مسابقه ام رقيبه

اسعد الله مساكم اخواني بكل خير هذي مقدمة القصيده التي قلتها في مسابقه (ام رقيبه )اليكم المقدمه ثم القصيده الاساسيه
قصيده رقم (53) بعنوان (عضيد ابو متعب)
بســــم الله الرحمن الرحيـــــم

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بهـــرت مــن ألابيــات مايقـنـد الراس = يقـنـــد خـــوا العمسـان لاخـوي راسـه
قلطتهــا لمعــرب الخــــال والســــاس = للـــي ســــماء التاريــخ جــده وســاسه
مـشعل عقـاب الخيـل فـي كل مرواس = صـاحب ســمؤ المجــد طيـب وفــراسه
مـن عادهـا بالسيـف بالرمـح والطاس = والعــود حــــاميها برمــــحه وطاســه
حـول عليها تزهمـه شهــب الاجـراس = حافـي قــدم ماهـاب وطيـت هـراســـه
لاهنـت يامجـد(ن) شــمخ مـاله قيـاس =مثــل البحـــر لاهـــاج صعـب قياسـه
بسم البــدو والحظـــرمـن كل ألاجناس = نشكـــرســموك يا عظيـــم السيــاسه[/poem]
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اتعب على جزل الفرايد من رحيـق المعضـــــلات = اجـــيبها لؤلؤ درر تلمــــــع مابيـــــــن الفيلقيـن
نقيتها نقــــي المــــزاين فــــي البكـــار الغاليــات = وأنا بعــــــد لاجــبتها مليـت فيهــــا كل عيـن
مادامـها فــي دار ابو متعــب زبــــون الطايــلات = في ذا الشنب لنحر لها من معضلت راسي سـمين
يادار هلـــي قـذلتـــك دونـــك صنـــاديد عصـــات = قضــي جعــودك فــي حمـانا عقــب رب العالمين
يادار حن درعـك حمى لك مـن نفــوس حاقــدات = درعـك حمــاك إن كشـــرت الانياب بين الشـفتين
لاظبظــب البــارود حــقك مــن كبـــار الواجبــات = حنـى علــى بيعــت ابو متعــب رجــال مخـلصـين
نحفي على كتفك بنات الريــح صــفر مســرجات = ويحـرم علينا لو عجــزنا عـن حمـاك الأســودين
لو يشهــب الحـــوثي بدار العــز راس النايفـــات = مـن دونها نارد حيــاض المــوت بالضــلع المتين
ذراك ابو تركـــي بكمـــه فــي السنين الماضـيات = وعقبـه عياله شيدو مــن دونها حصــن حصـين
دن القلــم خــلها تخـــط افعالهـــم راس الـــدوات = تبقــى علــى مــر الدهــــر للغائبيــن الحاضـــرين
الله يطـــول عمــــر عبــــدالله ويــــرزقه الثبــات = ويبطــي بحكمـه يا اله الكــون فــي صحــه ودين
ابو الصغيـر أخوالكبيرغيـث النفـوس الضاميـات = عضـــد لمـن خانــه زمــانه مــن كبــار مقـعدين
نحمـــد اله (ن) رد ســــلطان المكـارم والصــفات = قبـل دعاء اللي فـي سـجود الوتر نادو خاشعين
ولـي عهـــد المملــكه ريــف اليتــاما الأرمــلات = سـعد الدريـك اللـي عداه الوقــت وهمومه قـطين
هـو قـايد صـــقور الجـــزيره لعتــلو بالســابقات = سـتر وذرا يــوم العــــرا يدحـم زنـــود الطامعين
رده بديع المـلك في دار السيــــوف المرهفــــــات = ومـن بشــفاء ريــس هل البيعـــه كعــام العايلـين
مقــــدم هل العوجــــاء وريسهــم نهــار الكـايـدات = ســــفيرهم حلحيــل حـــلال المشــاكل مـن سـنين
احيــا التـــراث وســيس النخبــه وثبتهــا ثبـــــات = عـــز الحــلال وميـــز النـــدر كمــا الـــدر الثمـين
عراض اللحي جـرد الرقـاب الراهيــات الطافحـات = سـند الغوارب باهـرات الطـول جرعـات الحنـين
اللــي حمـــوها جـــــدودنا يــوم الفعــــول الأولات = فــي شــفها يمشــون معهــا مشملـين وسـاندين
واليوم فـي حكـم الملـوك اللــي يضــدون الطغــات = نعمــه وآمـــان وكل قاســي بأمــر مــولانا يليـن
يادار حبــك ثابـت(ن) فــي مهجتــي مثل الســرات = ولا تـزعــزع مـــن كـــــلام اليائسـين البائسـيـن
حــدك جنـوب مـن اليمـن لانهــر دجـله والفـــرات = ومـن البحـرالأحمر ليا شـاطـي الخليج مشرقين
أشــــم فــي أكمامـك خليــط ورود وزهـــور النبات = وأشـوف في ذروت سنامك قلعـة(ن) للناضجين
وأشــوف فــي محجـــر عيونـك مرتــع للجـــاريات = وأشـوف فــي غــرت جــبينك معلـــم للسـاجدين
يامـوطنـــي يكفــي فخــــر انـــك مــــأم للصـــلات = شــرفك ربــي عــن ســـواك بنــور ثان القبلتين
شــرفــك سبــحانه إلهـــي بالصـــور والمعجــزات = وأختـار ربـي منـك خاتـم الأنبيــاء والمرسـلين
[/poem]

