محاوره حمد هادي المسردي و خلف بن هذال

[تركي الحبابي]

اسعد الله مساكم بكل خير وهذي المحاوره جرت بين خلف هذال العتيبي وحمد هادي المسردي في حفل يوجد به صاحب

السمو الملكي الأمير / سلمان بن عبدالعزيزال سعود امير منطقه الرياض واطلب من الا خوه المتواجد ين من يعرف الشطر


الثاني للشاعرخلف هذال ان يورده مشكورن علمآ ان المحاوره قصيره جدآ من بيتين وكان الشاعر خلف هذال البادي

بلمحاوره فتفضلو مشكورين!

خلف هذال

سلام الله سلام الله وابا لي شخص من قحطان**************** تدق الناس في عرضه وفيهم ناس مكسوره


********************************************** **********************************************


حمد هادي المسردي


هلا يامرحبا وبك البقا ياترثت جهيمان********************* تبي تملك حرم مكه وردك سيف اخونوره


انا بوصيك ثم بوصيك وخذالعلم ياسلمان***************** لياجاك العتيبي حط رجلك فوق صرصوره



وتقبلو خالص تحياتي تركي الحبابي

[بن مزهر]

بيض الله وجهك يا تركي


لكن الي بيعرفها كامله نزولوها يالربع

[الذيب الاشيب]

بيض الله وجهك والله اتمنى المحاورة هذي كامله



عسى احد يجيبها لنا وين المسارده




اشكرك يالحبابي

[فارس الجنوبية]

مشكور اخوي تركى


والله يتغمد الشاعر الكبير حمدهادي المسردي واسع رحمته

ويكثر من امثاله

[فالح المسردي]

مساكم الله بالخير

اخـــــوي تركي الله لا يهينك

على نقل محاورات قديمه من الصعب وجودها
وايضا لشاعر مثل قبيلة قحطان فترة من الزمن وعرف بين القبايل وهو غني عن التعريف


لكن اللي اقدر افيدكم به

ان هذه المحاوره في حفل الجامعه بالرياض والمحاوره كانت قصيره كما اسلفت

وايضا قيل ان صاحب السمو الملكي الامير/سلمان بن عبدالعزيز(حفظه الله)

قام من الكرسي وصفق لشاعر حمد هادي وناداه
وكان له اكراميه الله اعلم بها

هذا ما اعرفه واعذروني على القصور

اخـــــــوكـــــم
فالح المسردي

[مرعي بن دواس الحبابي]

الله يجعل عظامه في الجنه والله سبعين نعم بولد مسرد وادعو له تكفون بالرحمه والمغفره الله يرحمه برحمته التي وسعت كل شئ

الي نعرف انه جنن خلف والزلامي


اخوكم حبابي اصل وفصل

[سعيد بن مانع]

الله يرحمه ويسكنه فسيح جنااااته ...



وعزالله ان خلف وغيره من الشعار الكبار يشوفون برق المسردي في المااء ...




مانقول الا رحمة الله عليه ... وعوضنا به خيرااا




لاهنت يالحبابي وجعلك تسلم ....

[ابوجبران]

شكراً لك اخي الكريم على هذا المشاركة

[محمد الحياني]

رحمه الله

واسكنه فسيح جناته


شاعر متميز بقي أثره على مر السنين


لاهنت يالغالي

على المحاورة وياليت انها يكمل الشطر الثاني

[ولد مسرد]

لاهنت ياتركي الحبابي ماقصرت على المشاركه الرائعه


والله يرحم حمد ويسكنه فسيح جناته والله شاعر فقدوه عوال الشايب

والموجودين فيهم الخير والبركه

وعلى ايام حمد اذا حضر كتم بلوف الشعار كلهم

واللي يبي محاورته مع خلف ومع رشيد الزلامي اللي في الجامعه

يروح لمكتب { بيت الشاعر } وبتشوفون كيف ابوهادي كتم بلف رشيد

شوفو المحاوره وردولي خبر

تقبلو تحياتي

[الزهيري المغترب]

شكراً لك اخي الكريم على هذا المشاركة
انا صراحه عندي شريط محاوره للشاعر حمد-رحمه الله- وخلف والحقيقه انه ماهو واضح مره ولا هو سيء مره بس تقدر تسمعه زين وانا انشاء الله باحاول انزل منه محاوره -باذن الله-.
منها:
يقول حمد:
ضيفي اللي يجحد العشوه ليا عشيته ___________#________ ما له الا ياخلف سكين والردادي

[سيف السحيمي]

ياسلام الله عليكم مبدعيييييين

[وحيد الجنوبيه]

لاهنت

وماقصرت على المشاركه

[فالح المسردي]

اخـــــوي سند

الله لا يهينك

وماقصرت على النقل

تقبلوا تحياتي

[الامبراطور]

السلام عليكم ورحمة الله وبركاته


يالربع سمعت من زمان ان تكملة البيت اللي اورده الاخ سند كالتالي.......


