اليوم الوطني

تمثل ذكرى اليوم الوطني للمملكة رمزية خاصة للشعب السعودي
وسوف تحتفل المملكة العربية السعودية بذكرى اليوم الوطني

وهو يوم التوحيد والبناء لبلاد المملكة العربية السعودية
علي يد الملك عبد العزيز بن عبد الرحمن ال سعود رحمة الله عليه

فاليوم الوطني السعودي يوم الوحدة والبناء والرخاء
لبلاد الحرمين والشعب السعودي




أنا السّعودي

أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدّنيا وأنا رافع الهام

وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي

صاحب السمو الملكي الأمير / خالد الفيصل


ألبست شعــــري

البست شعري غتره وبشت وعقال
وخليت تغريب المذاهب لغيري

في ساحتي للفكر مليون مدهـال
وبحري بمكنوز المعَرفـه غزيـرِ


مافي عروقي غير الإسلام مثقـال
أموت واحيا بـه قليـل وْكثيـرِ


اعتـزّ بالاسـلام والعـمّ والخـال
وعلى العروبه والاصالـه أغيـر


آباءنا واجدادنـا ذبّـوا الجـال
والّلي يبي درب المراجل يسيـرِ


موروثنـا مجـدٍ وفخـرٍ ومنهـال
نبني عليـه ونستحـث المسيـرِ


ماني بمفتونٍ بصرعات الاجيـال
مع كـل صيـاحٍ نهـبّ ونطيـرِ


لي رايٍ امشي به ولي عزم رجّال
ولي لابـةٍ إذا بغيـت استشيـرِ


آل السعود الّلي لهم كل ماطـال
ماينزلـون إلا الطويـل العسيـرِ


آل السعود مطّوعـة كـل عيّـال
مايضربـون إلا بسيـفٍ شطـيـرِ


آل السّعود الّلي لهم فيْ وظـلال
وان شدّت الاّيـام غيـمٍ مطيـرِ


صاحب السمو الملكي الأمير / خالد الفيصل

الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

صاحب السمو الملكي الأمير / بدر بن عبدالمحسن

عزالوطن
الله الأول وعزك ياالوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه .. ودرعه .. وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ظلام الليل لو ساعه
في السلم يشهد لنا عمار الأوطاني
وفي الحرب لأرواحنا للموت بياعه
حنا سياج الوطن عن كل عدواني
والجيش والأمن ساري العز وشراعه



وكل عام ووطني الغالي بخير


يصادف اليوم الوطني لهذا العام الخميس 14 شوال 1431 هـ، الموافق لـ 23 من سبتمبر 2010م، وحيث أنه يوم إجازة رسمية فسوف يعوض عنه بيوم الأربعاء الموافق 13 شوال .

__________________
faisal