المساعد الشخصي الرقمي

مشاهدة النسخة كاملة : برق الشمااااااااال وسعد القحطاااااااااني ( بإختصار )


عبدالله المهداني
15-04-2006, 02:01 AM
برق الشمال=
يا سعد سرها مسرى الجمال = والمعانـي فتحـت ابوابهـا
جيت اباالعب ونا برق الشمال = والخناجـر نحـد انصابهـا


سعد القحطاني=
يبرق البرق في عرض الخيال = والمعانـي نحسـب حسابهـا
تبشر بفال مـن بعـده عقـال = لجل ربعـك تنـال عجابهـا

برق الشمال=
يا سعد فيه علمن ما يقال =والقضيه فتحت اكتابها
وضح البيت دام الشرح طال=واهل مكه نعرف اشعابها

سعد القحطاني=
انت ساري على نور الهلال = وزملاك افتلـت باشنابهـا
مع معزبك ما جالك مجـال = طبخـه وحاسهـا صبابهـا


برق الشمال=
يا سعد دام حضرت الرجال =شب نارك ونا شبابها
صاحبي شال عسرات الثقال=والهزيلات مايرضابها


سعد القحطاني=
يصفق موج البحر في كل جال = ويش علم العرب .. واعصابها
انا قد قلت لـك ذبحـه حـلال = وزان في جبهته مضرابهـا


برق الشمال=
كان موجك صفق توه جبال =والعرب حدكم مشعابها
يا صحيبي مدام الشد مال =والركايب تعوج ارقابها


سعد القحطاني=
ارفع الصوت واذن يا بلال = والمنابـر تبـا ترقابـهـا
وسلم العهده وشد الرحـال = لو عيونك ما تنسى احبابها

برق الشمال=
ان عقدنا حبال افتل حبال =والقضيه عرفت اسبابها
الصبر من نتيجة لاحتمال=والقضيه ربح كسابها


سعد القحطاني=
صح ما يضحك ياكود الخبال=كيف الاصحاب تخون اصحابها
محد كامل ولله الكمال=جمله وعارفٍ إعرابها

سعيد بن مانع
15-04-2006, 06:52 AM
ياسلاااااااام .. ياسلاااااااااام .. ياسلاااااااااااااام ...






الله لا يهينك يابووو سعوووود ... دايم سبّاق جعلك تسلم ...


نقله واختصار اكثر من رااااااائع ......



لاهنت ... وصحت السنت الشعاااار ..







تحيتي

الذيب الاشيب
15-04-2006, 02:35 PM
لاهنت ياعبد الله وبيض وجهك



احسنت الاختيار في هذه المحاورة



تحياتي

سعد بن مناحي بن شفلوت
15-04-2006, 10:37 PM
مشاءالله عليكم

والله مبدعين

الله يعطيكم العافيه جميع

لاهنتوا ولاهان عبدالله على التنسيق

تحياتي

عبدالله بن غفره
15-04-2006, 11:52 PM
لاهنت يالذيب على التنسيق

وصح لسان الشعار


تحيتي لك يالغالي

عبدالله المهداني
15-05-2006, 02:59 AM
الاخوان الاعزاء

سعيد بن مانع

ابن حبشان

ابن غفره


الحقيقه مروركم على الموضوع يزيده تألق


تحياتي

مزبن الجاني
15-05-2006, 08:54 AM
بيض الله وجهك استادي ما قصرت وانا اخوووك
متعودين منك الزين يالمهداني
لاهنت

عبدالله المهداني
25-05-2006, 11:44 PM
بيض الله وجهك استادي ما قصرت وانا اخوووك
متعودين منك الزين يالمهداني
لاهنت



مزبن الجاني لاهنت على المرور