قصيدة في اللواء محمد بن زايد الخيارين الهاجري

بسم الله الرحمن الرحيم
هذه القصيده قلتها فاللواء محمد بن زايد الخيارين الهاجري عندما جيته ازهمه في موضوع ولا قصّر بو زايد وهذي من عوايده
اقول فيها:

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
طغى الشعر من جور المقادير وانحيته=على ماطرى في بادي الرجم غنّيته
وعطاني من خيار المعاني وزادني=ولا شك ما اوفى مدته مثل ما اوفيته
خدمته بفكري خدمةٍ مجزلٍ بها=وعن اوحال شعّار الحداثات عزّيته
ودافعت عن حقه من اللي يحطّمه=وقبلت بسمينه والهزل منه ردّيته
وتعودت اجازي به راعي الطيب والسخى=ولو اني بمدحي فعوله ما ساديته
وحشى ما مدحت ادوّر المد والعطى=عزومي حدتني راس رجمٍ وذبيّته
مع الصبر تعطيني المناعة من الحزن=اذا اخلف بي الوقت المغيّر تواقيته
جزى الله وقتٍ بالبلا يدفع الهنا=حداني على جرفٍ هيالٍ توطّيته
هوى بي القدم في هاوية منقع الندم=وتحسفت لكن لوّ ما اجدت ويا ليته
ليا جيت ابي افهق علةٍ طحت با اختها=وانا اللي لقلبي بالبهاذيل عنّيته
ولو ان التمنّي ينفع الرجل والمنى=ما خليت شيٍ للفرح ما تمنّيته
لكن التماني تجلب الهم والاسى=اذا خاب ظنٍ فالمقادير ظنّيته
ولا لي سوى ازبن مركز الجود والوفى=سخيّ اليمين اللي بفعله ظهر صيته
ابن زايد محمد له المدح والثنا=اذا خاب ذكر اللي حدى الضيف عن بيته
زبون المكارم لي عثر راعي الردى=واذا عدّ فعل الطيب تتعب مجاريته
من الشام الى صنعاء ومن نجد لي قطر=تسولف به العربان من طيب باديته
وانا له عنيت اعلق الظن والرجا=ونصيته وغيره تاركه ما تنصيّته
ردي المقام اغضيت عنّه نواظري=ولا جيت ادوّر منه مد وترجيته
على ما يقول ابن القعيمه بكلمته=ابا اكل لحم عوج الذراعين ما جيته
يا شيخ الرجال ان حدها حادي القسى=نصت من فعوله في سما المجد معليته
وعوايدك لي ضام الرياجيل معظله=رفعت القذا عن طالب العون وانجيته
اذا كان عندك حل فارجوك حلها =عوايدك لي سد اصنج الباب فكيته
هذا والزيارة لك وجيك بمجلسك=وسامٍ على صدري من العز حطيّته
وقصيد نظمته فيك عدّه يزيدني=به افخر لمنّي للرياجيل عديّته
ونهاية كلامي مثل ما قلت با اوله=طغى الشعر من قسوة زماني وغنّيته[/poem]


الشاعر
عايض هداف القحطاني

__________________
[poem font="Simplified Arabic,3,black,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
صغار العطايا في عيون الصغار كبار=وعطيّه وراها منّ عارٍ لراعيها
وكبار العطايا في عيون الكبار صغار=وهل الطيب قوّ عزومها ما يونّيها
وهل البخل حتى فالرخى يغلقون الدار=وهل الجود وقت العسر تدسم صوانيها
وهل البخل لا جا الليل تحرص على المسيار=على شان لي جا لافيٍ ما يلاقيها
عايض هداف[/poem]