(هادي بن معدي ال شريم )

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
ياسلامي يالفديع اللي مضنه =عد وبل هل وأرجع بالنباتي

جمعكم جمع العواطف يرد عنه = ماحماها غير عشاق البناتي[/poem]





[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
عليك الاتكال ومنك التوفيق يارحمان = احد فرد صمد لاله شريك ولا معه ثاني

بديع الصنع عالم مايكنه خاطر الانسان =ولولا فزعة الله ماتوفق جهد الا نساني

له الحمد وله المنه له الشكر وله العرفان =ولو انه في غنى عن حمدي وشكري وعرفاني

أنا المخطي وأنا المذنب وأنا التايب وأنا الندمان =لعله ما يواخذني بزلاتي وعصياني

بعدها ياسلام الله على الحفل وعلى الشجعان=رجال نظموا حفل المزاين باسم قحطاني

احد ينفق ملايينه واحد لرعايته سهران =ويشكر جهد بيضان الوجيه وفعلهم باني

وبعدها مرحبا وأهلا هلا باللي لفوا ضيفان= تراحيب قحطان وباسم ابو خالد كحيلاني

يجملنا ليا جات المواقف شيخنا سلطان =ولا نفخر مع الاجناب غير بذكر سلطاني

لو يارد على حوض البلا ترده معه قحطان= كلام يوم يعده له تثابيت ٍوبرهاني

وفزعتنا مع جده وابوه من اكبر البرهان =نسوق نفوسنا في لازمه للموت مجاني

قحاطين يجمل فعلنا من ماضي الازمان =عيال مضيم نبرك للحمول ونعني العاني

اهل الشيمه واهل قيمه ولو شح الزمان كرمان=واهل سيف صقيل فالجهل وسنان وعناني

واهل خوه ومن خوى علينا والله ماينهان= وفي وقت مضى خوى علينا الذيب سرحاني

ذبحنا الخال من دون الخوي لانه غدره وخان= وقصتها لها فعل شهير وشانها شاني

وعند الجار يكفينا المهادي يوم فعله بان= عسى في جنة الفردوس له ماوى ومسكاني

وبدعنا جيرة بالراس والقصمه وردي شان= بدعها واحد ٍ قال اتحدى من تحداني

وقصرنا المقاصر بالرواسي واسط وقمشان= وخلي لاجل هيبتنا وراح الشر دخاني

هذا ما اخترت لان القول له زبده وله نيشان= على قول المثل زبدة الموضوع نيشاني

وكل من القبايل بالوفاء والجود له عنوان =ولا نهضم حقوق الغير من قاصي ومن داني

عسى ربي يديم الحكم ويعيش الوطن بامان= ويحفظ خادم البيتين له ملجا ومزباني

ويحفظ للوطن ولي عهده مسنده سلطان =ولي العهد ابو خالد عضيده طير حوراني

ونايف بان جوده في ملمات الشدايد بان= وزير الداخليه ملتجا المضهود والجاني

ولا ننسى وفاء مشعل اليا جار الزمان وشان =له اسهامات في فعل الجميل وبذل الاحساني

وفالمزاينات البل بدعمه زان حظه زان = دفع وقته وماله في سبيل المجد مجاني

وعطايا الله عطايا الله لها في مهجتي مسكان= ولا غير البل لها في صميم القلب مسكاني

تستاهل دعمها بمزاينات وغالي الاثمان = ما يوفى حقها مهما دفع فيها من اثماني

ولولا عظم قدر البل ماقال الله فالقران= الم تر الى الابل كيف خلقت باحسن اتقاني

صنعها اللي ما تقبل صنعته غش ولا نقصان =تعالى اللي ما تلقي فيه تنقيص ونقصاني

جعلها الله عبر للعرب مركب وحلو البان= وحلل كل ما فيها لحوم وركب والباني

ركبناها قبل مركوب صنعة وارد اليابان= زمان فات مابه صنعه امريكي وياباني

ثمنها الدم الادهم في الجهل ماضي زمان كان= وهذا الوقت شيكات تقدم والعمر فاني

عسى غر المزون المردمات تسقي الخدان= يطيح الغيث ويهل المطر من غر الامزاني

ينشي الغيث من جزل العطايا واحد منان = ووقت البل يزين ويسقي الله كل الاوطاني

ويديم الله علينا ستره الضافي امن وامان=بظل ملوكنا اللي للوطن مقيال وكناني

ويكفينا شرور الحاقدين ونزغة الشيطان =يديم الله الامان ويخزي الله كل شيطاني

ونتبع ماورد في سنة محمد نسل عدنان=عسانا نتبع نور الهدى من نسل عدناني

يقوله شاعر لما وقف في ساحة الميدان = وصاغ السالفه منها تشجع كل قحطاني

اوقف واتنومس وافتخر واقول من قحطان = واصوغ من المثايل والعلوم اجزال وسماني

وصلى الله على اللي مرسل لانس البشر والجان =رسول جانبه لاهل الكفر والشرك مالاني[/poem]

__________________