ايام................الملك فهد الفهود

28-07-2007, 01:33 PM

فارس ال فرس

عضو نشيط

تاريخ التسجيل: Dec 2006

المشاركات: 252

فارس ال فرس is a glorious beacon of light

ايام................الملك فهد الفهود

سـلام الله سـلام الله سـلام الخاطـر الممنـون## على اللي شـرّف الحفـل الكبيـر وتـم تنظيمـه
تفيض أبيات شاعر من مشاعر شعري المـوزون## وأميـز ماثبـت بالشـرع تحليـلـه وتحريـمـه
وأنا وأنا وأعود من العنـا لأهـل الثنـا مديـون## سعـوديٍ ظفـر بمعاهـدة مــولاه وزعيـمـه
يعيش المهرجان ان ماحتـواه الجوهـر المكنـون## تـراث أمجـاد وأرث أجـداد واضحـةٍ معاليمـه
حفلنا وبرعايـة مـن يقـود المركـب الميمـون## علـى بـر الأمـان مجمـلٍ شكلـه وتصميـمـه
فهد والله فهـد والله فهـد مـادون شعبـه دون## حبيب الشعب واصـل واصـلٍ شعبـه وأراحيمـه
على الوالد على القايد سلام أربع طعـش مليـون## من الشعب الكريم أربع طعـش مليـون تسليمـه
تخص الفهد فرداً فرد من عاشق ومـن مفتـون## نهيم بحـب مـن صـان البـلاد وجالهـا قيمـه
غرام رجال فيه رجـل السـلام وللغـرام فنـون## تجسـد بالفخـر والطيـب والنامـوس والشيمـه
عمرنا الأرض يوم الله عطا والمستحيـل يكـون## بدينـا بالعمـل باعـلان ابـو فيصـل وتعميمـه
بدا النهضة بثروات البلـد واستخـدم المخـزون## وغنـا الطيـر طيـر الخيـر واسمعنـا ترانيمـه
زرعنا القمح وأصناف النخل والتيـن والزيتـون## وفاح الـورد والريحـان وبالغصـن وبراعيمـه
ولامومن قنط من رحمـة الله والحيـا مضمـون## ولايصـدق منجـم لـو صـدق للنـاس تنجيمـه
ليا شفت السما تدقل مثل شقـح البكـار مـزون## تحرى الرجـع وابشـر بالحيـا واتبـع مقاديمـه
تحت قمرا قمـر ماهـل ضامـر كنـه العرجـون## بـزغ كامـل وهـذا هـو ولا بالشـوف تعتيمـة
ملكنا الحاكـم العـادل ملكنـا المؤمـن المامـون## ملكنا اللي علـى بـذل العطـا تصـدر مراسيمـه
ملكنا الداعي الواعـي ملكنـا الراعـي المظنـون## فظنتنـا ليـا لذنـابـه الحفـنـا بأكاميـمـه
ملكنـا ظلنـا ويظلنـا هو صيوانـنـا المصـيـون## الا يــالله الا يــالله لا تـهـدم لـنـا خيـمـه
ملكنا اللي يفك اعن الرقـاب ويطلـق المسجـون## زعيـمٍ فـي قلـوب النـاس تقديـره وتعظيمـه
ليـا قلنـا ملكنـا لامـة الاسـلام عـز وعـون## أبـا النجـدات والفزعـات والدعمـات تدعيمـه
ندى الكف لو يجمـع بكفـه مـا جمـع قـارون## عطـاه المستحـق ولا يحسـب فـي مغانيمه
ولا أكرم منه ولا أرحم منه بعد الله حجا وركـون## ولا اسرع منه في نصر الضعيف اليا شكا ضيمـه
ولا ابتع منه في قمع الحريـب ولا يقـال ظنـون## حقايق من رفع راسـه علـى شامـان تحجيمـه
ولا امضى منه وامضى من شباة الماضي المسنون## اليا عدّو صواريـم الزمـان أصـرم صواريمـه
ملكنـا يـا ملكنـا للمـروه فيـك طبـع ولـون## تحلـي بالوفـا وشيمـة الأخيـار إلـك شيـمـة
جميع المسلمين امن المساجد يـا فهـد يدعـون## دعاهم يـا جليـل الملـك ترعـى فهـد وتديمـه
نصرك الله واذل عداك وامره بين كـاف ونـون## يمثـل مـا يريـد بزمـرة الشـر وشراذيـمـه
حماك اللي حما موسى ضحى عاشور من فرعون## فلق عنه البحر وانجـاه مـن فضلـه وتكريمـه
وأعز الله عضيدك عز عينك مـن وراك عيـون## عيـونٍ ساهـره مـن يمهـا مابـان تثليـمـه
ولي العهد في خدمتك يرخـص غالـي المثمـون## سلم راع العقـال اللـي تـرازم عـن مرازيمـه
مقر الجود عبدالله هـو المزبـن هـو المزبـون## مزابن من شكـا الحرمـان والرمـل ومفاطيمـه
اليا قلت مواردهـم علـى عـد الـروا يـردون## معينـه مرتكـي تتـبـع مناظيـمـه مناظيـمـه
يده بكل لطف وعطف تمسـح دمعـه المحـزون ##يفـرج كربتـه ويـقـوم باسـعـاده وتنعيـمـه
ولا ننسى فضل سلطان وأهل الفضل مـا ينسـون## ترك فـي لوحـة العرفـان للمعـروف تبصيمـه
مع الشكـر الجزيـل وقاصدينـه بالثنـا يثنـون## جميلـه يبعـد الهـم المخيـم عـن مهاميـمـه
