لك وللقاري فقد اعجزني وافقدني صوابي

آمل ان تتحقق بعض الايجابيات لي ولك وللقاري من هذا الرد
وهي مجرد ملاحظات عابره آمل ان تتقبلها بصدر رحب

[ماجدالقريشي]

ابن غفرة بيض الله وجهك انت على المرور والتعليق



النايب : تقبلت ردك بصدر رحب واشكرك على التوضيح واتمنى ان احسن
في المرة القادمة وهذي والله اول ابيات اكتبها يعني طبيعي مااجيبها على الوجه المطلوب
اشكرك مره اخرى

[المحبوب]

السلام عليكم ورحمة الله وبركاته
ابشر بالجنوب لو نجيبها لك
والي تبي من الجنوب حاضرين
وبيض الله وجهك على القصيده
وشكرا

[ماجدالقريشي]

تسلم يالغالي وماتقصر


ابيض وجه وكفو

[ابن حاضر]

صح لسانك

[ابن حاضر]

الحمدلله والصلاة والسلام على رسول الله وعلى آله وصحبه أجمعين
صح لسانك و شكراً لك اخي الكريم على هذا المشاركة الرائعه

[ماجدالقريشي]

صح بدنك

ومشكور على المرور


وتسلم يالغالي

[آل سلمان]

صح لسانك وعلى الاخرى عانك

قصيدة طيبه ومعبره

[ماجدالقريشي]

لاهنت على المرور



تسلم يالغالي