ال مخثله ال سعد و ال سعيدان ال عاطف يغزون ابل سبيع ويكسبونها

وعندما وصلوا اهلهم ومعهم الكسب وشاهدت (ساره) هذا القعود الاوضح الذي اسماه والدها لها اعجبت به وبفعل والدها واخوها ومن معهم وقالت هذه القصيدة:
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ونعم بربعي معا ترثـة (سعيدان)=يوم الموارت كما حـس الرعـودي

صمالة في اللقـاء ماهم بـذلان=عاداتهم من على عصر الجـدودي

البيض تبنى ل(وازع) هو و(جـروان)=الكل منهم جـري مايـحـودي

عيوا على كسبهـم ذربيـن الايمان=يثنـون بالهـوش لاطـق الشـرودي

يا نافدا اللي تجمـل عنـد عليان=في ساعة المـوت ماخلـوا قعـودي

جابوا قعودي مع الحضبي وولهـان=وغزايز الشيخ والوضحا السنودي

لمـا تنـادوا بيـن فـلان وفــلان=وضيق بهم راعي الشقراء الهبـودي

أبوي حامي التوالي كل ما حـان=متخيـل القاصرة ولاّ الـبـرودي

لمن تعلا الجبيبـة بنـت صمـدان=تنافر الخيـل مـن صوتـه تحـودي

يشهد له اللي يعرفه من هل الشـان=لاقابلـه فـي نهـار مايـعـودي

وليل على (الجوب) فيه القوم صرعان=لابار فـي السلم بـواق العهـودي

كل القبائل فـي ذاك الليـل صدقان=(لاخوان حمساء) مرسية الحـدودي[/poem]=======================

وفي ذلك قالت اخته / ساره "المذكورة" هذه القصيدة:
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياهل الدبش قودو ورا ذود (وازع)=لاقـاد للمضمـا فقـودو وراهـا

يرعى بكم دار من النـاس خاليـة=خوف من القيمان ماحـد وطاهـا

يظهر بها عشب الربيـع وينتهـي=بالصيـف والكنـة قفـور خلاهـا

كـل يحايـد خـايـف مانزلـهـا=يكون (اخو حمسا) ليا جا رعاهـا

ابـوي مقـدم خبـرة (مخثليـه)=قليـل عددهـا كثـيـر وفـاهـا

ذيدانهم كـم عرفـة ترتـع بهـا=ترتع وترعى الخايفة فـي ذراهـا

تشهد لهم روس القبايل على النقا=اللـي تعاديهـا وتقـرب صلاهـا

وابوي زيـزوم السبايـا ودرعهـا=لاثـارت الهيجـا وثـور بـلاهـا

كم حلة جاهـا صبـاح وداسهـا=وكم (راكة) ياخذ خراجـه علاهـا

لمـا انتهـى المقطـان والقـيـظ شــدوا = عـلى زعـازيـع طـوال اخـطاهـا

مصفارها بين (المريبخ) و (عروى ) = معـا ظهـور سهـيل مـاازيـن هـواهـا

وكم حجة لاغلق الخصـم قفلهـا=اركى علاها الحد حتـى فضاهـا

هذي فعول ابوي وانا افتخر بهـا=لاقامـت العـذرا تفاخـر باباهـا[/poem]



المصدر: (كتاب/ ترديد الالحان من شاعرات قحطان000 للمؤلف: علي بن شداد) مع الاضافة والتصرف