عساكم يا عيال العود يا اسـود الوغـا تحيـون## حياةٍ طيبـة يـا حـزم مـن طاحـت محازيمـه
الا يا عيال مـن قـدم حياتـه للوطـن عربـون## أخذ جرعة من الغربة وأخذ مـن نجـد تطعيمـه
يحن ويجتلـد ويعـن معسـوف ويبـل شنـون## نوى عقد اللواء يا مطيب الـراس وصماصيمـه
على سرج وظهر مهره وكور مقـوسٍ مرسـون## يسوج ابها البطان مهجـنٍ ريمـان مـن ريمـه
مطا قبـاً تراقـص بالحوافـر رقصـة المزيـون## ليـا طـب المزيّـن مـن يبـا يجـرا بتكليمـه
سرى مسري السباع اللي تجاوب فالخلا بلحـون## مجاهيـم الذيـاب وقبـل مـا تجهـم مجاهيمـه
ابو تركي لفا يضحـك حجاجـه بالسعـد مقـرون## بنى وحـده وحـدّد واكتمـل رسمـه وترسيمـه
بناها واحتماهـا وارتفـع منهـا قمـم وحصـون## ملاذ الضيف واللاجـي و مـن جتبـه مقاسيمـه
لنا الهيبة على شبه الجزيرة مـن ثـلاث قـرون## سلاطيـنٍ تشـرّف صفحـة التاريـخ ومقيـمـة
أهل صحوة واهل دعوة واهل نخوة عرب وظعون## واهل منسب وسيـف وتنشـر العلـم ومفاهيمـه
ملوكٍ ما يهدمـون القيـم مـن طبعهـم يبنـون## أياديهـم تشـيّـد منـبـر الاســلام وتقيـمـه
كما ترسـي شماريـخ الجبـال ملوكنـا يرسـون## ليـا قـام الخفيـف يرمـي القـش بمهازيـمـه
ليا عادو عدوا جـاه العـذاب وصابـه الطاعـون## يزوغ ومـن وحمهـم ترجـد الحمـى محاميمـه
عليهم من فتح عينه يذر ابهـا الـدوا مسحـون## يعـوّد مـا يشـوف وصفقـة بالوجـه تعليمـه
وعليهم من يفتل شاربـه مـن قاعتـه محسـون## وكم من شاربٍ يفتـل وافـاق وضـاع توهيمـه
شوارب ما نكرمهـا وشـارب بالشحـم مدهـون## ليـا اوعدنـا وفينـا والوعـد نصـدق بتتميمـه
ندافع عن عقيدتنـا ومـن هـذا المكـان نمـون## ملازيـم الرجـال وكــل رجل فـي ملازيـمـه
شريعتنا هـي الدستـور مـا بـدل بهـا قانـون## لنا منهـج حيـاه وعصمـة المسلـم وتحشيمـه
ندافع عن كرامتنا ومن يرضـى الهـوان يهـون## يموت بذل مـن عقـب المهانـة موتـة بهيمـه
ندافع عـن وطنـا والوطـن بارقابنـا مرهـون## ولو نفنا عـن آخرنـا مـن اوساطـه لاقاليمـه
يدينا مـن وراه وبالحضـون الآمنـه محضـون## امانـه لايضيـع ولا تـفـرط بــه شغاميـمـه
سماسرة الحروب المفسدين عن الوطـن يخسـون## خسى بس يخسى من ينـوي اضعافـه وتقسيمـه
ولا نسمع ولا ناخذ كـلام مـن خـادع ملسـون## لسانـه يلحـس اذنـه ويتحاكـى مـع بلاعيمـه
وتـرى التنديـد والتهديـد والتصعيـد تلفزيـون## كـلام اعلام ناقـص فـاقـد نـصـه وتقييـمـه
كما البالـون ينفـخ بالهـواء ويطيّـر البالـون## يحوم شوي ويطيـح الهـواء ويخـف تحويمـه
هذا الوقـت بهالجمـع يتفـرق والعميـل يخـون## يكدر مـن دخـل ساحتـه مـن كثـر اساويمـه
طفح كيل الأعادي يا بـلادي وامتـلا الماعـون## طغى وأزبد مثـل مـوج البحـر متعـديي تيمـه
خطير الكوكب اللي بات بانواع الفتـن مشحـون## والن صابه خلل يصعـب علـى العقـال ترميمـه
نحذر من يفكر فـي حماقـة مـا تسـر الكـون## ومن يقدم يعض مـن النـدم باطـراف أباهيمـه
يجيلك من الجهالة ما يسبب لـك عنـا وغبـون## يكدّر جوّك اللـي بـان صبحـة وانقشـع غيمـه
ولا تـرهـي ولا تـاثـق و لاتامن مــن المـجـنـون## يعرضك الصيـاح ويوقـظ الفتنـه وهـي نيمـه
يصيح المسجد الأقصى من الدب الحمـر شـارون## عـدو الله يدنـس حرمـة القـدس بمناسيـمـه
يصول ويجتول كنه علـى ذبـح العـرب مـاذون## يجرب ما تطـور مـن سـلاح ومـن جراثيمـه
يهوديٍ تكشـف عـن سرايـر حقـده المدفـون## يبـا يفشـل وتصبـح خاتمـة هتلـر خواتيمـه
عطوه الضوء الأخضر وانطلق بأوامر بني صهيون## جهـاز آلـي علـى الريمـوت تأخيـر وتقديمـه
اليا دار الرحـا ملعـون حـول واستلـم ملعـون## ملاعيـنٍ تخطـط فـي فنـا العالـم وتحطيـمـه
ولو دارت رحانا مـع رحاهـم دقـق المطحـون## بقـدرة مقتـدر يمضـي بهـم بحكمـة وتحكيمـه[/size]

