المساعد الشخصي الرقمي

مشاهدة النسخة كاملة : ****((بنت بدوي))****


سعد بن شفلوت
15-12-2004, 05:22 PM
الصيف قرب والربيع اوشك يروح=وآخيل برق غربي المملكة لاح
له عدة ايامٍ على الطايف يلوح = ان قام حظ البرق حظ المطر طاح
وصوت الرعد جرعٍ ولا هو بمبحوح=جوٍّ خيالي لا بعد جا ولا راح
والسيل جاله مع رذاذ الحيا فوح=في وادي كنهّ مثل وادي نساح
صفيت مشاريبه وغنا لها الدوح=والطير جاله في خضيراه ملواح
عن موية المنهل يكفيك قرطوح=وعن جرة الزامل حمامه ليا ناح
وبو جديل يجاوب النوح بالنوح=هاضه هديلٍ فوق الاغصان صداح
في صحصحٍ يفرق على كل صحصوح=مطراح عشبه فوق شبرين مطراح
الربلّ ميدة والخزامى له سطوح=والروض من نبت النفل لابس وشاح
مدهل مغاتير ومجاهيم ووضوح =يوميلها الراعي بعجرا ومسباح
يا شاشة التلفاز بثي وبوضوح=بثي الحوية في تراث ابن شلاح
ديرة حبيبٍ شوفه يزيد فالروح=هو راس مالي والفوايد والارباح
ابو جديلٍ فوق الامتان بحبوح=يلعب بذيله ويتمرجح تمرجاح
كنه سواد الليل في عتمة الضوح=يلفح على وجهه لياهبت رياح
وبو عيونٍ رمشها كنه سفوح=ليسلهمت كنها مساهيم ورماح
وبو جبين وبو حواجب وسنطوح=وبو خدودٍ ريّه تقول تفاح
سبحانك الله وانت قدوس سبوح=موية شفايفها كما الشهد لاساح
وان لبست الجلاب والصدر مفتوح=شفت النهود اللي على الصدر طفاح
اردوفها تنزح عن الخاصر نزوح=كن بينها غارات وحروب وكفاح
طويلةٍ مليانه بعيدة شبوح=وان اقبلت ولا ادبرت طيبها فاح
وان عزمت لحفلٍ به شيال وطروح=ماهمها من كان في قصر الافراح
وجهٍ قبل والكحل فالعين ملموح=يوم بعضهم وجهه تقول تمساح
مملوح تدرون ايش معناة مملوح=يعني الحلا فالنسبة يفوق الاملاح
ومطعومه السمن الطبيعي على الدوح= مافيه كيماوي من انتاج فلاح
نومه على بزٍ على القاع مبطوح=وله مع شروق الشمس سجه ومسراح
يطوف وينفس عن همومه الزوح=وان شاف هشالٍ على شايبه صاح
يا بوي جانا ضيف جوح الجمر جوح=طوح بصوت النجر يابوي طواح
شهل له بنفجال والفال منطوح=انت الكريم اللي على الحيل ذباح
بنت بدويٍّ بالجمالات ممدوح=وضحى وبوها حضرة الشيخ وضاح
من سبها قلبي على طول مجروح=ما فاد في طبه طبيبٍ وجراح
من سبها قمت افضح السر وابوح=اقول باح السد وتقول ماباح
لا راكز عوده ولا هو بمسدوح=وكل اناء بالذي فيه نضاح
موضوع حبي له على الخلق مطروح=ما عاد يبغاله تفاسير وايضاح
اعلنت فيه اعلان واذنت فالصوح=والقلب في حبه على خف وجناح
في حبها سموني اهل الهوى بوح=يعني خبل لكن على رقم سفاح
وفي حبها بصبر صبر سيدي نوح=وفي حبها حبي معه سبعة ارواح
قصت على قلبي تراخيص وفسوح=وتبحبحت بين الحنايا تبحباح
يابنت انا راسي صليبٍ وطحطوح=عندي على باب الصعاطير مفتاح
ماني بملقوفٍ ولا ني بسلتوح=ولا اتسمع في قناوات الاصلاح
ابوي لاعنده يجي الهرج ويروح=عبدالله بن شفلوت كساب الامداح
فالمعرفة بنيت له شموخ وصروح =ومقدم بني عمه لما صايحٍ صاح
صبيان مندي يوم ذابح ومذبوح=يوم الحفيف يصبح الحف صباح
ان انتصح ولاّ فلا هو بمنصوح=كم واحدٍ صوّب وكم واحدٍ ذاح
يشهد ولد حارث ويشهد ولد روح=واثبت كلامٍ قلت واعدل سلاح
يازين امنحني الثقه وانت ممنوح=لعبت بي زقره قطار مفساح
لانته بمسموح ولاني بمسموح=لو تنتقل خرير في جنب الاسياح
عندي طموح ماهي باية طموح= ابغى اربح المليون ياجرج قرداح
فرصة ولا باخلي الفرصه تروح= ماني بمعطي فرصة العمر سداح
تبي الصراحه كل مشروح مبروح=حبيتك وقلبي لك ارتاح وارتاح
فان قلت مالك فالعواذيل مصلوح=ارزح تراني بعض الاحيان رزاح
وان قلت حاسب وافتهم زين يالوح=امزح تراني بعض الاحيان مزاح
ماتصلح العشرة بلا غيض ومزوح=والسالفة ماتصلح بدون ملاح
فانا اشهد انك خلي الروح بالروح =جاك الكلام وخل ماجا وماراح