الشـاعر/ عبـدالعزيز بن محمـد الشـلوه القحــطاني

اررررررررررحب ولله ياشاعر العز ولفخر وللإباء ولهمم العاليه الرفيعه

قوة المعاني ولا تبالي جزالة التعبير ولا فيك تقصير سلاسة وحبك اللأبيات


بكل فخر وشاعر معتبر علا فن الطراز الحديث إلا اللأمام ياشاعر الجزاله وفقك الله وسدد الله بالخير خطاك


اشكرك جدا جدا جدا يابو محمد الشلوه

__________________

تسلم يالقرم بيض الله وجهك على دعمك المعنوي يالوافي ولا عليك زود يابن عمي

والله انك من الشعار اللي ينومس

قصيدهم ا اشكر مرورك الجزل

قصيدة جزلة

صح لسانك ياعبدالعزيز

تقبل مروري

ارحب يامطلق السبيعي بيض الله وجهك يالقرم على مرور القصيده نورت متصفحي

صح لسانك
تقبل

__________________
[

أرحب يا الخنفري ..

صح الله لسانك واعتلى شانك ..

بيض الله وجهك على هذه الجزالة الرائعة ..

وألف مبروووك فوزك في مزاين أم رقيبة ..

تقبل مروري

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

أتقدم بأسمى ايات التبريكات والتهاني للشاعر الكبير عبدالعزيز الشلوه الخنفري بمناسبة حصوله على المركز الرابع في مسابقة ام رقيبه الذي مثًل نيابه عن شعراء شبكة ومجالس قحطان عامه ولجحادر خاصه

كمى لايفوتني عن كل أعضاء ورواد ومرتادي مجالسنا ومنتدياتنا الأبيه بأسمى آيات التبريكات ولتهاني

ولله إنك كفو وتجمل وتنومس بشخصك الكريم كمى أنك من قبيله لها تاريخ في الماضي ولحاضر ينصطر

لكم كل مطنوخ صليب راس شواس ولاعلا القبايل زود كلن به حقه واصل ياشاعر القمه شاعر الكلمه شاعر الإبداع

وفقك الله وسدد الله بالخير خطاك ودمتم بودأخوك بوفراج العلياني

__________________

أتقدم بأسمى ايات التبريكات والتهاني للشاعر الكبير عبدالعزيز الشلوه الخنفري بمناسبة حصوله على المركز الرابع في مسابقة ام رقيبه لك خالص تحياتي


ياشاعر الكلمه بسيد الحرف وملك الشعر

وعقبال المستقبل الأول باذن الله يابو محمد