صفوف من قحطان وشاعرن كنه الصوره <<<<< التكمله الصحيحه اللي سمعتها من كبار السن

وليست كما قلت يا سند والصحيح ان مهما حصل لن يبدأ العتيبي بالبيت اللي ذكرته لانه لو قاله يعتبر باع نفسه للهلاك

وايضا كونه امام امير والاحتمال القريب من التاكيد ان البيت حرف والتحريف سلعه رخيصه اليومين ذي

عموما ــــــــــــــــــــــــــــــــــــــــــــــــــ ـــــــــ

الله يرحمك يالمسردي

حمد هادي علم من اعلام الشعر النبطي ويكفيه انه صاحب اطول بيت شعر نبط على الاطلاق

واقول حمد هادي بتبطي الساحه ما جابت مثله

[فهد بن محمد الزهيري]

الاخ سند ما اتوقع ان خلف بدا بالبيت اللي ذكرت
انا احفظ فقط رد حمد هادي الله يرحمه وفعلا كان الحفل بجامعة الرياض ( الملك سعود ) وبحضور الامير سلمان



رد حمد هادي



انا بانصحك انا بوصيك انا بانذرك ياسلمان =الا جاك العتيبي حط رجلك فوق صرصوره
اكيد انه يبي يدله وينسى قصة جهيمان = بغى ياخذ حرمنا واحتماها سيف خو نوره

[الخيال]

سند اتق الله في ما تقول .
لا يعقل ان يقول العتيبي هذا البيت !!
يا اخوان لا يجوز تحريف الابيات و التزوير خلف اسما مستعاره .
من عنده الابييات الصحيحه يقلها و جزي خيرا .

[ذيب المناديه]

لا هنت اخوي


ورحم الله حمد


وحفظ الله لنا شعارنا المبدعين

[تركي الحبابي]

اشكر كل من شارك أو رد على هذا الموضوع واعتذر عن عدم التواجد او المشاركة في هذا المنتدى لهذه الفترة التي كان السبب في ذلك سفري خارج المملكة

[فهد الفهري]

مشكورررررررررررر يا اخوي بس الي انا عرفه ان المحاوره غير الذي ذكرت


وهي كتالي
خلف بن هذال
انا معاصر الزمن وباقي الأزمان ********************** ما عصر الزمنهذا وسابق أعصوره
ماشفت بردى من قبيلة قحطان ********************** لا تنفع الدوله ولا هي بمشهــــوره




حمد بن هادي المسردي

بوصيك بوصيك يا سيدي سلمان****************** لا جاك العتيبي تاطى على صرصوره
بانت خيانتهم في هية جهـيمان ******************بغومكه ولا كن حماها سيف اخو نوره


وهذي منقوله عن أحد اصدقاء حمد بن هاي المسردي رحمه الله ويحتفظ بشرط كست للمحاوره كاملا على حد قوله وسف انقلها لكم كامله انشاء الله

[الكايف]

السلام عليكم ورحمة الله وبركاته


صلوا على النبي :


اللي أسمعه من الشيبان :

ان خلف هذال قال :

أنا أشهد شهاده حق مابه أنذل من قحطان ********** قبيله بين القبايل كنها صوره


ورد شاعرنا الكبير الله يرحمه ويسكنه فسيح جناته :


أنا أشهد شهاده حق خان من يامن العتبان ************ ولاجاك العتيبي فأط فوق صرصوره

ألا ياشلة الشيطــــان ألا ياشلـــة جهيمـــان ************ وأعـــان الله عليكم إخـــوان نـــوره


فوقف الأمير سلمان وقال أعد البيت يقصد شاعرنا الكبير ,,,



فخرج خلف هذال من الساحه ...

[سفير بني بشر]

الله يرحمه

[الزهيري المغترب]

الله يعطيك العافية اخي الكريم وموضوع مميز وتشكر عليه

[ابو ريان]

الله يرحمه ويغفر لـه ..

يقولون خلف بن هذال يطلع من الملعبة على طول .. إذا دخلها حمد بن هادي ..

الله يرحمه ويغفر له ..

[فيصل الجميح]

لاهنت ومشكور وما تقصر