صوت السعوديين .. مهم

الدار









[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]



الدار ما هي للعبث والشعارات =الدار محجانا وحنا حجاها
دارٍ ما نحميها من أهل الضلالات =ما نستحق نعيش داخل حماها
دارٍ عطتنا خيرها فالمسرات=وقت الشدايد والله إنا ذراها
نحمي سماها من بغيضين الاصوات =ونردهم بارواحنا عن ثراها
ونقول يا ما ابعد ثرى ارض الرسالات =عن طمعة نفوسٍ تبيّن خفاها
حنا عرفنا غيكم من زمن فات =ونفوسكم ما فاتنا محتواها
ندري لدينا في بلدنا بطالات =وقصور في بعض النواحي دهاها
لكن حكومتنا على الاحتياجات=كانت ولا زالت تكرس عطاها
تمشي على الاصلاح منذ البدايات =والكل يشهد في زمنا وفاها
برت بنا والحكم فيها بالايات =والله بفضله رافعٍ مستواها
يا دار ما زعزعك بوق الدعايات =ناسٍ مشت مثل الدُما في عماها
باعت وطنها بيعة الذات للذات =وابليس من حوض الجهاله سقاها
وارخت مسامعها لبوق التفاهات =في سوق ناسٍ تتبع من عطاها
قومٍ تخطط لحتدام الصراعات =تنخر في الامه وتبحث قصاها
توجيه من عمانها بالريموتات=مثل البهم تمشي ورا من رعاها
ما همها غير الدنس والهتافات =يبغون دار العز يهوي بناها
ما همها من عاش فيها ولا مات =في خدمة العدوان تبذل مداها
تاجد مذاهبهم مع الاتجاهات =مثل الحيايا سمها في جماها
سم ذعاف اخفته بين العبارات=ضد الوطن والدين تنفث بلاها
يبغونها تصبح دويلات واشتات =كله رضى من باعها واشتراها
والعالم اللي يصنعون الخرافات =في شعبنا لا يحلمون ابصداها
شعبٍ لهم في روضة الدين رايات =وأصل الشريعه قاضبينٍ عراها
في ظل حكمٍ فيه عدل ومساواة =شريعةٍ متنزله من سماها
والدار في تدبير رب السماوات =قادر على حفظ البلد من عداها
والخير في دار الكرم والمروات =في شعبها وملوكها وامراها
في هيبة آل سعود سطوه وطالات =واللي رضى رب البشر من رضاها
طاعة ولاة الامر واجب ، وبالذات =في مثل هذا الوقت نوقف وراها
ناخذ من اللي حولنا خير عبرات=صارت دولهم غارقه في دماها
والدار عقب العز صارت دويلات =والحرب بين الشعب دارت رحاها
ضاع الامن والدار صارت عصابات=واستوطنت فوضى النفوس وخطاها
والنهب والتقتيل باسم الديانات =والخوف والترويع يطفي ضياها
واعراض خلق الله في الانتهاكات =تمسي وتصبح ما لقت من حماها
هيهات يرجع بعدها الامن هيهات =لا طاحت الجره وكبيت ماها[/poem]






محمد بن حمدان المالكي

الشاعر محمد حمدان المالكي

كفو كفو كفو


وبيض الله وجهك يالقرم


وصح لساااااااااانك الى مااااااالااااااااااا نهااااااااااية على كل حرف فيها



تحيتي لك

الشاعر والدكتور محمد بن حمدان

لاهنت على هالقصيده الجزله

وهذا الشعور الوطني الصادق

صح لسانك يامحمد

هكذا الشعر والا فلا

الله يديم الامن والرخاء ويحفظ قبلة المسلمين من كيد الكائدين

لاهنت واسمح لي على التعديل في التنسيق فقط

وتقبل تحيات بحر

__________________

بارك الله فيكم جميعا
وحنا وارواحنا للوطن

الدكتور : محمد بن حمدان المالكي ..


صح الله لسانك الين ترضى ..
نص ذهبي مطرز بالأماس ..
أتى من قلب المواطن الوفي الصادق ..
و كلنا ذلك المواطن ..



نسأل الله أن يديم الأمن و الإستقرار على هذا الوطن المعطاء و أن يديم لنا قيادته الحكيمة ..
و نسأل الله أن يرد كيد الحاقدين في نحورهم ..

__________________

صح لسانك واعتلا شانك

قصيد جزل من شاعر جزل

والله يديم عز المملكة في ظل حكامها

تقبل مروري