قصيدة للشاعر/ معيض البصيري في الشيخ /عشق بن شفلوت

[الراااسي]

السلام عليكم ورحمة الله وبركاتة
هذه قصيدة للشاعر/معيض بن مقبل البصيري يرثي فيها الامير/عشق بن ذيب بن شفلوت الذي وافتة المنية اثر حادث مروري بسبب انفجار اطار سيارتة


اليا بكيت اليوم مانيب مليوم=اقطعك يانفس تزايد عبرها
انا بغيت ارقد ولاجاني النوم=والعين يسكب دمعها من حجرها
جاني خبر جوال واطيح واقوم=ليت المواترما يبنشر كفرها
ياكم جلسن في تخاتيخ ورجوم=ومعلقين الغنم في شجرها
الشيخ راح وراحت الحيل والكوم=اللي ليا جاه المسير عقرها
يالـــلــه يالمــــعبودحــي(ن)وقــيوم=عساه في الجنة ويشرب نهرها
محد(ن) على الدنيا من الناس معصوم=وكل يمره في محله كدرها
يالله ياخالق قناديل ونجوم=انك تنجي مناحي من خطرها
البارحة كني على الكبد موسوم=مثل القزازه مايلحم شعرها
غديت مثل اللي صغير ومفطوم=ماتبين امه ديدها من نحرها
يالله عسى مشاري لنا حي ويدوم= راع البكار اللي تحلق وبرها
ياللي تصلي تالي الليل وتقوم=لاواهنيك يوم تقطف ثمرها
وصلاة ربي عد ماهلت غيوم=على نبي الله سيد بشرها

[نايف القحطاني]

الاخ/ الراااسي شكرا جزيل
شكرا لك على نقلك قصيدة الشاعرمعيض
في الامير/عشق الله يرحمة ويسكنة فسيح جناتة