الشاعرة النداوية تنخى قبلان الشراري ...

السلام عليكم ..


هذي قصيدة اخرى للشاعرة النداوية تنخي فيها قبلان الشراري ..


[poem=font="Simplified Arabic,4,green,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تكفى ياقبلان الشراري نخيناك = يموت ولد اللاش ما ينتخابه
ننخا عريب الساس مثلك وشرواك = اللي ليا داس الخطر مايهابه
لك موقفن لا عدّو الناس طرياك = توقف مواقيف الشرف في المجابه
والطيب طيب اصلك وساسك ومجناك = لنك شراري كل عالي رقى به
حر شهر في الجو من غير شباك = ذيبن ولد ذيبن خواله ذيابه
وابوك يوم انه على الطيب رباك = يبى لك النوماس جاه ومهابه
واليوم يومك يوم كلن ينصاك = ومن يعمل المعروف كلن درا به
لا قال يفعل ما حسب مال وملاك = والجود من غير الشراري صخا به
كلن نصا بابك يبي مد يمناك = مدت اذراعك ما يخب الرجا به
وكل القبايل وجهت لك ترجاك = والشعب كله طالبينك اطلابه
يطلبك بدهان الرمالي ويرجاك = والعفو عند المقدره له ثوابه
لا شك ذا حقك ولكن طلبناك = ادخل على الله واعتقه الشبابه
فك الحديد واطلقه لا عدمناك = فعلن على طول الزمن يقتدا به
فعلن يخلي كل من جاك حياك = يرفع لك عقاله وفعلك حكابه
اطلق سراحه واعتقه لاجل مولاك = اليوم يومك والفرح فك بابه
خله لعينن ترتجيه وتمناك = تسمح وتفرج ضيقته واكتآبه
السجن ضاق بصرخته يوم ناداك = ضاقت عليه الارض من حر مابه
بدهان صاح بعالي الصوت يرجاك = لاجل الصغار وشايبن مهتنا به
عوند كبير هل دمعه وينخاك = يطلبك انك توهبه له اوهابه
يقول يا قبلان اطلبك وارجاك = تغفر ذنوب ابني ودربن مشابه
غره ابليس وجنبه درب الادراك = وبسبة الشيطان فاخت صوابه
غلطه دفع فيها حياته وخلاك = تحكم تحكم وثاق القيد فيه بصلابه
مكتوب ومقدر لهذا وهذاك = ورحمة إلاه الكون تسبق عذابه
ولو تذبحه وتشرب الدم مرواك = الدم مثل المر صعبن شرابه
والانتقام اعظم ولو صار مغناك = لا شك فعل الطيب يفرض جوابه
وكلن تقدم يعرض المال لرضاك = حتى رصيده قدمه من احسابه
والناس تبغى الاجر زهدن بدنياك = تبى جوار احمد ودار الصحابه
ولو انت ناخي احد كان اعطاك = ما تطلبه واسرح عشانك اركابه
واليوم يا قبلان جيناك ننخاك = بالله ثم بالمصطفى وكتابه [/poem]


وشكرا .,.,.,.,.,.,.,

.



هلا وغلا أخوي عاشق الصقر



شكرا جزيلا لك على روعة هذه المشاركة ..



وصح لسان النداوية وكتب الله لها الأجر ..



دام تواصلك وإبداعك ..ودمت بخير

شكرا عاشق الصقر على النقل

وصح لسان الشاعره النداويه

والله ينزل الرحمه في قلب قبلان الشراري ويعتق بدهان الشمري

تقبل تحياتي وتقديري

__________________