مباشر ياالبورعي؟؟

[مضواح بن جابر]

استلم طال بقاك


هلا يامرحبا ترحيبة يطرب لها الجمهور= عدد ماحن رعاد المزون ولااح براقي


ونا ياالبورعي من يوم شفتك خاطري مسرور= اوقف لك هنا ياصاحبي ماضاقت اخلاقي

[خالد آل مطرف العاطفي]

ارحب ..ياابوعبد العزيز ...
يعطيك العافيه ...وصح السانك ... بس ودي انك تنتظر شوي لين تخلص المحاوره الاوله ..وهي على وشك
ولاهنت يابوعبد العزيز على كل حال ..وخلك معنا ..لين يجي البورعي ..وتواصلون بعدهم مباشره ..

تقبل فائق احترام اخوك
خالد

[مضواح بن جابر]

وهو كذالك

[خالد آل مطرف العاطفي]

اخوي الغالي
ابوعبدالعزيز ....
واصلو ..ترانا ماسكين لكم الصفوف ..انكانكم موجودين .. تراه دوركم ذلحين
اخوكم
خالد

[علي البورعي]

البقا ياابو عبد العزيز
تشرفت بالأنظمام الى هذا المنتدى وأن شاء الله أن أوفق معى بقية الأعضاء على النهوض بهذه الشبكه
ولست الى قطره من بحر
شكرا لكل من رحب بي وأعذروني لا طولت الغيبه



سلام الله سلام كنه الغيمه باالأرض البور=على ربعي وناسي للغلا والطيب سباقي
أقول أبك البقاء ياللي ترحب ياصبي ماجور=عسى ربي يجيرك والبس الخوذه معى الواقي

[مضواح بن جابر]

ابشر ياخالد

ما بطى من جاء

استلم::

تولم ياطويل العمر.واحذر يا حكيم الشور= تراني خابرك دكتور..ونا شاعرراقي

ولاتنسى عن الموعد ولاتنسى وعد باالفور= ولاتبعد عن الدعوى وتخلف هقوة الهاقي

[السيف النادر]

صح لساااااانكم ، واانا من شفت المحاورة طار النوم عن عيني .

عااااااشوا

بيض الله وجيهكم يالبورعي ويامضوواااح


وانا ماسك الصفوف معكم الى وقت الصلاة وبعدها اسمحوا لي .


اخــــ السيف النادر ـــــوكم

[مضواح بن جابر]

ارحب

ياالسيف النادر

بيض الله وجهك ماقصرت ياالقرم

[علي البورعي]

استلم


ولا تنسى ولا ننسىوبعد لايجيك الدور=ماغير البحر الأحمر يصطفق قدمك تصفاقي
أحد يمشي تحت ظل الجدار ولا يحب النور=وأحد مثلك يدور بيضة في قدر سلاقي

[علي البورعي]

اررررررررررررررحب

ياخالد

وارررررررررررررحب

ياالسيف النادر

هلا بالجميع والله أني ضيف بس مانخلي الترحيب حتى لونا ضيفان بيت أبن عمي بيت اللي

مرحبا شرفتونا بتواجدكم

وأرفع راسك عن الكيبورد


ياالسييييييييييييييييييف

[مضواح بن جابر]

الله الله

استلم

على هونك ترى مافيه قوم حول ذاك السور= تحب انك تخاويني ولاتقوى على افراقي

تري منت بعلى بعض الدعاوي ياعلى مجبور= تعرف ان البلا فاالناس وان الكسر فالساقي

[السيف النادر]

الله يبقيك يالبورعي .

والله ان كنك تشوف راسي كل شوي وهو ضارب فالشاشة ، لين تنفخت جبهتي .


وانا عندي راي وش رايكم تكملون بكرة ، ولا ترى بأذن الحين وبروح ارقد .هههههههه.


ان كان عاد فيكم حيل واصلوا وان بغيتوا تكملون بكرة تراكم مسوين فيني خير لأنه تقطع صوتي ماسك الصف لك ولمضواااح بلحالي .



اخـــ السيف النادر ـــــوكم

[مضواح بن جابر]

انشهد انك سيف ياالسيف

فكني من علي


ماعندي مانع نكمل بعد عشرة ايام

[علي البورعي]

ياخبثك ياأبن جابر خايف لانكشف المستور=أنا بغرقك يامضواح قبل تهم بغراقي
يامخبل من يحط الكحل الأسود في عيون العور=يبي منك ومنهم لعبة في كف عملاقي

[خالد آل مطرف العاطفي]

ارحبو ارحبو ..
عاشو والله عاشو ... واصلو .. واصلو ... والله انكم مبدعين ..
ترانا معكم ماسكين الصف ...وترى مابه ضيوف كلنا اهل محل ..
اخوكم
خالد

[السيف النادر]

ويييين جيتنا ياخالد ، حنا نبي نرّقد ونبي الفكة من علي سرى علينا ، وانت جيت تكمل على الدعوى .

