المساعد الشخصي الرقمي

مشاهدة النسخة كاملة : مساجله بين صبيان قحطان المسعودي والفهري ..


فارس الشواطي
10-12-2004, 06:40 PM
السلام عليكم

وش حالكم يالنشامى جميع

حبيت أنقل لكم مساجله من أجمل المساجلات الشعريه جرت بين كل من :

الشاعر حســن المسعودي القحطاني
و
الشاعر سعيد الفهري القحطاني

شاعرين جزلين لهما الكثير من القصائد المدوّيه وغنيان عن التعريف




أترككم مع الجزاله


.........................................

حسن المسعودي :



راكب الـي كـن لونـه نـوةٍ منحـازه=مثل ماياصفه ابن جـدلان فـي تعبيـره
ابيضٍ كنه اولعه وأحدث طراز اطـرازه=مثل ماقال ابـن ريفـه ماتخيـر غيـره
فتحه اسبيرين مكـره صاحـيٍ هـزازه=كشن عودي ترجمة طبلونه مـن انبيـره
غاليٍ ماكـل مـن هـازه بنيـه حـازه=فـي وكـلات التيوتـا حطـم التسعيـره
مايحوشه غير راعى المـال لمـن رازه=والفقير ايدق كبـده مـن لهيـب النيـره
منوة الـي لاطرالـه فـي بـلادٍ عـازه=ماشوت كبده تناهيـد الزعـل والحيـره
فكس آر يسرق الليـل ان سـرق فـزازه=من تحت رجلك نشوقه دوس والعن صيره
واتك يمناك الشريفه في ظهـر معنـازه=وثبّّت ايسارك على الطاره وثبـت سيـره
نطحه يامسندي وجـه الجنـوب وجـازه=بالجـزاء الصـارم لاتلبيقـه ولآتأخيـره
لين تدخل في نميص ابهـا وهـد وزازه=عند بيت سعيد راعى الطيب ذرب السيره
ابو علي الـي مايلفـز بالمديـح الفـازه=امدحه لنه كفـو والكفـو يسـوى ديـره
ابلـجٍ وجهـه ولابـه موقـفٍ مجتـازه=من مواقيـف الرجـال وحافـظٍ تقديـره
رأس من رؤسٍ تهوز ُولاهـي ابمنهـازه=الفهر ربع ابن شفلوت الزحـول الخيـره
سلمـه خطـي وقلـه ينتـبـه للـغـازه=كل علمٍ جاه ابـي حلـه وابـي تفسيـره
قله اني عشت وقتٍ لو يشـوف إفـرازه=جاه ماجاني وشبنـا والعمـار اصّغيـره
وانشده ويش سالفة من شـرب بالمـزازه=من قناة النيـل ويراهـن علـى تغييـره
وقله اني جيت لـي ورعٍ علـى عكـازه=شائـبٍ رأسـه ورجلـه مالهـا تجبيـره
وانشده من راعـي البلجيـك والخـرازه=كيف تتساوى مزاياهـا حسـب تبريـره
وانشده عن روح حيه والضمير اجنـازه=في نفس ملا عسـى الله لايكثـر خيـره
وانشده ويش البعير اللي طـواه انحـازه=طالت الرحله عليه ومات فـي التدويـره
وانشده عن شائبٍ ربعه هـوت لعـوازه=وبعض ربعه حافظينه مثل حفظ الجيـره
وقله ان بنت الوزيـر اعيونهـا خـزازه=تطبخ افكار العرب فـي دلـة التبهيـره
انطحتني فـوق رزرايـز وهـي رزرازه=بس ماجات ابعيوني كبر حـب اشّعيـره
وانشـده عـن واحـة الهمـازه الّمـازه=واحةٍ مفتاحهـا عنـد الخبـول إدّ يـره
وقله ان بقعاء حشت عيني بحب اتـرازه=وجرحت كبدي بجـرحٍ ماشيـاً تطويـره
وانتظر يامسندي حلـه وشـرح ايجـازه=وانا من طبعي احب الفأل وشنى الطيـره
وانتهت والسالفه مثـل الذهـب وأكنـازه=والله اكبـر فـي نهايتهـا مئـة تكبيـره


