من وده يخاويني ...

السلام عليكم ورحمة الله وبركاته

اللي وده يخاويني الاسبوع الجاي لهذا المكان حياه الله ...

هذا المكان يبعد ٩٠ كيلو عن مكان سكني - ٩٠ كيلو يعني ٣ - ٤ ساعات بالسيارة - بأذن الله الاربعاء الجاي هناك

ارتفاع الثلج على الطريق ٢١ متر حسب معلومة الطريق امس

مكان أكثر من رائع ..

والله ودنا نخاويك ..

لكن الظروف وما تفعل ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ودك أبو منيف يكون معك

تسلم يالغالي

__________________

أجمل شي في ألانسان قلب صافي يدعو لك

سبحان الله

العجيب يابو عصام شلون شقوا الطريق وسط هذه الثلوج

هل لها خطة معينة ؟ كيف تعاملوا مع هذه الثلوج ؟

كيف الوضع عند ذوبان الثلوج

أكيد تتسكر الطرق ..

__________________

صبحك بالخير يا مشاري

السنة الجاية ان شاء الله

ابو ريان صباح الورد

شكله بتجيه ام الركب ... ويقعد ينتفض علينا

السلام عليكم ابو عبد الله

تلك المنطقة في جبال الالب اليابانية و تسقط عليها كميات ضخمة من الثلوج ويفتح ذلك الطريق في منتصف ابريل حتى

بداية شهر ٧ فيبدا بالذوبان ... ثم يغلق في شهر ٩ حيث يبدأ سقوط الثلج ...

ولكن السواح اليابانيين هناك على طول السنة ..


ويتم فتح الطريق بانواع مختلفة من المعدات المتخصصة مثل هذي




اما الوضع عند الذوبان ... الجواب انت ليس في السعودية ...

تذوب بامن وسلام والطرق كما هي بالرغم من ملايين الاطنان من الثلوج ... والاسبوع الجاي اجيب لك الاخبار ...

ولو كان ودي تخاويني انت والمعرس باقي المطاوعة...

ابو عبد الله ذكرتني بصورة فارس قحطان

عندكم سطلين ماء تخرب الشوارع

ونعم يابو عصام


ومرحبآ بكم جميع ومشاري أولكم .


ما أزيد على كلام مشاري . إلا . كلمات .؟؟ هي .؟.


ودي آخاويك من مكاني بالسعودية .بذلك أحقق لك إجابة الدعوة . وأمتع نفسي معك في رحلتك.

وأكون خاويتك بقلبي أولآ وبعيني ثانيآ ومعك أينما تكون وسينضم لنا زملاء آخرون ملبين لك دعوتك

الطيبة بارك الله فيك وأعانك على إستقبال ضيوفك وخدمتهم .

من غلاك أجبناك .


وإخوتك تنشرى بالغالي والنفيس وإجابة دعوتك واجب على الخوي لخوية . وأنا أوافق على أخوتك .


بما أنني أجبت لك دعوتك . فأنا أصبحت ضيفك . وصاحبك في سفرك . وأنت أمير الرحلة .


أتمنى على أميرنا بارك الله فيه أن يخبرنا عن موعد بداية الرحلة تمامآ ومن ثم يبين لنا كيفية البدء

ووقته وعن سير الرحلة وأماكن توقفها ومدة وقت التوقف وسببه . وموعد التحركات بالدقة .

كي يتسنى لنا أن نكون في الموعد وقد رتبنا أوقاتنا لكيلا تتعارض مع مواعيد نومنا وراحتنا .

ولكي يرتيب الفرد لنفسه . وكذلك نريد إيضاحآ مفصلآ عن مواعيد الأكل ونوعيتها وكيفية

تناولها جماعة أم أفراد . ومواعيد النوم وكيفيتها . جماعة أو أفراد . وشرح كامل عن كيفية تصرفاتنا

في حالة حدوث طوارئ لا قدر الله . وكيفية التنسيق فيما بيننا . في التحركات التي تتم بالأقدام .وأين يتم

اللقاء في حالة فقدان بعضنا بعضآ . وستجدني بالثانية والدقيقة موجود على أهبة الإستعداد للسير معك

رفيقآ وصديقآ ومقلقآ أحيانآ . حسب الظروف . وأبشر مني بشبة الضو إذا كان هناك إمكانية .

