شجرة قبيلة الجحادر


مجلس الأنساب يتعلق بجميع أنساب قبيلة قحطان فقط

موضوع مغلق
قديم 23-09-2004, 02:54 PM
  #1
إبن الأروق
عضو متميز
 الصورة الرمزية إبن الأروق
تاريخ التسجيل: Sep 2004
المشاركات: 924
إبن الأروق is a jewel in the roughإبن الأروق is a jewel in the roughإبن الأروق is a jewel in the roughإبن الأروق is a jewel in the rough
افتراضي شجرة قبيلة الجحادر

شجرة قبيلة الجحادر





تفريعات قبائل الجحادر


بسم الله الرحمن الرحيم



السلام عليكم ورحمة الله وبركاته


( تفريعات قبائل الجحادر )


أود أن أبدأ بذكر هذه التفريعات وذلك لكي لايخطىء فيها البعض ، كمن ينكر أن السحمة من آل محمود ويقول بل هم من آل محمد ، وبعد عرض هذه التفريعات سيتضح أن لاتناقض .




بداية ينقسم الجحادر إلى قسمين هما : آل الجمل وآل سليمان .

وآل الجمل ينقسمون إلى سبعة بطون كبيرة ، وهم كالتالي :-

1- آل مسعود ( وفيهم شيخة شمل آل الجمل قديما عندما كانوا قبيلة واحدة )

2- آل عليان

3- آل سويدان

4- آل عياف

5- آل مريتع

6- العجارشه

7- آل شبوه


وآل سليمان ينقسمون بطنين كبيرين ، هما آل عاصم وآل محمد .

آل عاصم ينقسمون إلى :-

1- آل سعيد

2- آل رزق

3- آل خضير

وآل محمد ينقسمون إلى آل إبيطن وآل دهيم .

وآل إبيطن ينقسمون إلى :-

1- آل روق

2- آل سعد

وآل دهيم ينقسمون إلى :-

1- آل محمود

2- آل سلطان

وآل محمود ينقسمون إلى :-

1- السحمه ( وفيهم شيخة شمل كل قبائل قحطان قديما وإلى عهد قريب ، وشيخة شمل قبائل الجحادر حاليا ، ومنهم الأمير الفارس الشجاع الشاعر أمير وفارس نجد في زمنه غلى الإطلاق محمد بن هادي ( بن قرمله ) بن غانم بن زكنان بن غانم بن حسن بن سحيم بن محمود بن دهيم بن محمد بن سليمان بن جحدر بن عبدالله ...... والباقي محفوظ في كتب الأنساب إلى آدم عليه السلام )



2- الخنافر

وآل سلطان ينقسمون إلى :-

1- آل عاطف

2- المشاعله



وأخيرا أرجو أن أكون قد وفقت في إختيار الموضوع وفي عرضه بهذه الصورة ، كما أرجوا المعذرة عما صاحب هذا العمل خطاء أو زلل .


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فإن وجدت عيبا فسد الخللا = جل من لا عيب فيه وعلا[/poem]



والسموحه على أي تقصير غير مقصود

أخوكم

إبن الأروق

التعديل الأخير تم بواسطة إبن الأروق ; 21-02-2005 الساعة 08:08 AM
إبن الأروق غير متواجد حالياً  
قديم 23-09-2004, 05:12 PM
  #2
فارس قحطان
GM
 الصورة الرمزية فارس قحطان
تاريخ التسجيل: Jun 2004
الدولة: في قلب شبكة قحطان
المشاركات: 7,494
فارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond repute
Thumbs

كفووووو والله يابن رووووق

كفيت ووفيت

اقتباس:
كما انه عندي وثيقة قديمة عن اتفاق المحلف اللي بين قحطان ويام ...
تقدر تجيبها لنا او تقول لنا وين مصدر هذي الوثيقه


اقتباس:
والسموحه على أي تقصير غير مقصود
ما من قصور يابن رووق
موضوع كامل والكمال لله
__________________
،



