عبدالله المهداني
03-04-2006, 04:04 AM
العود الأزرق
مرحبا بك يا سعد عد براق الغيوم=والثقيله يا عميلي نعرف اجمالها
من يصلي يا سعد مسلم و لازم يصوم=والبشر يا صاحبي تختلف بفعالها
سعد القحطاني
البقا بك يالمرحب سلامات القدوم=النشاما من لسامي نقرر فالها
انت دامك تعرف الدين والاجل امحتوم=امسك صفوف الجماعه ولا تبرا لها
العود الازرق
الصبيخة ونعم ديرة رجالٍ قروم = وكل قومٍ يا سعد عارفٍ منزالها
الجبال اللى تذري عليك من السموم =العواصيف الشديدة برتلك جالها
سعد القحطاني
ديرة ضمتك من قبل تطغيك الحلوم=لو عوى لك ذيب تزبن بروس جبالها
انتبه يالعود الازرق تلفلف بالعلوم=والله إنك لو ضويتها تشتالها
العود الازرق
ديرتك ديرة رجالٍ يعرفون السلوم =لاحت بروق المخايل وهل خيالها
احد معطى ياعميلي واحد صار محروم =والله اني خابرٍ عمها من خالها
سعد القحطاني
لاتقوم توصف الناس وقسمك فالقسوم=الله اللي عزنا والقيم حنا لها
الله اكبر تالي الوقت وش صاير يا قوم=ابتلشنا بالعليا وطبع عيالها
العود الازرق
الكذب كبر الجبل والصدق صار معدوم =والنجوم العاليه تو بان هلالها
الطيور طيور كل(ن) بجنحانه يحوم = والقناة الاوله كيف جاك ارسالها
سعد القحطاني
ما يفيدك من يوهقك باطوال الرجوم=يوم قمت تقلط اعلوم ما تحتالها
يا ستار استر هذا العود بجداد الهدوم= قبل تاطاه الاصيله وانا خيالها
العود الازرق
طرقتك معنى طويله و لكن لا تنوم= خوتك يا طيبها قالها من قالها
العوافي يا ابن عمي ترها ما تدوم= والله اني محزمك لو تدور ليالها
سعد القحطاني
خلك بجنبي وانا قول ياخوي مخدوم=وانا وانته نلغي خفافها وثقالها
مرحبا بك يا سعد عد براق الغيوم=والثقيله يا عميلي نعرف اجمالها
من يصلي يا سعد مسلم و لازم يصوم=والبشر يا صاحبي تختلف بفعالها
سعد القحطاني
البقا بك يالمرحب سلامات القدوم=النشاما من لسامي نقرر فالها
انت دامك تعرف الدين والاجل امحتوم=امسك صفوف الجماعه ولا تبرا لها
العود الازرق
الصبيخة ونعم ديرة رجالٍ قروم = وكل قومٍ يا سعد عارفٍ منزالها
الجبال اللى تذري عليك من السموم =العواصيف الشديدة برتلك جالها
سعد القحطاني
ديرة ضمتك من قبل تطغيك الحلوم=لو عوى لك ذيب تزبن بروس جبالها
انتبه يالعود الازرق تلفلف بالعلوم=والله إنك لو ضويتها تشتالها
العود الازرق
ديرتك ديرة رجالٍ يعرفون السلوم =لاحت بروق المخايل وهل خيالها
احد معطى ياعميلي واحد صار محروم =والله اني خابرٍ عمها من خالها
سعد القحطاني
لاتقوم توصف الناس وقسمك فالقسوم=الله اللي عزنا والقيم حنا لها
الله اكبر تالي الوقت وش صاير يا قوم=ابتلشنا بالعليا وطبع عيالها
العود الازرق
الكذب كبر الجبل والصدق صار معدوم =والنجوم العاليه تو بان هلالها
الطيور طيور كل(ن) بجنحانه يحوم = والقناة الاوله كيف جاك ارسالها
سعد القحطاني
ما يفيدك من يوهقك باطوال الرجوم=يوم قمت تقلط اعلوم ما تحتالها
يا ستار استر هذا العود بجداد الهدوم= قبل تاطاه الاصيله وانا خيالها
العود الازرق
طرقتك معنى طويله و لكن لا تنوم= خوتك يا طيبها قالها من قالها
العوافي يا ابن عمي ترها ما تدوم= والله اني محزمك لو تدور ليالها
سعد القحطاني
خلك بجنبي وانا قول ياخوي مخدوم=وانا وانته نلغي خفافها وثقالها