سلامتك يا غالي

بسم لله الرحمن الرحيم

هذي قصيدة قلتها في الوالد (جبران بن شفلوت) - حفظه الله - اثناء تعرضه لازمة صحية في شهر رمضان الماضي.................



والله يعطيه العافية وجميع مرضى المسلمين.....................

اقول:-



[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
ياالله يا خالق من التربة انسان=ياكاتبا للعبد خيره وشره
انت الكريم الملتجى عالم الشان=انت القوي والعبد من دون قوة
من يلتجي بك فالملمات ماهان=حتى لو ان اعداه كادت بسوه
واليوم انا بنخاك من قلب شفقان=عاف التجمع واذبحه في خلوه
عاف المداين كلبوها على شان=من في مصابه غاب طعم الابوه
اشف المريض وعالج الشيخ جبران=بقدرتك يا عال علا في علوه
اعداه قبل الربع تشهد بالاحسان=والناس كل شاهد في سموه
انه على العليا كما فرخ شيهان=وانه خوي للمراجل اخوه
مثله ترى المفروض له عشر تيجان=الناس تنزل والكفو في علوه
يكفي ليا من قلت انا ولد جبران=النعم يسبقني قبل لا اتفوه
واقول ونعم من هنا لين لبنان=بابوي يارمز الوفا والمروة
عزاه من طرف غدا فيه خلجان =والدمع مالي عن تلافيه قوة
والكبد كنها تنشوي فوق نيران=لولا انها داخل يبان التشوه
يا راكب من عندنا صنع الالمان=اللي تسوي كني اقول سوه
مركوب عبدالله ومركوب سلطان=اهل الفخامة عاشقين السموه
مرسولي اللي مرسله جاه عجلان=من فوق بنز ابيض ما يتوه
فياقرا ستمية سيد الالوان=فيها مراسيلي برمز العنوه
الوجه يفتني بمرسوم فتان=تقول شيخ فالفلا شب ضوه
والخلف هستربي وانا صبت بجنان=تقول بنت وجذعها في نموه
صوت البساتم لاشتغل يعزف الحان=واليا دعس له سايقه زان جوه
ومن داخله جنان وجنان وجنان=كنك مع الطيار ساعه رقوه
ياسايقه ود القصايد لجبران=وسلم على اب ملكني اخوه
وقله ولدك من الهواجيس مرضان=من زود حبه لك تزايد شدوه
الحمد لله عالسلامه ولاهان=راسك لنا يابوي عز وقوه
قصيدة ارسلتها لك بريحان =ياراعي العليا عشير المروه
وختامها صلوا على ختم الاديان=اللي هدانا بالصحف والنبوة[/poem]

وسلامتكم جميع...............................