الجميحي لسعد بن جدلان

[عشاق]

يازيـن الجـمـيحـي لاسـرا والعـباد أخـفوت=يـبـي لازم مـتغانمـه قـبل لا يفـوتـه
لا مـنه أنعـس الـسالي وسجـوا هـل البيلوت=وقـم يتمخـلص تحـت رجلك تقـول حـوته
يقـوس مـع الهـويات كـنك تشـــوته شـــوت=يشـادي المــظلي لانـزل فــي براشوته
حـماره تحـت نــور القـــمر كـنه الياقوت=يـداوي القلوب اللي من الحزن منحوته
لادقــت هـواجـيس المعـنا وجــر الصــــوت=يعــد النجــوم المرقـبه فـوق كبوته
وخــوة صـديـق مخــلص معـــك حـتى المـوت=ماهــوب إيتســمع هــرجة فيك مشموته
يــداري عـلى سمعـتك مـن هـرجة الســربوت=وخــطاياك عـنده داخل البحـر مزتوته
يعــرف الذي يخـطـر بـقلبك لو كـان اسكوت=ولا مـنه غـنا ينجــلي الهـم من صوته

[هاوي نجد]

الله لايهينك يا عشاق القصيدة مرحة ومعاني راقية وبن جدلان غني عن الشهرة وتقييم قصائدة
ولا كن نقول الحقيقة

صح السان بن جدلان ///////////////وتسلم يمينك جعلى العطب ما يجيها









تقبل تحياتي،،،،،، اخـــــــــــــــــــــ هــــــــــاوي نجد ــــــوك،،،،،،،،،،،،،،،

[حراف]

بيض الله وجهك والله يرحم والديك عز الله انك نقلت شي(ن) عزيز على قلبي



حماره تحت نور القمر كنـه الياقـوت = يداوي القلوب اللي من الحزن منحوتـه
http://www.mstaml.com/imagesData/73026.jpg
لعيون عشاق الجمس

[عشاق]

مشكورين على مروركم

حراف تهدي البل يالذيب .. لاهنت

تحياتي

[مخاوي الليل]

لاهنت يا عشاق انا اشهد انك ما تجيب الى الطيب بيض الله وجهك على هذه القصيدة التي تحرك المشاعر

تسلم يمينك مليووووووووووووووووووووووووووووووووووووووووووووووو ووووووووووووووووون

مخاوي الليل

[خالد بن فردان]

شكراً على القصيدة وصح لسان الشاعر والناقل ولكن أعتقد أن هناك بيت ناقص في القصيدة المعروضة وهو :
عشر ٍ تسرّينا وعشر ٍ بجيب الكوت**وعشرين شدّة تحت الصيت مكفوته

[ملحف الرفيدي]

مشكووووووووووووور على القصيدة الجزلة وبيض الله وجهك يا الناقل وصح لسان الشاعر

[عبيدي الدمام/ابوزياد]

قصيدة الشاعر:سعد بن جدلان الاكلبي



يازين المشي في الروض الخضر لاشعشع المخضار

يازين الديره اللي من حقوق الوسم ممطوره

يريح البال سجٍ في الفيـاض الخضـر والمسيـار

سعادة للقلوب اللي مع السلـوان مسـروره

متى عيني تشوف اللـي علـى قلبـي ربيـع ودار

أشاهد للسعاده في حياة المجتمـع صـوره

لاهلـت مزونـن فوقهـن تنعومتيـن اصغـار

على ذيك اللباب اللي من الرضوان مغموره

لامنه اصحى سما غر المـزون وشعشـع النـوار

ودجاه أدلى اسدوله والقمر متجلـيٍ نـوره

أشاهـد لـي بـروقٍ دونهـا ربانهـا تـنـدار

تقول أكباس غازٍ من ورى شلال نافـوره

سبح ماهر خيالي فـي الخبـاري والبـرد والنـار

وأشوف الجمر فوقه دلة الرسلان منحـوره

هذاك المنظر اللي ماتشوووووفه في الحياة امـرار

على شوفه سبابيح الخيال اتموووت مقهوره

حرام أنـي مااهنـي راعـي المليـون والمليـار

ولاأهني عربسات الفضا دوره ومقـدوره

أعيش بعالـمٍ طـول المـدا يبقـى لهـا تذكـار

عليٌه بالحرام انهـا حيـاةٍ مالهـا جـوره

هذا وجه الصحيح ولا على وجه الصحيـح أغبـار

حقيقه ويتمعنها اللبيب بكامـل اشعـوره



وســــلامـــــتـــــكـــــم