الشاعر/ سعد بن شفلوت

عوض بن شفلوت المناديه
15-12-2004, 06:26 PM
حي والله ذا الحجاج يا ابو عبدالله

قصيدة وافيه من شاعر وافي

والله يبلغك اللي في بالك وترانا حسب الطلب

الصراحة ان كل بيت من القصيدة يسابق الثاني

الى الامام و القادم احــــــــــــــــــــــــــلى

خالد آل مطرف العاطفي
15-12-2004, 06:32 PM
لا راكـز عـوده ولا هـو بمسـدوح=وكـل انـاء بالـذي فيـه نـضـاح
موضوع حبي له على الخلق مطـروح=ما عـاد يبغالـه تفاسيـر وايضـاح
اعلنت فيه اعـلان واذنـت فالصـوح=والقلب في حبه علـى خـف وجنـاح
في حبها سموني اهـل الهـوى بـوح=يعني خبل لكـن علـى رقـم سفـاح

صح السانك ...صح السانك
ياابوعبدالله
الله يعطيك العافيه على ذا القصيده الجزله ..وكعادتك يابوعبدالله دائم على موعد مع الأبداع ..
وننتظر منك المزيد والمزيد من القصائد المميزه .. فلا تبطي بها علينا ...

اخوك
اللي يقول صح السان الشاعر سعد ملايين
خالد

فارس قحطان
15-12-2004, 10:35 PM
صح لسانك يابو عبد الله


قصيدة جزززززله لاهنت

مضواح بن جابر
16-12-2004, 12:24 AM
ارحب ياابو عبدالله

بشرني عنك ياالقرم


عساك بخير


صح لسانك ولاهنت


تقبل اعذب التحايا

من اخوووووك


مضواح بن جابر

سعد بن شفلوت
16-12-2004, 03:01 AM
حييت اشكل يابوعبدالرحمن


ولا عليك زود

والحقيقة ان مرورك الكريم اعتبره شرف


وانت حاسبين عليك في اليوم الكبير ولا هذي الامر بسيط


والله يجعلك ذخر .......

اخوك///// ســـــعــــــــــــ بن شفلوت ـــــــــــــــد

سعد بن شفلوت
16-12-2004, 03:06 AM
الله يعافيك ياخالد


وصح بدنك ملايييييييين


مرورك غالي يالغالي جعلني ما ابكيك

وابشر بالخير........ ازهم صاحي يجيك مجنون

اخوك/// يعد بن شفلوت

سعد بن شفلوت
16-12-2004, 03:10 AM
هلا يافارس وغلا


مرورك اسعدني كثير

الله يسعدك ...

اخوك /// سعد بن شفلوت

سعد بن شفلوت
16-12-2004, 03:20 AM
ارحب انت يامضواح بن جابر



يالله حيه يامرحبا


انا بخير لك الخير ولا ينقصنا الا شوفتك يالنشمي


بشرني منك عساك طيب والربع كلهم طيبين


زودٍ بالعافية..


مرورك شيء كثير يامضواح

والله لا يهينك

وانشاء الله لنا لقا قريب....

