و الله ان هذي على هذي و ذي = ما تبشر بالعوافي و الستيره

السلام عليكم و رحمة الله و بركاته

الله يسعد اوقاتكم


صلوا على النبي




[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",burlywood""]
يالسراب اللي لمع فتنه وْ غـيّ = ساقني قلبي عليك بـْـلا بصيره
=
جيت لك و الشوق يطوي الحال طيّ = و ابتعدت وْ صار لي مشوار غيره
=
حفيت اقدامي و لا طالت يديّ = و الطريق يطول و الطرقه عسيره
=
تحت قرص الشمس ما حصلت فيّ = تايه(ن) و الصيف يحرقني سعيره
=
و انت ما ترفق على حالي شويّ = يا عذاب الضامي اللي لك مسيره
=
ماتت عروقي و أنا لازلت حيّ = ارجي الايام و احلامي كبيره
=
و انتهيت و لا كِـتِب لي منك شيّ = ما حصدت مْن الوفا كبر الشعيره
=
أنت عيّ وْ حظي المقرود عيّ = كنّكم من دم واحد من عشيره
=
و الله ان هذي على هذي وْ ذيّ = ما تبشر بالعوافي و الستيره[/poem]


مبارك بن حاضر

حسابي في تويتر

MbarkHadr

مبارك بن حاضر