=====


أنا أنتظر وكذلك الإخوة الأعضاء شرحك لنا حتى أتهيأ ويتهيأ من له رغبة في أن يجيب لك دعوتك في

إخوة أبو عصام ماجد الخليفي عساه سالم وغانم وكثر الله من أمثاله وشكر له هذه الدعوة الطيبة .

نحن في إنتظار الشرح وفي إنتظار الأعضاء الراغبين لتسجيل حضورهم وقبولهم دعوة أخيهم

ماجد في مرافقته في رحلته . نتمنى له فيها المتعة والفائدة والسلامة في الحل والترحال .

ياليت الأوقات تكون بتوقيت السعودية يابو عصام نفداك ..

عندي إحساس إنها ستكون رحلة ممتعة .

ومتعبة لك ياحبيبي ماجد أعانك الله على دعوتك ومايلزمك لها .

واجب علي أجيب دعوة الغالي ..



تقبلوا تقديري وحكاي والسلام


.

بسم الله ...

ترحب يا ابو محمد والديرة ديرتك ...

شف الله يسلمك رح اليوم لوكالة الطيار واشتر تذكرة على طيران الاتحاد اللي تطلع الاثنين من مطار جدة الى طوكيو مرجع ...

اذا اصبحت يوم الاثنين خذ ليموزين الى مطار جدة الدولي الساعة ١٠ الصبح لان اقلاع الاتحاد الساعة ٢ ونص الظهر حتى يكون عندك وقت تدور واسطة ...





الله يسلمك تغادر جدة ١٤٣٠ توصل ابو ظبي ٨ و١٠ دقايق مساءا وتغير الى الرحلة المغادرة الى طوكيو الساعة ١٠ ونص
ليلا ... لتصل طوكيو ١ ونص بعد ظهر اليوم التالي

تخلص جوازك وتاخذ عفشك وتطلع من ذي البوابة



تنزل السرداب تاخذ قطار اسمة

NEX رحلة رقم ٢٨ يحرك الساعة ٢ و ١٥ دقيقة توصل محطة طوكيو ٣ و ١٦ دقيقة ...






لا تغلط تأخذ نوع ثاني من القطارات ... تروح في متاهات لا يعلم بها الا الله

ولا تحوّس بالقطار وتغير العربة لانه بنص الطريق ينقسم القطار جزئين نص يروح يوكوهاما ونص يواصل الى طوكيو

اذا وصلت طوكيو انقز بسرعة واطلع لانه يوقف دقيقة بس ويمشي ديرة ثانية




اطلع ٥ ادوار من تحت الارض لتصل نستوى الارض ثم اطلع الى الدور الاول واركب القطار اللي في موقف ٢١ ...




خذ الرحلة رقم ٥٣١ لقطار اساما يطلع الساعة ٣ و١٤ دقيقة ... توصل محطة ويدا الساعة ٥ و ٩ دقايق ...

لا تنسى انقز بسرعة



المهم اكون بانتظارك عند البوابة



تجي عندنا تعيّن خير وتدق الكبسة من الحين اقولك (( كبسة دجاج حلال )) ما فيه غنم ... تقعد تصجنا


ثاني بوم الساعة ٦ الصبح نصلي ونفطر وندق الخط ... مشوار ٩٠ كيلو ... يبي لنا ٤ ساعات بالخط
نروح للفندق


علمنا اذا تبي تجيب العجوز ناخذ لك غرفة ام سريرين



واذا لحالك سرير واحد يكفي





لاتنس تجيب معاك بسكوت ابو ولد لان اكل الفندق ما راح يجوز لك




مشكلتك الوحبدة هي الترويشة ...

الحمام مشترك وسروال السنة ممنوع يبغالك تدخل مع الناس سلط ملط

لاتخاف ما راح اصورك ... ولا راح ادخل معك ... احتراما لخصوصيتك





الرجعة تاخذ نفس الخط