«لا إله إلا الله محمد رسول الله»



،
فارس قحطان غير متواجد حالياً  
قديم 24-09-2004, 11:00 AM
  #3
إبن الأروق
عضو متميز
 الصورة الرمزية إبن الأروق
تاريخ التسجيل: Sep 2004
المشاركات: 924
إبن الأروق is a jewel in the roughإبن الأروق is a jewel in the roughإبن الأروق is a jewel in the roughإبن الأروق is a jewel in the rough
افتراضي

هلا والله بفارس قحطان

انا يوم اشوف كلمة فارس اول شيء احسبه ولد اخوي ... واقول ايه ماني بشايفه الحين

مهو بحقران فيه .. لا لكنه يكلمني بالتلفون واقابله مرات فعشان كذا ماشفت الرد

ماعليكم زود ياآل عاطف .... وردك صراحه مابجمل منه

اما عن الوثيقه .. عطانياها شايب احبابي .. ونشدته من وين هي .. قال من كتاب قديم جدا عند واحد من الحباب اللي في قرية ملاح .. ومعيي يظهره ... يقول لانه فيه ذكر لشيوخ قبايل قحطان اللي على ساس .. اللي فيهم الشيخة من اولا .. وانه بيسبب مشاكل .. لانه كثير من الشيخات التاليه جت كذا .. وراحت الاوله بالغبن

المهم هو قدر يكتب منه صفحه على الآله الكاتبه .. وعطاني نسخه منها ... وقال خلها عندك ولاتعطيها احد ... والكلام ذا من سنين .... فعادني بشوفه .. اذا فيه مجال انه يسمح لي اعطيكم اياها .. والا دليتكم عليه تراه عاده حي



اشكرك اخوي فارس قحطان على تثبيتك للموضوع

وترا اجلاء قحطان مهو بللترك لحالهم .. لا وللي معهم من القبايل اللي دخلوهم الترك

وذا الكلام حروة ال 1255 هـ وبعدها ....

والترك حبوا يغيرون التركيبه السكانيه لاهل نجد ... حيث انهم من الموالين لآل سعود .... فقرروا زرع قبايل مواليه للشريف في نجد بحيث انهم لما ينهون الحمله ويطلعون ... ماتقوم قائمة لآل سعود لكثرة الموالين للشريف والدوله العثمانيه في نجد

وفي سنة 1255 هـ توجه محمد بن هادي وقبايله الى الجنوب تاركين نجد حتى لايصطدموا بالدوله العثمانيه القويه ومن معها من قبايل الحجاز ... فخلت نجد من قحطان .... فلما تم طرد الترك رجع مع ابن هادي نص ربعه اللي اطلعوا معه .. خوفا من عودة الترك مره اخرى .. والخوف كان مهوب من الموت لا ... الا الترك كانوا يعتدون على القبايل بالظلم والتعسف وفي بعض الحالات يعتدون على نسائهم ويستخدمون خيلهم وابلهم لنقل الاحمال ويستخدمون رجالهم للقتال والدلاله .. ويفتشون البيون مرات اذا شكوا في احد .. والبيوت مافيها الا الحريم .... فعشان كذا هجوا للجنوب ........ اما بعض القبايل اللي تعاونت مع الترك ضد المسلمين فنالهم نصيب من الظلم وكانوا كارهين للترك بس مغصوبين .. وصارت منهم بعض الثورات ولكنها اخمدت

فلما رجع ابن هادي عين في نجد ناس مهم من اهلها .. وكانوا اكثر منه بكثير .... حتى انه فيه مؤرخ كاتب اعداد المقاتلين من القبايل في ذيك الفتره ... مادري يمكنه مؤرخ هولندي .. الله أعلم ... فذكر اعداد حددا قحطان .. عتيبه 12000 مقاتل .. وحرب 14000 مقاتل ومطير 6000 مقاتل والعجمان 6000 مقاتل وقحطان 6000 مقاتل .... والله انهم صتايم القحاطين ... من اقل القبايل وكذا فعلهم ... والله كفو عليهم

