قصيدة رثاء في فهد العروبة.. راح الذي كل العرب تستشيرة

السلام عليكم يالربع
وعظم الله اجرنا واجركم ..
الحقيقة انا ماني بشاعر ولكن من خلال تصفحي النت وجدت هذه المرثية الرائعه وحبيت اني اشارك بها معكم وهي المشاركة الأولى لي في هذا المنتدى الجميل اتمنى انها تحوز على رضاكم واستحسانكم
والقصيدة هي للشاعر طارق الحميِاني
وعنوان القصيدة(راح الذي كل العرب تستشيرة)
تكـفـون قـومـوا لا تـنـامـون تـكـفـون .. علـمـن لـفـانـي راعـنــي يالعـشـيـره
تاهت بي الخطـوه مـع اللـي يتوهـون .. تـاهـت بــي العـبـره لعيـنـن ضـريـره
فـهـد فـهـد مـرحـوم والخـلـق يبـكـون .. قـفــى ملـكـنـا والــحــزن فـالـجـزيـره
قـالـوا عـلامـك والـخـبـر فالتـلـفـزون .. شـافـوه ثــم هـلـت دمـوعـن غـزيـره
قالوا تشافا قمت اغنـي علـى الهـون .. الـحــمــد لــلـــي مـاحـمـدنــا لـغــيــره
قمـت استخيلـه واطـلـب الله بسـكـون .. يحـفـظ لـنـا شـمـس الـديـار البصـيـره
مغبـون واللـي سخـر الكـون مغـبـون .. ليـت المـرض مقسـوم وانـا خشـيـره
اوليـتـنـي مــيــت مـكـفــن ومــدفــون .. ولا شفت علمـه بيـن صبـح وظهيـره
انا اشهد اني مـن فراقـه علـى شـون .. حـتــى عـظـامـي فــاوتــت للـجـبـيـره
وش لون ما ابكي ياهلي بس وشلون .. فــهــد فـهـدنــا راح يـبـكــي وزيــــره
والله ورب اللـي تعـلـى عـلـى الـكـون .. لابكـيه لـيـن الـدمـع يخـلـف مسـيـره
ياويـل حالـي ياعـرب كـيـف تمـشـون .. راح الــذي كــل الـعــرب تستـشـيـره
ابكيـه لا شفتـه عـلـى الـعـز مــوزون .. مـن بيـن ربـعـه والجـمـوع الغفـيـره
القلـب جرحـه نـازف الـيـوم مطـعـون .. والـنـار فــي صـدري تـواقـد سعـيـره
طالبـك يالـلـي طالـبـك حـيـل مـحـزون .. دمـعـه تنـثـر والـحـزن فـــي نـظـيـره
ترحـم فهدنـا اللـي لـه النـاس يلـفـون .. يـمـنـى جـزيـلــه مـاتـمــد الـقـصـيـره
طالـبـك يامـنـشـي همـالـيـل ومـــزون .. يامـحـيـي الـمـوتـى عـذابــك تـجـيـره
يـاغـافــر الــزلــه عــبــادك يــنــادون .. تـرحـم فهـدنـا الـلـي دروبــه سفـيـره
وصلوا على محمد مع اللـي يصلـون .. شفيعـنـا شفـنـا مــع الـشـرع خـيــره
وسلامتكم

صح لسانك والله يغفر له ويرحمه ويبارك في الموجودين............. آمين يارب العالمين........,,

صح لسانك والله يغفر له ويرحمه ويبارك في الموجودين............. آمين يارب العالمين........,,

الموت واحد ياشباب الإسلام بس ليش ما نتعض على اللي صار فكل واحد يشوف نفسه هلا هو مستعد للموت ولا لا؟؟؟؟؟؟؟؟؟؟؟؟؟؟؟؟

أخوكم الفقير إلى الله

رحم الله خادم الحرمين الشريفين واسكنه فسيح جناته
إنا لله وإنا اليه راجعون
مرحوم ياللي عقب موته فقدناه.... حسبي على صكات سود الليالي

رحم الله فقيد الامة خادم الحرمين الشرفين الملك فهد بن عبد العزيز ال سعود واسكنه فسيح جناته

وصح السان الشاعر

ولا هنت على نقل القصيدة

رحم الله خادم الحرمين الشريفين واسكنه فسيح جناته
إنا لله وإنا اليه راجعون
مرحوم ياللي عقب موته فقدناه.... حسبي على صكات سود الليالي

وعليكم السلام

شكرا لك ياشاهين على هذه المرثيه

ورحم الله ملكنا فهد بن عبدالعزيز
وجعل مثواه الجنه

__________________

مشكورين اخواني على ردودكم
ورحمك الله يافهد العروبة

صح لسانك