احمد مبارك

[جبل بن زيد]

بسم الله الرحمن الرحيم
هذه القصيده يابو مبارك الي قلتها فيك ذاك
الزمان وانت خابرها وتستاهلها ان تنقل هنا
وتستاهل اكثر



علمي على شيخ الرجاجيل يسنـد = علمن صحيح مثل علم البخــــــــاري
وصايف المنعور بتجيك تســــــرد = وصايف منها تروّا الصحــــــــــــاري
السيف لبتر سيفنا السيف احمــــد = ولد مبارك من سلال النهــــــــــاري
ذيب علومه فالرجاجيل تفــــــــرد = فالمرجلة دليل وفالطيب ســــــــاري
لا هو بمفقودن ولاهو بينقـــــــــد = من طيب راسه ماخذاها جبــــــــاري
كل المراجل لبسته لبس منجـــــــد = يوطا الخطر بها تقول انتحــــــــاري
عدوهم يلقا وفي الليل يهجـــــــد = وعدوهم يشكي طعون الشبـــــاري
تكحل عيون المعتدي بملح ارمـــد = تجعل على كبده وسوم ومـــــواري
والشيخ بن شفلوت فالوقت يشهد = لبن نهار جدود جد بن جـــــــــــاري
قلتها في معرب الخال والجـــــــد = بعد ما خاويت ذيب الغــــــــــــداري
حر على عالي المراقيب يرصـــــد = من هدته تسقط عقول الحبــــــــاري
الكفو لابد ينكتب فيه ويقصـــــــد = وانا في سوق المعرفه بايع وشاري
علمي على شيخ الرجاجيل يسنـد = علمن صحيح مثل علم البخـــــــــاري
وسلامت المشاهد
والمستمع

[احمد مبارك]

شكراً ياجبل ابن زيد
وبيض الله وجهك ولا نا خذ الطيب الا من بعدكم ياطير حوران
و الي مثلك وشرواك نتشرف بخوته

[جبل بن زيد]

العفو يابو مبارك

والطيب كل قحطان خشر فيه بالنصيفه

[محمد الحياني]

ونعم بكما


وصح لسانك يابن زيد


عيني فلا هلت

[جبل بن زيد]

صحات ابدانكم
وصح بدن فتى الجوه

[دحماني]

كفو كفو ياجبل زيد .

ونعم فيك انت وابو مبارك .

[عارف المعروف]

السلام عليكم ورحمة الله وبركاته
الاخوة الأعزاء المنتدى عام ونرى عدم ذكر الخواص فيه نرجو ذكر مايفيد الجميع ولو أن كل عضو أخذ يمتدح الآخر وهكذا لما أفدنا وأستفدنا مع تأكيدي بأن أخي أحمد وأخي جبل كفو

[جبل بن زيد]

الاخ عارف المعاريف
بنسوي فيك قصيده عشان ماتزعل

[السيف النادر]

صح لسانك يا جبل بن زيد وسلمت يمينك

كفو بمن قال القصيدة ومن هي فيه

ننتظر جديدك

تقبل تحياتي

[جبل بن زيد]

السيف النادر
صح بدنك
ويشرفني مرورك