ورد عليه الفهري



من ضمير للفـرص وانصافهـا نهـازه=وكل موقف محتمي تقدر على تسطيـره
وان فعل بين النشاما ما يضيع انجـازه=مرحبا ما شعشع الصبح وتغنـى طيـره
بالولـد والقـاف والغـازه وباستفـزازه=والرفيق اللي نصا البرج ونوى تدميـره
لكـن الله سلـم البـرج وسلـم تلفـازه=وصل بث المملكه راس الهدى وعشيـره
يا حسن يا ذخر مضيوم زمانـه هـازه=من طحاطيح ال مسعود الفخر وبعيـره
ربع ابن عبود تفـرح عـزوة تعتـازه=فالرخا كف كريم وفالحـروب ذخيـره
يا رفيق بـارز بالطيـب قبـل ابـرازه=في الحسا ضيفه وجاره ما شكو تقصيره
جعل يفدونـك رخـوم للحكـي قـوازه=همهم في المال وحسابه وفـي توفيـره
انخهم ساعة قصا تشـوف الاشمئـزازه=واعفهم من حزة فيها الرجـال مغيـره
واستلم منـي حلـول الغـازك النشـازه=كل بيت اتعب على حبكه بعد تصويـره
فكرته طازه وايـات الكتـاب اعجـازه=ولا يحبه تاجـر فالزنـك والقصديـره
لوتحدانـا الظـروف بقبضـة وكـازه=مـا شكينـا الا لـرب نؤمـن بتدبيـره
الاوله شعر الحداثـه والـولاده طـازه=لا وزن لاقافيه والمجتمـع مـا يعيـره
غير منهم تربية تكساس ومرقص كـازه=جعلهم فـدوة مناهجنـا عيـال البيـره
عقبها شعر النظـم والقلطـه الممتـازه=كلهـا فـن ينومـس والفـروق كثيـره
ما جمعها الا حظيظ ما يعيـش طنـازه=بالفرنـك وبالـدولار ولا رجـع لليـره
وكان تنشد من البعير اللي عقله حجـازه=ماش غير المسجد الاقصى وجب تحريره
ليت منهو من ورا غزه حذف بجـوازه=ما قهرنـا الا يهـودي ولـد خنزيـره
اما شايبنـا عزيـز ومدهـل مركـازه=للرجال اهل الحميـه والكـرم والغيـره
الشعر مثلك حفظ صورته فـي بـروازه=كل يوم يلمع الصـوره مـن التغبيـره
ما لعب في تراثنا غير رخمـه وخنـازه=يحسب انه سلعة تشرى مـن الكاشيـره
طامـع بنـت الوزيـر بكلمـة نقـازه=يحسب انه لاشتهر راس النبـط واميـره
ما درى حتى الدعيـع حـارس بقفـازه=واشتهر حتى بعـد فضيحتـه الاخيـره
وانت لا تشفق عليهاواكسـر الـدروازه=لو حنت راسك وخـدك لان للتصعيـره
والنهايـه واحـة اللـمـازة الهـمـازه=الصحافه مدرسه كـل حسـب تفكيـره
الخـرازه مهنـة الخـراز والـخـرازه=والجراحه ضمدت جرحك بعد تطهيـره
والمقص اللي بكـف ام العبـر جـزازه=كل ناسي ذكره واحرص علـى تذكيـره
وقله ان سوق الحسا غير العثيم بـلازه=المشالح والتمر وسبوق قنـص وطيـره

................................


وتقبلو شكري لكم وإعجابي للشاعرينا الكريمين

أخوكم فارس الشواطي

خالد آل مطرف العاطفي
10-12-2004, 07:02 PM
صح السان الشاعر المسعودي وصح السان الشاعر الفهري
مليارات &مليارات
قصايد جزله وقويه ولشعار معروفين ومميزين ...ولاهنت والله يافارس على النقل الرائع ..

اخوك
خالد

عوض بن شفلوت المناديه
10-12-2004, 08:33 PM
لبا والله قلب قلبك يا فارس الشواطي


عز الله العزيز انها قصايد ترفع الراس


ولاهيب غريبه على صبيان آل االشواط نقل العلوم الغانمه


اخوك عوض بن شفلـــــــــــوت المناديه

فارس الشواطي
10-12-2004, 10:48 PM
سلام عليكم

خالد
عوض بن شفلوت

لاهنتو يالقروم على مروركم الرائع ومشاركتكم
وجعلكم والله سلوم

أخوكم فارس الشواطي

عبدالرحمن
11-12-2004, 06:38 AM
السلام عليكم ورحمة الله وبركاته

بيض الله وجهك على هذه المشاركه

والنقل الجميل

تقبل تجياتي

أخوك عبدالرحمن

السيف النادر
11-12-2004, 11:53 AM
قصائد جزلة ،ورائعــــة ، ومعانيها قليل من يفهمها .


لا هنت يافارس ، وبيض الله وجهك .


اخـــ السيف النادر ــــوك

ابن عاصم
11-12-2004, 12:44 PM
مشكووووووووور على نقل هذه المساجله بين شاعرين علمين


اخووووووووووك

ابن عاااااصم

فارس الشواطي
11-12-2004, 05:16 PM
عبدالرحمن
السيف النادر
ابن عاصم

لا هنتو جميييييييييييييييييييييييييييييع وعسى فالكم السعد

أخوكم فارس الشواطي

عشاق
13-12-2004, 04:08 AM
حسن المسعودي :

فكس آر يسرق الليـل ان سـرق فـزازه=من تحت رجلك نشوقه دوس والعن صيره
واتك يمناك الشريفه في ظهـر معنـازه=وثبّّت ايسارك على الطاره وثبـت سيـره
نطحه يامسندي وجـه الجنـوب وجـازه=بالجـزاء الصـارم لاتلبيقـه ولآتأخيـره
لين تدخل في نميص ابهـا وهـد وزازه=عند بيت سعيد راعى الطيب ذرب السيره

ورد عليه الفهري

جعل يفدونـك رخـوم للحكـي قـوازه=همهم في المال وحسابه وفـي توفيـره
انخهم ساعة قصا تشـوف الاشمئـزازه=واعفهم من حزة فيها الرجـال مغيـره
واستلم منـي حلـول الغـازك النشـازه=كل بيت اتعب على حبكه بعد تصويـره
فكرته طازه وايـات الكتـاب اعجـازه=ولا يحبه تاجـر فالزنـك والقصديـره


مشكور يافارس على المشاركه الرائعه

تحياتي

محمد الجربوعي
18-12-2004, 09:37 PM
الشواطي

بيض الله وجهك على ايراد هذه المساجله

التي اعتبره دره في المسجلات الشعريه

يكفي انها بين شاعرين امتازوا بالشعر الجزل

وتحياتي