جديدي في حفل ال عجلان ال سعد

بسم الله الرحمن الرحيم

جديدي في حفل ( صبيان الملاحيق )
بحضور عدد من اصحاب السمو
وبرعائه خاصه من صاحب السمو الامير مساعد بن جلوي بن عبدالعزيز



((صبيان الملاحيق))



باسم ربعي محزمي كل ماجاء لي لزوم
مجمع الحرقان يمناا السلوم الضافره


ياسلام الله سلام على وضح السلوم
مثل شمس للملا في سماها ظاهره


في ضميري يحتدم من وفاء الغالي علوم
والعلوم الباطنه في قصيدي شاهره


جيت يامساعد وماقفك زاخر بالقروم
في عجبك وفي عجب ربعك اللي حاضره


والمشاعر للفرايد غزايزها تروم
انتقي الجزلات من دوح فكرً وافره


كل عيطا ذايره ينوسم فيها وسوم
لجل من يستاهل الطيب بدو وحاضره


الجحادرمن سمع باسمها لجله يقوم
رد معروفً وفخرً لنا مفاخره


الحلاحيل المطانيخ ورجال العزوم
هيبة تجعل ديار المراعي قافره


ون تذكرنا دواثر عرفنا روس قوم
الملاحق الشغاميم واهل النايره


ربع ابن لبده نهار ينفذ بالكموم
يوم جاء صوت محلف تستغيث مناصره


ثارت الهيجا ودارت على فرك الخشوم
ولا بعدها للعدو يوم ثارت ثايره


وعودوا بالوضح كنها من اصناف النجوم
والكرب عادوا من الموت بأيدي شافره


الصحيح يصح وعلومنا ماهي حلوم
يوم قدح الزند والا الدمي الفائره


شاعر من دون ربعه عبيده مايهوم
غير راس الرجم والا الطيور الطائره


قلتها وأقولها والعبيدي له رسوم
في مواقيف المزاحم وصد الغايره


قبل ابو تركي يوقف مناحرة الخصوم
ويتوقف في حضوره سيوف قاطره


ياعسى عظمه من النار يالربع محروم
وياعساه بجنة الخلد عينه ناظره


وياعسى الحكم السعودي على عزه يدوم
وياعسى ربي يصيب النفوس الكافره


ودام ابو متعب ذرى عن ملافيح السموم
يشهد الله ماحسبنا حساب الجائره


قولوا امين عليها وانا بقول دوم
دام عز بلادنا بالقلوب الطاهر


والسلام اختام واختام مسك مختوم
للجحادر كلهم والضيوف الحاضره





ذيب العبيدي