من مواقف الوفاء في سلوم قحطان

قبيلة قحطان لها أمتدادها الزمني والجغرافي عبر التاريخ ، كما أن لها عمقها الإنساني والأخلاقي الذي لاتحيد عنه في تمسكها بسلوم وعادات العرب الحميدة .


فهذا محمد بن فهيد(حميده) أبو خشيم من الزناعرة المشاعلة كان قصير(جار) لسيف بن ناصر أبو عليان من آل شامر العجمان ، وعندما أستعد العجمان للغزو وعرف أبو خشيم أن ولد قصيره بيغزي مع القوم على قحطان راح له وقال : سمعت أن ولدك بيغزي على ربعي قحطان وإذا كان بيلحق وجهي شيء منه إذا جرى عليه شيء فلا يغزي مع القوم على قحطان .


فرد علي العجمي وقال أنت اللي في وجيهنا ترعى في مفالينا وتشرب من جوابينا ولا في وجهك شيء !.
وغزوا القوم وأنكسروا ومن ظمنهم ولد أبو عليان أخذت بندقه على المنع (عد بندقك وأنت سالم) عرف بين القبائل .


ولما عاد القوم وولد قصيره ماخوذة بندقه سلطانه قام العجمي وشب ضوءه وغناء وقال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ضوء السمر شبت شبت ولا هبت = واللي حطب جلة يعميه دخانه
ياراكب درعي في مشيته برعي=مابركته لامشى بتحس ذرعانه
أسمر وكن لونه ياللي تحلونه=ضبياً تشحمط بذرعانه وكيعانه
زهابه الحلوى سند بها علوا=تمر النخل والم ملهاك زيانه
انحر بني عمك لن همهم همك=الذيب لمن عوى تلاحت أزغانه
أولاد ابن مشعل في الهوش ماتفشل=ياويل من يطلبون الدين ديانه
احميده جاكم بالصوت ينخاكم= قصيره الشامري وده بسلطانه
فن كانها جاتي بذبح له الشاتي=وزل القطائف عليها يسحب أردانه
وأن كانها ولت من صدري أنحلت=واللي مضى فايت ماعاد له خانه[/poem]

ثأر أبو خشيم وادى البندق من قحطان فقد قدموا المشاعلة ثلاث خيارات حيث السلوم ماتردها .
1- مثلها جديده يشترونها المشاعلة
2- تحدونها بقيمة ونشتريها
3- تعطونا إياهاوحن شايفين معروفكم .

فلما رجعت البندق غناء أبو عليان وبيض لقصيره القحطاني وقال :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مسوي الفنجال عده=وقنده بالزعفراني
لبوخشيم صب لاول=أول ماهوب ثاني
أبو خشيم في الرجال=مثل سهيل اليماني
راكب تسعين حره=ما تعلواها هداني
فوقها خمسين عجمي =وأربعينٍ اقحطاني
كسوتي له ثوب خام=امخيطينه بكرخاني
من خميس مشيط عرضه=وأما طوله لعماني[/poem]

وفاء وشاعر مفوه ولاشك .


أخواني هذه القصة وغيرها ترقبوها في كتابنا سلوم وعوايد قحطان قريباً .
فالمرجو من كافة الأخوة لمن يعرف شيء من هذه المواقف في سلوم قحطان وعوايدها ومواقفها المشرفة لم نحيط ببعضها أن لا يبخل علينا حتى يتضمنها الكتاب الذي يهم كل قحطاني وذلك على الفاكس رقم (009744800996) .


وتقبلوا صادق تحياتي ،،،

على بن شداد القحطاني

بيض الله وجهك على كل حال والله يكثر من أمثالك فأنت زود لقحطان ومثل هذه

العادات والسلوم يجب أن توثق وأنت وافي وعلومك وافيه

سالم وغانم بأبا أبراهيم

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

بيض الله وجهك على نقل مواقف الوفاء في سلوم قحطان

لاهنت وبيض الله وجهك

دايما متالق

بيض الله وجهك ومشكور على هذا الموضوع الي يخبرنا فيه عن مدى طيب وأصاله سلوم قبيله قحطان

- مداهيل الرجال
- الغبران
- تركي الجعادنه
- بني هاجر

لاهنتم على المرور ومشاعر الود التي أبديتموها ، ومازلنا نترقب المزيد من المشاركات الفعالة من الجميع .

شكرا على هذه المشاركه الفعاله و عســـــاك عالقـــوه

بيض الله وجهك وعلا شانك وأنت معروف وما نقول إلا جمل الله حالك وعلى القوه

__________________

بيض الله وجهك ..................

والله لاتهينه على الموضوع .................

علم وافي من رجال وافي .....................

شكراً على الموضوع