هذه قصيدة ابن شعوي من الخنافر قالها فى ال شفلوت شيوخ قبائل عبيدة قحطان

[شبل قحطان]

هذه قصيدة ابن شعوي من الخنافر قحطان قالها فى ال شفلوت شيوخ قبائل عبيدة قحطان وأيضا ذكر فرسان من قبيلة عبيدة وردت أسمائهم فى القصيدة وجميعهم أهل للمدح وافعالهم معروفة يقول ابن شعوي الخنفري القحطاني :


يا جــــــر قلبي من وراعــوج الاضـلاع=من قــــامة والبـــــدو شــــدوا شمــالي

لاحـــــد يلـــــوم القلـــــب لامنــه ارتاع=يوم شــــاف منزلهم من الجـــــو خالى

" جنبيــــه " بــارودهم يــــوم ينـــزاع=مثل الغثـــير اللـى تغشـــــوا الجبــــالي

يتــــلون ابــــور ثعاء حما قاصر البـاع=فى يوم عــج للــزرايــــق ظــــــــــلالي

ذبـــــــاح ... على صحـــصح القـــــــاع=هم انثــــنا عقــــبه خــــذا أم العيـــالي

عشـــق عشــــير اللى دليقه يجي بــاع=شــــوق الطمـــوح اللى تعاف الرجالي

كـــم راعـــــي فى دقلــــهم ذب الأرواع=شـــروبه المـــــاء عقب دافي الوشالي

ياللـــى تســــوقون الفنــــاجيل جــزاع=لبـــــو حــــــــزام عـــد قبـل العيــــــالي

له حـــــربة تفضــــا صلــيبات الأدراع=لاكبـــد راع الـدرع مثــل النثـــــــــــالي

صـــــفرا الخضـــــاري بينهم مثل فراع=اقفــــت يبــــاريهـــا ســــوات العــزالى

حجـــــاب عــذاب الخـيل فى كل قطـــاع=لاجـــــالهـــا فـى صــحصـح اجــــتوالى

واو هبـــط زبن اللي من القين مشـكاع= مـــرذي الـــردوم اللــى زواها الحيـالي

أبـــو نكيـــفين منـــا كــــل من جــــــاع= لا قصــــرت لســـــعار والــــزاد غــالي

عنـــده عبيــــل العــــــــرب فيه شــراع=وصحـــــون بر تحــــت حيــــل ثقـــالي

كم شـــــاوي لا شـــــاف زوالـه بيرتاع=من ذلــــــه لا يبــعـــج أم الطــفــــــالي

كم ســـــربه من عــــزوته راحت انواع= قـد هــو مضـــــريهــا بـــدز المـــــوالى

رفــــق مع جــــــال وقـــــرم وصعصاع=وعــــدم ليـــا شــــاف الخطــا ما يمالي

[فارس قحطان]

كفوو والله يالشفاليت
هذولا ترى شيوخنا ياعبيده ويستاهلون والله كل المدح

[ناصر المعمري]

عبيده ياعبيده لعنبو من لامني فيكم..

يستاهلون الشفاليت يستاهلون...

وماقصر ابن شعوي صح لسانه.

يعطيك العافيه ياشبل قحطان

[ابن شعواء]

ماقصرت وبيض الله وجهك لكن ترا كتابتك للاسم غلط هو ابن شعواء مهوب ابن شعوي وشاكر لك

[قرناس آل عاصم]

لااهنت يابن شعواء على القصيدة الجزله

[منذر بن محمد القحطاني]

شكراً لك اخي الكريم على هذا المشاركة

[نايف الهاجري]

السلام عليكم ورحمة الله وبركاتة

صباح الخير ان كان صباحكم ومساء الخير ان كان مسائكم

مشكور على نقل الجميل . ولكن عندي اضافة معلومه من باب التوضيح وانتم اعرف مني وهي في البيت اللي يقول فيه الشاعر رحمه الله:

يـــالـــلـــى تـــســـوقـــون الـفــنــاجــيــل جــــــــــزاع
لــــــبــــــو حــــــــــــزام عــــــــــــد قــــــبــــــل الـــعـــيـــالــــي

لــــــه حـــربـــة تــفــضــا صـلـيــبــات الأدراع
لاكـــــبــــــد راع الـــــــــــدرع مـــــثــــــل الــنـــثـــالـــي

صــفــرا الـخـضــاري بـيـنـهـم مــثـــل فـــــراع
اقــــــفــــــت يـــبـــاريـــهـــا ســــــــــــوات الــــعــــزالــــى

حجـاب عـذاب الخيـل فـى كـل قطـاع
لاجــالـــهـــا فــــــــى صــحـــصـــح اجـــتـــوالـــى

كـــم سـربــه مـــن عـزوتــه راحـــت انـــواع
قـــــــــد هـــــــــو مــضــريــهـــا بـــــــــدز الـــمـــوالـــى

لقد قيلت في الفارس ناصر بن فهم آل جمهور الهاجري وهذى المعلومه يعرفها الفهر عامه والشفاليت خاصة ورحم الله الاموات منهم وغفر للاحياء

[علي بن شداد القحطاني]

شبل قحطان

تسلم يمينك والله لا يهينك والشفاليت شيوخ وفرسان وهادي بن ضويحي (ابن شعوى) آل سبعان علم من أعلام شعراء قحطان له سيرة في كتابنا الحنين والاشجان عند شعراء قبائل قحطان الطبعة الثالثة .

[فهد حمد الحبابي]

الله لايهينك يا شبل قحطان

ومن ورد ذكرهم كفو يستاهلون المدح

[جناب الهضب]

اخي شبل قحطان
ابداع متواصل لا عدمناك
دمت بصحة واحترام تقبل شكري وإطلاعي

[نايف الهاجري]

اسمح لي ان اضيف معلومه حسب المعرفة ان ابو نكيفين هو ( داهم من النطعان من الفهر) غفر الله له

واما بنسبه للبيت الذي يقول فيه الشاعر رحمه الله:

يتلون ابور ثعاء حما قاصر البـاع
فى يـوم عـج للزرايـق ظلالـي

اظن انه اخو رثعاء والله اعلم وليس ابو رثعاء
واسف على الاطاله وإذا كان هناك خطا فالمعذرة والكمال لله ولكن هذا حسب ما سمعت وعرفت من الرجال اللي مثلكم وشرواكم