المهم لما رجع ابن هادي واللي عود وياه وعين اللي عين ... ادوا له الجزيه خوفا من هيبته .. واستمر الحال على كذا يجي كم سنه ... واللي كانوا يؤدون له ماتجرءوا على نزول نجد الا يوم خذوا الحلف من ابن رشيد .. ولا انزلوا نجد الا بمعية الترك

المهم قعدوا ينزلون كارجال الجراد في نجد ولايخرجون منها .. فتضايق منهم ابن هادي .. صاروا اكثر منه في بلاده ...فارسل لابن رشيد يقول له رد عليهم البرا تراني بخفرهم ذا السنه ... فرد عليهم ابن رشيد البرا ... هم عقبها جوا لابن هادي يطلبون منه الصلح بين الطرفين حتى يامنون على منزالهم في نجد .. والصلح غير الجزيه .. الجزيه مامنها كلام .. يؤدونها يؤدونها .... فعيا ابن هادي وطردهم .. فحس واحد من شيوخهم انه اتفاق بين ابن قرمله وابن رشيد .. فقال قصيدته المشهوره :

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بلعون جتنا من عزاز الحمايل = حكام نجد القطع الصيرميه[/poem]

حكام نجد .. ابن هادي على نجد .. وابن رشيد على شمال غرب نجد .. وابن رشيد ضيغمي من قحطان
وعقبها صارت الحروب بينهم اللي مالها مدى ... الين نزحهم شمال وغرب بعد ماكانوا في الوسط ... والين دفعهم الجزيه غصب .. وارضخوا لمطالبه ماعدا واحد من اكبر شيوخهم عيا على الجزيه .. يوم يقول :

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ان ترحم اللي وحدوا به جنوده = حد صلح وحد تحدر على السيف[/poem]

وحدوا به جنوده .. يعني اتركوه وحيد وصالحوا ابن هادي ... حد صلح .. معروفه .. يعني ادوا اللي اطلبه ابن هادي


المهم صارت المعارك العظيمه .. فشافوا انهم يغيرون ولاؤهم لابن سعود عشان يجورهم ويسمح لهم بالمنزال

وعقب ما اعلنوا الولاء لابن سعود .. قرع قحطان منهم وخلاهم في نجد يتقوى بهم على الشريف

وكذا تنازلوا مع بعض .. ويصير مرات معارك واكوان متفرقه ........

وعن انهم نزلوا بامر الامام .. يعني يوم قرع الامام قحطان عنهم ... يقول ابن عضيب موجها كلامه لاحد شيوخ القبايل عن المنزال في نجد .. حيث انه ذاك قال انه نازلن في نجد بحد السيف .. وابن عضيب يذكره بكيفية منزالهم في نجد .. ويقول :

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كان انت هازبنا بمنزال بمبان = دار الامام اللي تجيها النحايف

مرباعنا بمحقبه لا خنق بان = يوم انت مرباعك بركبه وخايف

ربعي هل الطولات ذربين الايمان = خلوك تجشر مثل هرش مسايف[/poem]

السموحه على الاطاله

لكن بروح اصلي الجمعه

ابن الاروق

التعديل الأخير تم بواسطة إبن الأروق ; 24-09-2004 الساعة 02:05 PM
إبن الأروق غير متواجد حالياً  
قديم 24-09-2004, 02:13 PM
  #4
فارس آل روق
عضو
 الصورة الرمزية فارس آل روق
تاريخ التسجيل: Sep 2004
المشاركات: 81
فارس آل روق is a jewel in the roughفارس آل روق is a jewel in the roughفارس آل روق is a jewel in the rough
افتراضي

