المساعد الشخصي الرقمي

مشاهدة النسخة كاملة : أنـا واربع بنات في البر.................


معتزي بفلانه
28-03-2006, 12:50 PM
البر وما أدراك ما البر ... فيه وناسه وفيه بعض الأحيان تعاسة
...
في ربيع هالسنه 1427هـ أتفق الشباب في الاستراحة على طلعت بر .. وقالو لي يابو ثامر نبيك معنا فيها قلت والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا هات ما عندك يا بو ثامر قلت الأول أم أعيالي أبشاورها .. والثانية أبروح في سيارتي ولا أبي أحد معي ... قالو أفأ ليه قلت من غير ليه .. قالوا أبشر والوعد بكرة في ( أم أرقيبة ) الساعة 12 الظهر عشان ندخل الصمان بدري قبل تظلم العين .... شاورت أم العيال ولا مانعت .. حملت كل شي أشوفه في وجهي من عزبة وخيام والعدة تخبرونها ما يحتاج .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازين الصمان أرض خضراء ودفى ووناسه .. جلسنا في أم أقرين ومشينا فيه الين مناخ .. قضينا في الصمان خمس أيام راحة كنها ليلة .. أنا أنشغل بالي مع أم العيال والعيال وأمي .. قلت للربع أنا أبمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .. أنتم وسعوا الصدر وأنا أبقطع النفود ثم أتوجه يم الديرة .. قالو ما نقول شي خذ راحتك بس خل الكنود شغال وبرمج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .. قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت ( الأعصل ) وادي شرق تمير عرفته من الطلح يوم كنا نصيد فيه ..
الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة ..
الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ..

غاب القمر يا ناس والراس محتــــــاس .... في وسط وادي كل أرضه حصاني
لا جيت أنا أبمشي فيه والموتر الشاص .... قـام يتمايــل فوق رمــــث حدانـــي
شبيت ناري واعتـــــــلآ النار محمــاس .... لعل ضيـــفي شــم نــــاري وجانــي
هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي

وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته ..
بس الصياح كنه أرتفع وأرتفع معه أزعاق وكن أحد يحاول يسكته بالقوة ......
الساعة قربت علي الثلاث الصبح .. وصوت السيارة ما أنقطع من الحنين .. جمعت العدة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .. أنا قلت هالكلمة ولا الصياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .. وأنا أحاول أركب البكرة في موترهم الآ والسواقة طابة معي في الطين قلت يا بنت الناس استريحي ما عليك من شي أذا أحتجتك ناديتك قالت عيب علينا حنا بنات أرجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب ..
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..

أوا هني اللي علي النـفد نايـم ... أمجاور نار الدفا من غضاها
قناص أو كشـات فوقـه عـزايم ... ربعـه يدلـونه الي هو نـواها
تركت أنا الصمان والجوغـايم ... قاصـد أبي الديرة وقلبي نواها
لقيت أنا المزيون والقلب صايم ... عن الحرام اللي أبعد هواهـا

.. ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال: تقولي لا من أنت يا لوح علشان تقولي لا .. مسك الدلة وظربني بها علي راسي ( وأنا أقوم من النوم وأتعوذ من الشيطان وأنقلب علي جنبي الثاني وأنام )

وتعيشون وتاكلون غيرها
هههههههههههههههه

هذي القصة لواحد من أخويانا الله يستر عليه ومن يسمع والله وهو قاع يقول السالفه نطالع فيه ومتحمسيييييين.

جبل بن زيد
28-03-2006, 01:29 PM
ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه هههه
هههههههههههههههههههههههه

ههههه


والله إني تحمست وكنت جالس ويوم وقعت الدله في جبهتك

أعتزيت وقمت واقف قلت إيوالله افعل خير تاجد شر

ويوم قدني بدق عليك نبي نروح للشايب ناخذ ثارك

غير الحمدالله طلعت قصتك في فراشك والحمدلله على السلامه

وصح النوم

محمد الجميحي
28-03-2006, 02:09 PM
ههههههههههههههههههههههههههههه
حلوووووووووووووووووووووووووووه
عز الله اني تحمست مع القصه وهزني الشوق لعطايا الله يومهن يتمشون

االواهبي
28-03-2006, 09:49 PM
هههههههههههههههههههههههههههه
الله يعطيك العافيه....
الحقيقه قصه تختارها على الصدق

تحياتي لك

وحيد الجنوبيه
28-03-2006, 10:25 PM
ههههههههههههههههههههههههههههه


الله يعطيك العافيه

وتقبل ودي

ابوسعيد الجنبي
28-03-2006, 11:22 PM
اخي الكريم شديتنا بهذه القصه عموما انت قاص جيد

رعاد القحطاني
28-03-2006, 11:57 PM
الله يعطيك ااااااااااااااااااااالف عافيه والله انك ونستني ونا ضايق

بوجراح
31-03-2006, 08:42 AM
لاهــــــــــنــــت

تـــســـلـــم يــمــيــنــك

تــحــيــاتــي بــوجــراح

ساري تحت النجوم
16-04-2006, 01:25 AM
قسم بالله اني صدقت هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههه

آل معمر
16-04-2006, 03:32 PM
هخهخهخههههه

أنا قلت أكيد الشايب بيزوجه وحده من البنات ويعطيه صالون جديد

أثاري الدعوى كلها حلوم

مشكور يا معتزي بفلانه على السوالف الزينة

عبدالله الوهابي
16-04-2006, 04:43 PM
معتزي بفلاته عزى الله هذا حلــم تلاقي الرجاااال وده يكمل ينام
جلست أتابع القصة بشغف وآخرتها رفعت الضغظ عندي لكن حلوووووووووووووة جداً بارك الله فيك

°°¤§][الرأي الصحيح][§¤°
05-08-2006, 06:45 AM
طيب الابيااات اللي قلتها كلها في منامك
كيف تجي ذي

أبوشداد
27-01-2007, 04:09 PM
بصراحه حلوه



أنا قد قريتها في الملاحظات حق الجوال بس مدام أنك قلتها حلوه منك

اللبيب
27-01-2007, 06:21 PM
تسلم يا خوي على هذا الحلم


وين الواحد يحصل على هذا الحلم

ههههههههههههههههههههههههههههه


مـــ تحية ــــع

ساج الوقت المشعلي
29-01-2007, 07:03 PM
ههههههههههههههههه

لاهنت اخوي على ذا الحلم


تقبل تحياتي........


ساج الوقت المشعلي

أبوعايض
30-01-2007, 02:11 AM
مشكوررررررررر ويعطيك العافية بصراحة مجنونة وتقدر تلغي كلمتك يوم اتقول اني قمت من النوم وتكمل السالفة

عبدالمجيد بن ناصر المسردي
31-01-2007, 10:30 PM
هههههههههههههههههههههههههههههههههههههههههههههههههه هههههههههههههههه
الله يساااااااامحك.

العبدي
01-02-2007, 06:50 PM
ههههههههه
حرام عليك يا خي كان كملتها ...
والله اندمجت معها
معليش مردودة والنية موجودة
ههههههههههه
شكرياهي

الواصل
13-02-2007, 11:41 PM
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه هههههههههههههههههههههه


ححححححححححححححححححححححلوة ما قصرت

ابو محمد الزهيري
08-06-2007, 12:03 PM
والله اني اهنيك على القصه والله اني تحمست

عبدالله السعدي
25-06-2007, 09:46 PM
لاهنت وأبيض وجه تراك جريت 5رياجيل وتراهم يهنونك على القصه



تحياتي لك

ناصر السنحاني
09-07-2007, 05:04 AM
لا هنت

وبيض الله وجهك على الموضوع


وتقبل مروري

أبــومبارك الـعـابسي
25-07-2007, 09:23 AM
مشكور ولا هنت يا معتزي بفلانه على هالقصه الرائعه
لكن بعد اذنك ترا باسولف بها للربع واحرف فيها
ههههههههههه

هادي شافي الهاجري
14-09-2007, 07:14 AM
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههههههه


ياخوي وراك دخلتني جو وخليتني اهوجس على ذا القصه

ودي أسبك من الصدمه لاكن رمضان كريم اللهم اني صائم

لاعاد تعودها يالنصاااااااااب الكبير




أحـــترامي

ابوفهيدالعاطفي
14-09-2007, 02:56 PM
خهخهخهخهخههخخهخهخهخهخخهخهخهخهخههخ

مشكووووور والله يعطيك العافيه

ابن طمسان
14-09-2007, 02:59 PM
قصة رائعة من قاص رائع


ههههه

الله يعطيك العافية

وليد العلياني
15-09-2007, 11:24 PM
هههههههههههههههههههههههههههههه

الله يرجك بس وانا متحمس من اليووم << واللة راح الحماس :017:

شعـــيل
23-09-2007, 05:40 AM
يا شيخ عيشتنا بجو

لا هنت

ابن هدلان1111
24-09-2007, 08:32 AM
هيضتنا للبر حسبي الله على شيطانك والله ثم والله اني اقول حي هالعين اللي افتك البنات من اليوم القشر بس اللي قهرني يوم ساقو موترك وانت تعاين ههههههههههههههههههههه


لاهنت ياذيباان

سعد علي
29-09-2007, 04:15 PM
ياشيخ والله اني عايشت القصه

ولا برقت الا والدله في راسك

هههههههههها الله يرحم والديك000000 امين

ابو احمدالرشيدي
02-10-2007, 12:08 PM
ماشاءالله على مؤلف هلقصة

شديتني معك حتى اني ماابي اتركها الابعد معرفة الخاتمة

بس كسرت خاطري ام عيالك قلت المسكينة تجهز لك الزهاب للكشتة وخاتمتها تجيها بطبينة ما تستاهل

بس اشوى انها حلوم 0

المرة الجاية لاصارت صدز قلي انا اهلى ماعندهم مانع اني اعدد اخذ لى ثلاث ولك واحدة 0

وسلامتك يامبدع 0

اخوك ابواحمد الرشيدي

يحيى أبن عبدالله
05-10-2007, 04:44 PM
بسم الله الرحمن الرحيم
السلام عليكم ورحمة الله وبركاته

الله يعطيك العافيه