لشاعر/ خلف هذال

28-07-2007, 02:36 PM

صالح السنحاني

مشرف سابق

تاريخ التسجيل: Oct 2005

الدولة: اسكان جامعة النفط

المشاركات: 2,984

صالح السنحاني has a reputation beyond repute

رد : ايام................الملك فهد الفهود

بسم الله الرحمن الرحيم
السلام عليكم ورحمة الله وبركاته
الله لا يهينك اخوي فارس

ورحم الله الملك فهد

واسكنه فسيح جنااااته

تشكراااااتي

__________________
BrB

Final Exams

عدم تحديد الاهداف ورسمها بدقة

يؤدي الى آنية التفكير وموسمية العمل

وهذا هو الارتجال بعينه

وينشأ عادة من النظرة السطحية للأمور

والوقوف عند ظواهر الأحداث دون النظر في أسبابها وآثارها

28-07-2007, 03:35 PM

ابن خضير

.: مراقب قسم ســـابق :.

تاريخ التسجيل: Mar 2007

الدولة: @الرياض @

المشاركات: 17,553

رد : ايام................الملك فهد الفهود

بسم الله الرحمن الرحيم
السلام عليكم ورحمة الله وبركاته

الله لا يهينك

ورحم الله الملك فهد

__________________

31-07-2007, 06:34 AM

عبدالله السحيمي

.:: المراقب العام ::.

تاريخ التسجيل: May 2007

الدولة: الخبـــر

المشاركات: 7,982

عبدالله السحيمي has a reputation beyond repute

رد : ايام................الملك فهد الفهود

بسم الله الرحمن الرحيم
السلام عليكم ورحمة الله وبركاته

الله يرحم الملك فهد

يصيح المسجد الأقصى من الدب الحمـر شـارون## عـدو الله يدنـس حرمـة القـدس بمناسيـمـه
يصول ويجتول كنه علـى ذبـح العـرب مـاذون## يجرب ما تطـور مـن سـلاح ومـن جراثيمـه

صح لسان الشااعر :خلف بن هذال

اتمنى لك داو التوفيق والنجاح

اخوك/عبدالله السحيمي

__________________
سبحان الله وبحمده

سبحان الله العظيم

[COLOR="Red"][SI

01-08-2007, 02:46 AM

ناصر السنحاني

عضو ذهبي

تاريخ التسجيل: Jan 2007

الدولة: الأمم القحطانيه !!!

المشاركات: 4,659

ناصر السنحاني has a reputation beyond repute

رد : ايام................الملك فهد الفهود

بسم الله الرحمن الرحيم

السلام عليكم ورحمة الله وبركاته

صح السان الشاعر ولا هنت على النقل يالغالي

__________________

تــــــحـــــيـــــاتـــــي لــــلـــــشـــــعـــــب الـــــســـــعـــــودي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة الزير سالم كاملة.....؟	ابو سام	المجلس الـــــعــــــــام	28	03-04-2008 11:47 PM
المديرية العامة للسجون تدعو 3619 من المتقدمين للجنة القبول والتسجيل للمراجعة	محمد الحياني	المجلس الـــــعــــــــام	4	15-10-2007 12:06 AM
أسماء المقبولين بمعهد الادارة العامة	أبوعبدالله	المجلس الـــــعــــــــام	1	12-07-2006 02:43 AM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى