مرثيه في شيخ المراجل / حمود الجهيمي رحمه الله

بسم الله الرحمن الرحيم

أتقدم بالتعازي لكافة قبيلة قحطان عامه في وفاة الفقيد.
والعزاء موصول خاصة لاسرته وأبنائه.
وقد ترجمة التعزيه الى هذه الابيات وارجو المعذره فالمقام أكبر من المقال.

صلوا على النبي

----
البارحه قحطان جاها هزيعه
....من بعد ما قالوا توفى الجهيمي
ان أشهدٍ إنها ي حماله فجيعه
........حلّت بنا مابين ليله و يومي
صحيح هذي للاوادم شريعه
........ نهاية الانسان شيٍ لزومي
لكن فرجة ذ السنافي وسيعه
........والله يلوم اللي لمثلي يلومي
ننعى الكرم بعده ونفسٍ رفيعه
.......وتواضعٍ لبسه سواة الهدومي
شيخٍ بنى مجده بخطوه سريعه
......الين حلّق فوووووق ذيك النجومي
وفي صفحة التاريخ جاله وقيعه
........ (شيخ المراجل) جاعلٍ له وسومي
يارب نفسه جات عندك وديعه
......يارب جعله في الجنان محشومي
نفوسنا يارب لامرك مطيعه
.... مافيه شيٍ غير وجهك يدومي
لكن ليت الموت عنده طبيعه
.....يخلي الطيب ويبلى الرخومي

__________________

لكن فرجة ذ السنافي وسيعه
........والله يلوم اللي لمثلي يلومي
ننعى الكرم بعده ونفسٍ رفيعه
.......وتواضعٍ لبسه سواة الهدومي
شيخٍ بنى مجده بخطوه سريعه
......الين حلّق فوووووق ذيك النجومي
بيض الله وجهك يا ابو هذال وصح لسانك انشهد انك صادق
والله يرحم شيخ المراجل حمود الجهيمي ويوسع عله
سلمت ولا ندمت ولا جاك شر ولا مكروه يا ابو هذال

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]

ابيض وجه صح لسانك يا ناصر والله يرحم الجهيمي وفعلا فقيده على قحطان كافه
جعله في جنات النعيم اللهم امين ياري العالمين

ابن حاليه
الصديق / ابو معتز

صح الله ابدانكم وشرفني مرووركم

__________________

اررررررررررررحب يابو هذال

صح اللسانك على هذه المرثية التي توقف شعر الراس

والله يرحم ابوفهد واشهد بالله ان وفاته فاجعه على الجميع

__________________
محمد بن عبيان آل سالم الفهري

أسأل الله الكريم أن يجعل قبرة روضة من رياض الجنه

صح الله لسانك ورحم الله والديك ..

__________________

الله يبقيك يامحمد وصح بدنك طال عمرك.

والله يجمل ومدحك للقصيده من طيبك.

أسعدني تواصلك.

__________________

صح الله لسانك ورحم الله أبو فهد مكرم الضيف وملاذ الضعيف .

لكن فرجة ذ السنافي وسيعه=والله يلوم اللي لمثلي يلومي
ننعى الكرم بعده ونفسٍ رفيعه=وتواضعٍ لبسه سواة الهدومي


اشهد بالله انك صدقت صح لسانك
والله يرحم الجهيمي ويغفرله ويسكنه جنته انه على كل شئ قدير

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]