اسمعوا ابن حمري وايش يقول

[frame="8 80"]

مساكم الله بالخير جميعا اخواني الشاعر الكبير والمعروف علي بن حمري الحبابي
انا من اشد المعجبين به وبشعره ولم تسمح لي الفرصه حتي الان بمقابلته بالرغم
انه من بني عمي واتابعه امسياته ولقاءته الصحفيه ومايكتب عنه
وقصائده المنقوله تلفزونيا بالذات هلا فبراير وقصيدته امام الملك عبدالله في المدينه
وهذه قصيده له اعجبتني واتمني ان تعجبكم كما اتمني ان لم يسبق نقلها هنا
وتكون مكرره مني عموما اترككم مع الروائع الحمريه

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ولايعـن الـراس ويـسـوق الـقـدم=إلا مسيـرً فــوق رووس الطايـلـه
على ضعيـف الـراس مافـاد الزهـم=لـو تزهمـه بسّمـه وبسـم العايـلـه

وأذا فعلنـا الطيـب رفـرف ياعـلـم=هـذي وقوعاتـه ,,, وذي دلايـلـه !

عليـك أمـان الله ومــد أم الشـحـم=أنّـا حزامـك فـى الليالـي المايـلـه

أمنحريـن الـبـل عــدوان الغـنـم=سكّينهـم مـن كـل حمـراً سايـلـه

أحـدً لمـا طـرّوه قـالـو والنـعـم=وأحدً لا قيـل أسمـه يفشـل قايلـه !!

الكفـو لـه فـي هاتفـي أسـم ورقـم=وألـلاش مالـي رقـم فـي موبايـلـه

لاصار مـال الرجـل لـون ولا طعـم=ولايـعـرف الحايـلـه والشـايـلـه

بهيمـةً ينعـد مــن جـيـز البـهـم=لـو أمـطـرت ماسُيـلـت مسايـلـه

فــلا كُــل لاً لا ولا نـعـم نـعـم=ولاي أحــب أحـايـل المتحـايـلـه

ولا يجـي فـوق المـهـم إلا ألاهــم=واشـد مـن غُـب البحـر هوايـلـه

والسالفـه لاجبتهـا مـا أقسـم قـسـم=الجـزل لاتشـتـك فــي جزايـلـه

فألاحتـرام أبـرز صفـات المحتـرم=فـي وقتنـا أللـي تُحـتـرم قلايـلـه

وإن صارت الخطوات أكثر ماللقـم ؟!=فالله غنـي وأرزاق ربــي ضايـلـه

فقط لاجـاء الطـاري وحنّـن ورتـزم=فالقاع أعسه 00 والسحـاب أخايلـه !

معـمـةً ماتحتـهـا عـمـه وعــم=مـا تمِّـن المِرسـل علـى رسايـلـه

كبر الطمـوح ايطـوّل أجـال الهمـم=وقـل الطمـوح يحـطّـم المتفايـلـه

(قلب ولسان الرجـل ) والباقـي رسـم=كنزين فـي ذا الخزنـه المتشايلـه !!

ورب مكه,,والـمـديـنـه,,والـحـرم=ما شور في عليا .. ولارّضـى عايلـه

يا قلّة ألاصحـاب فـي وقـت اللـزم=فـي ساعـةً فيهـا الوقـوع أمكايـلـه

الله يـزيـد أرزاق شـاكـرّة النِـعـم=والخاسـر أللـي مـا شكـر فضايلـه

وأللي يحفـر القـاع ويحُـط اللغـم ؟=يطيـح فـي شـره وفــي عمايـلـه

زلاّت ألألسـن مـاوراهـا إلا الـنـدم=والحـق يبنـي الطـايـح المتهايـلـه

لولا السلـوم وحشمـة أرجـال الشيـم=يسود جهـل أهـل الصـدور الغايلـه

ما كل حيً حـي 00لـو جـر النسـم=وش لـي بـحـيً ميّـتـه فعايـلـه !

وأذا عزمـت أتطـاول النجـمـات رُم=إلكـل ظلـعً يتّعِـب الـرقّـاي لــه

وأذا جهلت بعِرف رجـلً مـا ؟ فكـم=شخصاً تعرّفـه عِـرف مـن زمايلـه

ومن قال أنـا فاهـم وخلـق الله غشـم=بكـره يشوفـون الـعـرب نثايـلـه !

طفنـا ,, وشفنا,,وتّعضنـا ,,وفّتـهـم=قلـبً لقـا فـى التجـربـه دوايـلـه

حياتنـا تُحّسـب كـذا: لـنـا لـهـم=الغـش فيهـا طــوّرت وسايـلـه !

ياسيـدي سلطـان مـن طيـب الكلـم=لـك مـن ضميـري عذبـه وزلايلـه

ماوصلت ألاعـراب ساسـك والعجـم=الجـد مقـرن 00 والمعنّـز وايـلـه

تفهـم وغيـرك جعـل عمـره مافهـم=العلـم لـك مـواخـره وأوايـلـه 00

أطول طويل أهل العطـا حولـك قـزم=بـدري عـلـى كفّيـنـه وطوايـلـه

أجنـوبـك الله خالقـنـهـا لـلـدحـم=وعظام راسـك هـي سبـب صمايلـه

مدّت يديك أتوسّـم أللـي مـا أنوسـم=وسـمً تشوفـه فـي أرقبـة الحايلـه !

يامدح أبوالطيب ووصف أبـن الجهـم=كرمـك شيخـان الـكـرم سلايـلـه

الوقت هجنـه سـود,, وخيولـه دُهـم=فى الصـدر تسعـى عُرّبـه وأصايلـه

لمـا غلبنـي الضيـق وأزداد ألالــم=والـدمـع ألازرق مطّلـقـاً سبايـلـه

فلوما عليك أشكي مـن الحـال السقـم=فغيرك بموت ولا سِمـع شكـواي لـه

تلزمنـي الخـوه معـك يـوم ألـتـزم=بـك يامغرقـنـي بـحـر جمايـلـه

ياسيدي من رحـت مـن نجـد أنعـدم=مالقـاع وزنـه 00وأكثـرت علايلـه

عـوّد عليـه أرب يحـيـه الـوسـم=تنبـت ورود 00وتنتـشـي خمايـلـه

انت الحيا ,, وانت الضيا ,, وانت العزم=يـاوّل أسـم فـي كاسبيـن النايـلـه

ترنـي بوجـه الله ووجهـك مالـعـدم=الـقِـل خيـلـه صايـلاتـاً جايـلـه

فيـك أنـت ياسلطـان ظنـي والعشـم=للظـن قدحـه ,, والعـشـم فتايـلـه

الله يطـوّل عمـر جالـي كـل هــم=مدام حي أغنـاي لـه وأبكـاي لـه !

لوفيـه مثلـه كـان سقنـاهـا شـمـم=لاحــووول لامثـلـه ولا مثـايـلـه

يطّرونـه الجُـلاس لاطـروو الكـرم=لـبّـا طـواريـه ولـبــا قـايـلـه

حتى المكان اللـي يجـي بـه يزدحـم=أسمـه فقـط لا مـر سـوّى ضايلـه

سيـدي وسيّـد سادتـي منـذ الـقـدم=مـن عهـد شيبانـه وعصـر اوايلـه

العزف عزفه ..والوتـر لـه.. والنغـم=وصوت الكمنجه له وصوت النـاي لـه

ماتنـزف ألاشعـار مـن راس القلـم=النـزف مـن جوفـي ومـن دخايلـه

لوأنـت ياسلـطـان ســراً ماكُـتـم=وش يحجبـك يانـور شمـس القايلـه؟

وأذا فصلت أللحـم مـن فـوق العظـم=فالحـال لـك دقـه ولــك جلايـلـه

وإن شفت فى الجوال صورتـك أبتسـم=لـو إن قبـر أخـوي تـوّي هايـلـه

أنت الذرى,,وأنت القرى ,,وأنت الشكم=وأنت الرجا,,وأنـت الحجـاة الحايلـه

ياكثر ما املـك مـن بيوتـك يالنظـم=وعجزت لأملك بيت وأستـر عايلـه !

أبنيه في حلمـي وأذا أصبحـت أنهـدم=ياجـوع قلبـي لـه وياضمـاي لــه

مـالاً بـدون أرجـال زرعً ماصُـرِم=الشمـس فوقـه والهـبـوب أتمايـلـه

ورجـلاً بليـا مـال سـيـفً منثـلـم=لـوإنـه مُـقّـدم ربـعـه وقبايـلـه

فخـوي أبوخالـد مايفـرك لـه خشـم=ولايـوريــه الـزمــن نكـايـلـه

وخوي ابوخالـد مـن الوقـت ايحشـم=ومـن فرسـة أذيابـه ومـن ثعايـلـه

وخـوي أبوخالـد مايخطيـه ألـدسـم=ألـشـد شــده والـنِـزل نزايـلـه

ياسيـدي بالـروح نـخـدم وانـخـدم=العمـر دونــك عـاقـلاً رحايـلـه

وأللـي يحسّـب خوّتـك شـرم بـرم=نلغـي عـرب ساتـه ونلغـي نايـلـه

نقـراء عليـه الزلزلـه وأيـلآ فـهـم=كـــلام ربً محّـكـمـاً نـزايـلـه

بعيـد لـي بيتيـن مـن قبـل آختـم=عـن شكـة القاصـر وعـن جهايلـه

مــا كــل لاً لا ولا نـعـم نـعـم=ولاي أحــب أحـايـل المتحـايـلـه

ولا يجـي فـوق المـهـم إلا ألاهــم=واشـد مـن غُـب البحـر هوايـلـه

والسالفـه لاجبتهـا مـا أقسـم قـسـم=الجـزل لاتشـتـك فــي جزايـلـه[/poem][/frame]

__________________