على العموم ما دام انه جاء خالد وبيمسك الصفوف معي ماعندي مانع اكمل . والله يعينك يامضوااح على علــــي

[مضواح بن جابر]

خلوووووها

هااااااااااك

تريض ياحمرالجنحان وافزع لاحتمى التنور= ولاتقعد لحالك لاحظرلروس حلاقي

تطيرالقوم فاالعجه وتلقى ناصرومنصور= تقابل في طريقك موتر(ن) من غيرسواقي

[مضواح بن جابر]

ارحب ياخالد

[السيف النادر]

:110103_hl


:110103_hl


:110103_hl


:110103_hl:

[علي البورعي]

انا لاني بلا خبل ولاجاهل ولامغرور=على شان انتفخ ورمي بنفسي والعمر باقي
لاكن خلك ماعى الشله في وجهي ماتعرف الحور= ولاتلقى من الفزعه سوى بقسين وطراقي

[خالد آل مطرف العاطفي]

السيف النادر ..بيض الله وجهك ..وماقصرت ....والليله ليلة خميس .. لاتمسي ...

[خالد آل مطرف العاطفي]

وبك البقى ... يامضواح ...يعطيكم العافيه ...انت والبورعي ..

اخوكم
اللي ماسك الصف لكم .. دامكم ماجودين ..
خالد

[علي البورعي]

ياخالد تراني طالبك طلب

أنك تريح الصفوف الله لا كان ابها سهره

ياخوي تبققت عيونهم من النوم

عطهم الحساب وخلهم يسرون بلعب لحالي





وأنا فداك لايدري السيف تراه مايخاف الله

[مضواح بن جابر]

زبن المجنا راعيها

هاااااااااااااااااااك

توقع لاتعرض نفسك القشراء على المقدور= وتصبح مثل هيك لي نعلقها بمعلاقي

ونا قصري مشيد للنشاما ماسكن المهجور= ونا بسرج ضهور الخيل واخذ صفوة انياقي

[مضواح بن جابر]

عقرني النوم


لاهنتو ياصفوف


لاهنتو ياجمهور


مشكورين كلكم كلكم

بـــــــــــــــــــــــــاي لاهنت ياعلي

[علي البورعي]

لبيه يابو جابر

لاهنت قدهم يصلون في المساجد

تراك مقروع ماعاد تقول فيها كلمه

هااااااااااااا كان



دخيل الله ترا عزوت جدودي وصلت الحنجور=وصلنا لنهاية يارفيقي مابقى باقي
يقولون الجمل ماهوا يحس بلقصة الدبور= وأنا مثل الجمل ماني بحب أبعثر أوراقي

[خالد آل مطرف العاطفي]

لاهنتو ..لاهنتو ..
اخواني الغالين
الشاعر مضواح بن جابر ...والشاعر علي البورعي
الله لايهينكم والله يعطيكم الف عافيه ماقصرتو واشكركم جزيل الشكر على تواجدكم وحضوركم الطيب والمميز معنا
ووالله انكم لأحد المكاسب التي حققها الموقع ووجودكم معنا مطلب للجميع ..وننتظر منكم المزيد من المحاورات ..والوعد ليلة الخميس
الجايه ان الله احيانا واحياكم وسوف يكون هناك تنظيم للشعار ووضع ترتيب وسوف يتم التنسيق معكم ومع مشرفي المجالس
الأدبيه ..وسوف يكون هناك انشاءالله تواجد وحضور من الجميع وسوف يعلن باالمحاورات قبل الموعد بيومين ويحدد الشعار
لكي يكون هناك متابعه وعلم من الجميع بموعد المحاوره ..
اخوكم
اللي يقول بيض الله وجيهكم على ذا المحاوره المميزه
خالد

[ابن عاصم]

انشهدددددددددددددددد انها فاتتني المحاااوره

بس والله كنت في البرررررررررررفي ذا المربعانيه ههههههه

عووووووضوني بمحاوره جديده

اخوووووووكم

ابن عااااااصم

[علي البورعي]

ارررررررررررررررررررحب

ياأبن عاصم

حياك الله

وماأبطى من جا

وأبشر بالعوض



شكرا على مرورك