المساعد الشخصي الرقمي

مشاهدة النسخة كاملة : قصيدة الشاعرة ريناد القحطاني في بن زلفه


بن حيان التهامي
12-03-2006, 09:34 AM
تقديم::
لقد جاءت ابيات بنت الوطن ريناد القحطاني كالبلسم الشافي للجروح والتي من خلالها اثبتت بان المرآة السعودية لازالت تحمل من الخير الكثير الكثير على الرغم من الهجمات المنظمة ضد المرآة السعودية المسلمة والتي يشنها اعداء الدين وازلامهم من الاذناب المندسة بيننا والتي تحمل للاسف الشديد جنسيتنا وتتكلم بلهجتنا وتدعي وطنيتها......وريناد القحطاني لا تعبر بهذه الابيات عن نفسها وانما هو شعور مشترك لدى الكثير من نساء المملكة العفيفات فلها مني جزيل الشكر والتقدير والدعاء لها بالتوفيق في الدنيا والاخرة
-----------------------------------------------------------------------------------------



صباح أيّة صباح اللي يبيه الدكتور ابن ( زلفه) = صباح البار والسينما صباح الخمـر والسكـره

صباح الليل والرخصة صباح الحمـل والخِلفـه =صباح أُسكت ماهو شغلك صباح إبعد أنـا حُـره

صباح النهضة وبرجس وعيـد الحـب والعِفـه = صباح الذل والمقهـى وفنجـان انكسـر سـره

صباح الدم لا منه نـزف نـزفً علـى نزفـه = صباح العهر والدجه وشيطـان اقتـرب شـره

صباح الخط والسفـره وناخـذ شـارع اللفـه =ونسكا.. في على الماشي حلاه يكون مـن بـره

صبـاح الإثـم يابنـتً عليهـا فالزمـن خفـه=صباحك بِكر يابذرة من النرجـس بـلا زهـره

صباح الزم وأنا اقطع لك.. صباح الواسطة غرفة =صباح الخمر والميسر وسحرً في البحـر ثُـرة

صباح المُنتّج سعودي ونبقى في الغبـاء طرفـه = وسهم طالـع الشاشـة وسهـمً طايـح العثـره

صباح الكذب والتلفيـق وجمهـورً أيـا سخفـه = يشاهـد لعبـة الأيـام وهـي للأسـف عُمـره

صباح النفط يا شعب العـراق وقنبلـة قصفـه=ووجـهً شاحـبً مانفعـه عقـالاً ولا غـتـرة

صباح الظلم والمنقاش .. صليباً دونـه وخلفـه = ومجلس امـن لا منـه مسـرّة بحـره وبـره

صباح الليل يـمثقّف صبـاح الطالـب وصفّـه =نيوتـن ضيّـع القـوة وانشتايـن بــلا ذرة

صباح أصحي بليا عذر وباقي ذاك فـي سخفـه =ينادي في سقوط اسمي وليته جاب لـي عـذره

علي أيه حال .. والاّ حال كتابـي عارفـه رفّـه =حفظته داخل ظلوعـي ولا نـي كاشفـه ستـره

ريالي في يميني واعرف المنقـود وش صنفـه = نطحته قبـل ينطحنـي ولا همـي بعـد غـدره

عزفت الشعر في فكري وشوّقني بعـد عزفـه وصرنا نلقط الانفاس وموجـي يصفـق بحـره

صباح الخير ياشعري صباح الشعـر أو نزفـه =ترى من قرا هـذي غشيـم إن ماخـذا عبـره

عاشق المرجلة
12-03-2006, 10:38 AM
صح لسانك ولسانها وبيض الله وجهك على نقل هذه القصيدة والشيم ما تترك أهلها .

صبي الفرعين
12-03-2006, 11:39 AM
بنت اجواد وابيض وجه من نقل القصيده

عبدالله المهداني
14-03-2006, 07:40 PM
تنقل الى عذب الكلام

المقرحي
14-03-2006, 10:07 PM
بيض الله وجهك يابن حيان على النقل
وصح الله لسان الشاعره الاكثر من روعه وكثر الله من امثالها