يعطيك العافيه يا إبن الأروق على الموضوع الزين

تسلم يمناك بعدين على سالفه كل ما تشوف كلمه فارس

شدعوه مليت منا ولا خخخخخخخخخخخخخخخخخخ
فارس آل روق غير متواجد حالياً  
قديم 24-09-2004, 02:18 PM
  #5
إبن الأروق
عضو متميز
 الصورة الرمزية إبن الأروق
تاريخ التسجيل: Sep 2004
المشاركات: 924
إبن الأروق is a jewel in the roughإبن الأروق is a jewel in the roughإبن الأروق is a jewel in the roughإبن الأروق is a jewel in the rough
افتراضي

هههههههههههههههههههههههههههه

لا ما مليت وشكرا على مرورك

ترا ولد عمتك القطري النك ماله ذيب آل روق
إبن الأروق غير متواجد حالياً  
قديم 24-09-2004, 03:49 PM
  #6
فارس آل روق
عضو
 الصورة الرمزية فارس آل روق
تاريخ التسجيل: Sep 2004
المشاركات: 81
فارس آل روق is a jewel in the roughفارس آل روق is a jewel in the roughفارس آل روق is a jewel in the rough
افتراضي

ادري جاني علم
فارس آل روق غير متواجد حالياً  
قديم 25-09-2004, 10:28 AM
  #7
ذْيْبْ½اْلْ¤رْوْقْ
عضو
 الصورة الرمزية ذْيْبْ½اْلْ¤رْوْقْ
تاريخ التسجيل: Sep 2004
الدولة: جزر الواق واق
المشاركات: 84
ذْيْبْ½اْلْ¤رْوْقْ is on a distinguished road
افتراضي

باااااااااااااااااااال مبطلينه مجلس موب موضوع هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه
مشكور يا خالي تسلم علي الموضوع
__________________
ذْيْبْ½اْلْ¤رْوْقْ غير متواجد حالياً  
قديم 25-09-2004, 11:27 AM
  #8
إبن الأروق
عضو متميز
 الصورة الرمزية إبن الأروق
تاريخ التسجيل: Sep 2004
المشاركات: 924
إبن الأروق is a jewel in the roughإبن الأروق is a jewel in the roughإبن الأروق is a jewel in the roughإبن الأروق is a jewel in the rough
افتراضي

لا شكر على واجب ....... ان حنا يالقحاطين اهل المجالس والمعاميل والسوالف والعلوم الطيبه وانا خالك

مشكوووور على مرورك
إبن الأروق غير متواجد حالياً  
قديم 25-09-2004, 02:54 PM
  #9
فارس آل روق
عضو
 الصورة الرمزية فارس آل روق
تاريخ التسجيل: Sep 2004
المشاركات: 81
فارس آل روق is a jewel in the roughفارس آل روق is a jewel in the roughفارس آل روق is a jewel in the rough
افتراضي

اقول اخوي ذيب باااااااااااااااااال شدعوه بالع تمساح ههههههههههههه

لا تزعل ونا ولد خالك

اخوك فارس آل رووووووووووق
فارس آل روق غير متواجد حالياً  
قديم 25-09-2004, 08:05 PM
  #10
إبن الأروق
عضو متميز
 الصورة الرمزية إبن الأروق
تاريخ التسجيل: Sep 2004
المشاركات: 924
إبن الأروق is a jewel in the roughإبن الأروق is a jewel in the roughإبن الأروق is a jewel in the roughإبن الأروق is a jewel in the rough
افتراضي

ههههههههههههههههههههههههه

خلاص يافارس آل روق .... خلو السوالف منكم

بحط موضوع في سعة الصدر للي يبي يسولف ويضحك
إبن الأروق غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شجرة قبيلة آل سعد قحطان (شجرة كــــامله) فارس قحطان مجلس الأنساب 110 01-04-2013 11:30 AM
مختصر أصول العشائر العربية العراقية قحطان المجلس الـــــعــــــــام 15 17-11-2007 02:14 PM


الساعة الآن 12:18 PM

سناب المشاهير