سر ياقلم وأكتب على خيبة أماني__

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

سر ياقلم واكتب على خيبة أماني =وأعجل عليه بقاف(ن) ضاق راعيها
أكتب قصيد(ن) وأغنيها بألحاني =وأبشر برجل(ن) من الفرقى يغنيها
الله من هم(ن) علي مابعد جاني = نار(ن) بقلبي ولا ثلج(ن) يطفيها
اليا طعمت الوناسه زارني ثاني = واليا طعمت التعاسه زاد حاميها
كنا سوى من عرب نجد(ن) وقحطان = كل(ن) رحل بس انا اللي قاعد(ن) فيها
واليوم سرت الخوي لهموم وأحزاني = مغير وحدي في ذالخفجي وأراضيها
تركي عوض ابن عمي راح وخلاني = ذكرت الأيام جعل الله يسقيها
اليا ارتكز مثل صقر(ن) حر شيهاني = لا ماتصيده رجال القنص اياديها
أنور من العز شامخ بين قحطاني = لو غربوه بقريب الأرض وقاصيها
عادل على العلم وافي دوم ذيباني = نفسه عزيزه عن الزلات يحميها
عبدالله اللي عبيدي وال جبراني = حكيه يبرد على الخاطر بلاويها
منسى علي حتى لو الوقت نساني = مطنوخ راسه على العدوان يعطيها
عبدالعزيز الحميدي ذيب عتباني = من لابتن تحمي الخوه وحاميها
خاويت ناسن كثيره غير قحطاني = انا اشهد انهم رجال(ن) حقها فيها
صلاة ربي عدد ماهلت امزاني = على النبي سيد الأمه وداعيها[/poem]
اخوكم/ ابن زميع