قصيدة فتاة غلطانه برقم التلفون ؟؟؟

قصيدة فتاة غلطانه برقم التلفون ؟؟؟


--------------------------------------------------------------------------------

البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت يامحمـد تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
يامحمد .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان

اخكووكم فارس ال عاصم

منقول من احدا المواقع

__________________
«®°·.¸.•°°·.¸¸.•°°·.¸.•°®»اخوكم/ سيف السيف من ال عاصم من الجحادر«®°·.¸.•°°·.¸¸.•°°·.¸.•°®»

حييييييييية وحي من كتبها..
لا هنت يا فارس..
عشت عشت يالذيب..

__________________
لا بغيت ارتاح واضرب على الدنيا صليب...
لج هاجوس الضماير وقمت اعوي عواه...
جيت انا والدهر بين مطلوب وطليب...
عزتي للي يصارع زمان ما قواه...
الليالي شيبتني قبل وقت المشيب...
لا عطيت الوقت وجهي يلقيني قفاه...

يالعاصمي
اله لا يهينك على النقل
وهاذي القصيده
صح لسان شاعرها
وهي قد نسبت الى ناس كثيرين لكن اله اعلم بالشاعر

الله يسلمكم

__________________
«®°·.¸.•°°·.¸¸.•°°·.¸.•°®»اخوكم/ سيف السيف من ال عاصم من الجحادر«®°·.¸.•°°·.¸¸.•°°·.¸.•°®»

مشكوووووووووووووووووووور وما قصرت يا فارس آل عاصم

قصيدة جزلة وطيبة

__________________

__________________

الله لايهيينك يافارس

ويعطيك العافيه على النقل الرائع


وننتظر جديدك

قصيده جميله
بس مع الكاشف
ماعاد احد يتحرش