اخوك///// سعد بن شفلوت

ابن هملة
23-12-2004, 03:11 PM
سلام عليكم

وصح لسانك يا ابو عبدالله

والله يبيض وجهك ولا يهينك

واذا تبي الصراحه انك مبدع مع ان رايي ما يقدم شي ولا يوخر؟؟؟؟؟؟؟؟؟؟؟؟؟؟؟؟؟؟؟؟؟؟

سعد بن شفلوت
25-12-2004, 11:14 PM
مرحبا يابن هملة

وجهك الابيض وقايلٍ مايهون


وبالعكس شهادتك معترف فيها داخليًّا ودوليًّا


اخوك// سعد بن شفلوت

هاوي نجد
26-12-2004, 11:35 PM
الله لا يهينك اخوي سعد ولا هنت

القصيدة بصراحة رائعة وتحمل معاني قوية


لا هنت يا كحيلان



اخووووووك

هـــــــــــ نجـد ــــــاوي

الهشامي
07-01-2005, 02:28 AM
صح لسانك يالسنافي
قصيدة جزلة من شاعر جزل

سعد بن شفلوت
08-01-2005, 12:37 AM
قايل مايهون


ياهاوي نجد


مرورك غالي يالغالي


الله لا يحرمني منك


اخوك//سعد بن شفلوت

سعد بن شفلوت
08-01-2005, 12:39 AM
صح بدنك يالهشامي


ولاهنت على كل حال


ولا عليك زود


اخوك // سعد بن شفلوت

الذيب الاشيب
08-07-2006, 06:53 PM
صح لساااااااااااااااااانك ياسعد

خالد بن محمد ال شفلوت
10-07-2006, 02:58 AM
صح لسانك يا أبو عبدالله
قصيدة رآئعة جدا
ونطمح في المزيد والمثير من كل جديد
ونسأل الله أن يحقق أملك فيما تطلب ونحن في خطمتك وتحت أمرك
تقبل تحيات أبو وليد0000:applaudit:

مبارك بن حاضر
10-07-2006, 05:02 AM
الله عليك يابو عبدالله


والله مبدع مبدع مبدع


صح لسانك يالقرم وبيض الله وجهك




أخوك
مبارك بن جمان

أبو صقر
10-07-2006, 10:31 AM
ماشاء الله تبارك الله

بيض الله وجهك يابو عبدالله حقيقة قصيده وافيه ومن شاعر وافي أشكرك جزيل الشكر وأتمنى لك التوفيق والله إنني أعجبت بها كثيرا أبيات مليانه بمعنى الكلمة وأبيات موزونه وأبيات ثمينه حقبقة شاعر شاعر مميز

أكرر شكري لك وتقديري

تقبل تحيات أخوك

أبو صقر الزهيري

محمد الجربوعي
12-07-2006, 01:04 AM
الشاعر العملاق / سعد بن شفلوت

من اول مره التقيت معك وسمعت شعرك عرفت

انك شاعر كبير ولا تقل عن عمالقة النظم

ما قدر اوفيك حقك يابن عمي

اللي اقوله عساك قوي دايم

اخوك محمد الجربوعي

سفير بني بشر
12-07-2006, 02:03 AM
صح لسسسسسسسسسسسسسسسسسانك

عبدالله بن سحمان
13-07-2006, 03:23 AM
أررررررررررررررحب يا سعد

صح الله لسانك وجاد بنانك

مبدع كعادتك

تقبل خالص تحياتي

عبدالله الوهابي
17-07-2006, 12:57 AM
أرحب يا سعد وبيض الله وجهك على هذه القصيدة

عبدالله الوهابي
17-07-2006, 01:05 AM
أرحب يا سعد وبيض الله وجهك على هذه القصيدة

عبدالله الوهابي
17-07-2006, 01:19 AM
أرحب يا سعد وبيض الله وجهك على هذه القصيدة

عبدالله آل عباد
19-07-2006, 11:24 PM
بيض الله وجهك يابن شفلوت

انت شاعر اكثر من رائع ومن الشعار القلائل ألى يطربني شعرهم


أنا حظرت أمسيتك ألي في فندق السفير ويعلم الله اني رحمت الشعار الي كانو معك ذاك الليل

ويعلم الله أنك رفعت روسنا
وبغيت أسلم عليك لاكن ما أمداني حالو دوني خلق كثير
وبشر بنا في لزومك

أخوك أبوجابر البشري القحطاني

فهد المكودر
20-07-2006, 01:00 AM
سعد بن شفلووت



صح لسان ملاييييييييين وجعل عمرك سنين







قصيدة مبدع وليست غريبه عليك






اخلص التحايا لك

عبدالله ابن شايع الزهيري
31-07-2006, 01:14 PM
صح لسانك وقلبك يابن شفلوت



شاعر جزل


الله يحفظك

عبدالله المهداني
01-08-2006, 02:05 AM
سلمت ودمت



بيوتك مصاغة بماء الذهب



سعد بن شفلوت غني عن كلامي




تحياتي

فارس آل سريع
01-08-2006, 08:15 PM
شكرا على القصيدة الرائعة

بوغلا
02-08-2006, 11:15 PM
صح السانك
وبيض الله وجهك

علي بن مسفرالحبابي
03-08-2006, 09:32 PM
لا راكـز عـوده ولا هـو بمسـدوح=وكـل انـاء بالـذي فيـه نـضـاح
موضوع حبي له على الخلق مطـروح=ما عـاد يبغالـه تفاسيـر وايضـاح
اعلنت فيه اعـلان واذنـت فالصـوح=والقلب في حبه علـى خـف وجنـاح
في حبها سموني اهـل الهـوى بـوح=يعني خبل لكـن علـى رقـم سفـاح

صح السانك ...صح السانك
ياابوعبدالله
الله يعطيك العافيه على ذا القصيده الجزله

وكعادتك يابوعبدالله دائم على موعد مع الأبداع
وننتظر منك المزيد والمزيد من القصائد المميزه .


]