المساعد الشخصي الرقمي

مشاهدة النسخة كاملة : خولان بن عامر & ما يحتاج ( باختصار )


عبدالله بن غفره
11-04-2006, 12:50 AM
ما يحتاج
سلامي عليكم عدما لاح براق= بداية عسى الله مايخيب ضنوني
يقولون خولان ابن عامر على ساق= وانا قول ما يحتاج شافت عيوني
خولان بن عامر

عليك السلام ورحمة الله تنساق=هلا مرحبا واللي حضر مايهوني
مايحتاج ظني شاعر وصاحب اخلاق=لكن الليالي سرها في البطوني
ما يحتاج

بقيت وبقا الجمهور والوقت لوضاق =ما ضاقت صدور مخلصين الديوني
ياخولان لونكتب على بيض لاوراق=اخافك تهجاء الميم ياذيب نوني
خولان بن عامر

مادام القمـر نـوره تعانقـه الافـاق = فانا الله عطانـي والبشـر ماعطونـي
ترى في العرب كبتن وفي الناس سواق = وفيهـم هـل الديـره وفيهـم بدونـي
ما يحتاج

عطاك الله حب الناس والبحر صفاق = اخاف تغرق والصف لاياغرقونـي
على نيتك والبيت من دونـه ارواق = ولا سلعة الا لاقـي لهـا زبونـي
خولان بن عامر

لوأن البحر مثل الفناجيل ينراق=سرينا وخلينا العشاء في الصحوني
ترى اللي يدس السم في بعض الارزاق=اعده من اللي في خويه يخوني
ما يحتاج

حداني على المجلس قديمات الاشواق= وشرواك ياخولان ما يزعلوني
معك علم في بني الكباري والانفاق =تعديت بيت الشيخ عالي الركوني
خولان بن عامر

على جرتك خلك هواوي وعشاق=ترى العشق في بعض المواقف جنوني
عطيناك من خيرات ربي وما لاق=وهالحين تنساني وتنسى لحوني
ما يحتاج

على كل حال الوضع ما عاد ينطاق= على خير تصبح والعرب يصبحوني
وخيرك وشرك لك وعندك له اسواق =وعسى الله يغفر اذنوبنا واعذروني

فارس قحطان
11-04-2006, 02:30 AM
السلام عليكم ورحمة الله وبركاته



لاهنت يابن غفره على هذا التنسيق


والله لا يهين الشعار الذين امتعونا في هذه الليله

نسناس الجنوب
11-04-2006, 11:15 AM
ابيض وجه يابن غفره



لاهانوا الشعار مايحتاج القادم بقوه والداهيه خولان


دمتم بخير

عبدالله المهداني
11-04-2006, 03:00 PM
لاهنت يا ذيبان على التنسيق والمتابعه


وبيض الله وجهك

وصح لسااااان كل من الشاااااااااااااعرين


ما يحتاج


؟؟؟؟؟؟؟؟



خولان بن عاااااااااااامر

والف مبروك المنصب الجديد


واتمنى لك مزيد من التوفيق والتألق


تحياتي للجميع

خولان بن عامر
11-04-2006, 03:02 PM
بيض الله وجهك يامايحتاج

وانا اجزم ان وراء هذا الاسم شاعر كبير وشاعر معنى من الطراز الاول وكان لي الشرف بمجاراته

اقدم شكري الجزيل له واعتذر منه على القصور.


واشكر جميع الاخوان اللي شاركونا وخاصة المشرفين النشطين ابن غفره وسعد القطاني



كما انني اشكر اللي قام بالاعلان والتنسيق الشايب الغالي اللي الله يحسن خاتمتنا وخاتمته معيض بن دشن:)


وبيض الله وجهك يابن غفره على الاختصار والاخراج ومبروك الاشراف والمفروض هذا من زمان وهذا ماكنت اتمناه




تحيتي للجميع

عبدالله بن غفره
11-04-2006, 03:25 PM
المراقب العام /فارس قحطان


من قال ما يهون

وأشكرك على المرور والتعليق

تحيتي لك يالغالي


نسناس الجنوب

ووجهك أبيض ولا هنت يالقرم على المرور والتعليق

المشرف الغالي /عبدالله المهداني

من قال ما يهون ووجهك أبيض وأشكر على المرور

والله يبارك فيك وأن شاء الله نكون عند حسن الظن وأكثر

الأستاذ / خولان بن عامر

ووجهك أبيض وأتمنى أن أكون عند حسن ظنك وظن الجميع

وشهادتك وسام على صدري أعتز فيها

تحيتي للجميع

أخوكم بن غفره

ذيب المعادي
11-04-2006, 04:44 PM
لاهنت اخوي ابن غفره




وسلمت يمينك ياغالي




وصح الله لسان الشعار

ذيب المعادي
11-04-2006, 04:53 PM
اخوي الغالي


ابن غفره



مبروك على الترقيه



وفي الحقيقه انك تستاهل



وخطوه موفقه من الإداره


وإلى الأمام




اخوك
ذيب المعادي

جبل بن زيد
11-04-2006, 05:24 PM
السلام عليكم ورحمة الله وبركاته
لاخهنت يابن غفره على النقل والترتيب
وبيض الله وجهك وجهلك شكلك كثير


وأشوف الربع يباركون لك فاقول

10000000000000000 مبروك


وتقبل تحياتي

سعيد بن مانع
12-04-2006, 01:04 AM
بن غفره ...



أول شي الف مبروك على الترقيه ... وعساك بالعون نشالله .. وموفق ..



ثاني شي ...


لاهنت على نقل هذه المحاوره اللتي حقيقه انها فاتتني متابعتها المباشره ....
كانت قويه بين شاعرين من العيار الثقيل ...

فلاهنت على اختصارها وتنسقيهااا يالوافــي ...



تحيتي لك .

محمد الحياني
12-04-2006, 07:12 AM
اخوي الغالي ابت الغلا

بصر العين وشوفي الزين


لاهنت على الاختصار الجميل

لهذين الشاعرين الرائعين

اللذان امتعانا بمحاورة جميلة

دمت يالغالي ودام عزكم ياقحطان

عبدالله بن غفره
13-04-2006, 01:14 AM
لا هنتو يالربع بيض الله وجيهكم


وصح الله لسان الشعار


وننتظر محاورة أخرى تجمعهم بفارغ الصبر