على من تطلق كلمة " العاني"

منهو العاااااااني في قبيلة قحطان

هل هم اخوال الام

ام الاصدقاء

وهل العاني يكون من قبيله اخرى

نرجوا التوضيح

والله ياخوي ماعنده خلفية واسعه عن العواني
ولكن بيننا نحن ال هادي عنوة مع ال قريش ولما سالت احد الشيبان قال ان احدهم كان صديق لجدي حسين بن شايع
فاقدر اقول لك انها على الصديق اما من جهة الخوال ما عندي دراية

قد يكون نسيب أو صديق من خارج القبيله أو الفخذ والله أعلم

__________________
[poem=font="MS Dialog,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="1,black""]
لا صار حلمك في يد الوقت والناس
لا الناس تفرح لك ولا الوقت يرحم !

أغسل يدك من حلمك بموية اليـأس
وأهرب بلا حلمك .. عسى بس تسلم[/poem]

العاني او العواني هم الاصدقاء والجيران من خارج القبيله ولكن عندما يطلق عليهم لقب عاني
يدخلون في حماية القبيله بحيث لو اعتديت على عواني اقحطان كأنك اعتديت على قحطان

اي كلمة العاني لاتعني جار او مجرد صديق بل اكثر من ذلك

__________________
[/center]

العاني او العواني هي موجوده عند اغلب القبايل وموجود ه اكثر عند قبائل قحطان ويام


هي ان تتزوج المراءه من رجل اخر من قبيله اخرى واذا انجبت بنات لاتكون هناك اعنوه


ولكن اذا انجبت ولد يكون هناك اعنوه وحقوق على هذه القبيله لافراد القبيله الاخري

يقول الشاعر

واللي ماياردعلى هداج وحباله = ماشرب من بارد الجمه وصافيها
واللي ليا احتجت تقصردوني افعاله =افعاله اللي على الفاقات ماابغيها
مابغيه في الحشر يعطيني من اعماله = ابغي حقوق العواني عندعانيها


وهذه قصيده امراءه من بني هاجر عند زوجها من قبيلة العجمان

وتخاطب ذلول ابنها

يا قعودي والله ما عندك مروفه*** دايرن الحول ما شفت العواني

الأخ سالم الزير أرررررررررررررررررررحب
العاني أو العواني تطلق اللي بينك وبينه نسب من خارج قبيلتك والله اعلم و لا تطلق على الاصدقاء .

__________________

طيب منهم اكفاء اقحطان بالنسب؟

يعني اكثر عواني اقحطان من اي العرب؟



لاهنتوووو

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

بيض الله وجهك يا مداهيل الرجال على هذا التوضيح وبيض الله وجهك يا الزير على هذا الموضوع مع تحيات اخوكم ( السنحاني )

أتوقع بأنها تطلق على الصديق لانني أسمع زمان من شيبانا الله يرحمهم
يقولون فلان عانية فلان بمعنى صديقة