بن شريم ، رخص الحصان ورخصو الطيبيني

بسم الله الرحمن الرحيم

السلام عليكم ورحمه الله وبركاتة


ذكر بان سليمان بن شريم

بعد تثبت الامن على يد الموحد الملك

عبدلعزيز طيب الله ثراه

اتا للرياض من بلده الوشم ،

لكي يبيع حصان

له عربي اصيل وكان معه خادمه

وقال لهااذهب بالحصان للسوق المواشي

وانا سوف اسلم على الامام عبدالعزيز

والوعد عند جدار المصمك مع صلاة الظهر

ومع صلاة الظهر جلس سليمان ينتضر سعيد

ان ياتي بقيمه الحصان ثم اقبل سعيد

والحصان معه وقال له سليمان بن شريم ،

وراك مابعت الحصان ،

رد سعيد صبية ياعم ماسوي الا عشرين ريال

قال سليمان لوه اعزكم الله حمار

قال سعيد ، ياليته ياعم حمار ،

والله ان في السوق

قبل شوي حمار منحنى

حرجو عليه وبيع بسبعين ريال

انذهل الشاعر سليمان ،

ومعروف ان الشاعر له حس غير بقيه الناس

ويعرف قيمه هذا الحصان

وقيمه ابو سبعين وتمثل


قال ::


دنياك هذي مشيها بالرطيني

" ترفع ذنـب وتطمّـن المتـن والـراس

تبدّلـت هـرج الـعـرب بالرطيـنـي "

" وقامت تجنّس لي على سبعـة أجنـاس

رخص الحصـان ورخصـوا الطيبينـي "

" وغلى الحمار وما اشتبه له من النـاس

وقـام الـردي يدحـم بجنـب متينـي "

" وابن الحموله قام يمشي مـع السـاس

وقـلّ الرفيـق وقـلّـوا الغانميـنـي "

" وكثر الحسد واهل النمايـم والانجـاس

شان الزمان وشـان وجـه الضمينـي "

" وتغيّـرت كـل الطبـايـع والالـبـاس

والمال صـار مـع المـره والدوينـي "

" والطيب راح وقطّعـت عنـه الارمـاس

وخليـت كفـوف مدلّهيـن الحزيـنـي "

" واللي تورثّهم شعـر سـاق وحسـاس

والذيـب جـاع وكـل ثـور بديـنـي "

" والحر برقع وابـرق الريـش فـرّاس

وذلّ الجسـور وكـلّ حـد السنيـنـي "

صح لسان القايل والناقل



لاهنت يالبواردي على ايراد هذه الحكم الطيبه


نشكرك ونتمنى منك المواصلة والمزيد من المواضيع الطيبه


تقبل التحيه يالغالي

ابراهيم شرفني مرورك زادك الله شرفا في الدنيا والآآآآآآآخرة

شكراً لك ياالبواردي على هذه القصه التي دعمتها بهذه القصيده الرائعه.............

__________________

أرحب يافهد ملايين


وسليمان الله يبيح منا ومنه معروفه قصته ذي





والله لايهينك وبيض الله وجهك على النقل









وتقبل تحياتي,,,

ارحب يا اخونا فهد
لاهنت لاهنت على النقل واحسنت اختيار موفق .. وابن شريم لونه لحق وقتنا هذا كان بيشوف التهاويل
تقبل مروري

وينك يالبواردي ننتظر جديدك.......

__________________