الزهير المغترب على كرسي الاعتراف

ابد طال عمرك, ولكن حبينا نسلم عليك وندعو لك بالنجاح والتوفيق في غربتك اعانك الله عليها.

سؤالي هو....بماذا توصي من هو مقبل على غربة؟

الله يحفظك ويردك سالم وغانم.

أخوك المحب لك في الله

ارحب اخوي مبارك بن راشد
حياك الله والله يخليك يالغالي على السلام والدعاء والله يوفق الجميع

بالنسبة للسوالك
بعد الوصية بتقوى الله
اقول للي جاي هنا يبي سياحة والدراسة تكون همه الثاني ، انصحه يفكر مره ثانية لان كثير من الشباب ضيعوا اعمارهم ورجعوا بدون شهادات والله المستعان
رضاء الوالدين لان دعائهم من اكبر الكنوز لك في الغربة
ام بالنسبة لما يحتاجه المغترب فهي
اوصي اهل الغربة لمن لغتهم تحتاج الى تطوير
اولا البحث على قاموس الكتروني (اطلس) لانه غير متوفر بامريكا وهذا اللي واجه اكثر الشباب

ثانيا الملابس حاول تشتري باكثر كمية تقدر من السعودية لانها رخيصة لانك تتعامل بالريال يعني تقدر تشتري بخمسة مائة ريال ملابس كثيرة وحلوه وذات ماركة ونوعية عالية،، بينما في امريكا الخمسة مئة بالكاد تجي في تبديلتين والخمسة مائة تساوي تقريبا 1700 ريال ( لاحظ الفرق )
الثالث تحاول تدرس بعض الكلمات اللي تساعدك في المطارات مثل بعض الكلمات ( جواز، صور، العمر، الخ)
البحث عن عنوان الملحقية حتى يسهل الوصول اليهم عند الوصول الى واشنطن
ترتيب الاوراق ليسهل تقديمها عند الحاجة
عند الوصول لمدينة الدراسة ،، من اولويات الاشياء اللتي تعملها تذهب للبنك وتفتح صندوق امانات لتضع الجواز فيه وكذلك الاوراق المهمة لكي تامن وتطمئن عليها


هذا بالاضافة الى اشياء اخرى
وفي اخر الرد هذا وضعت الرابط لدليل المبتعث السعودي الذي يحتوي على معلومات مفيدة عن امريكا وكذلك ماذا يحتاج المبتعث

اشكرك اخوي الغالي ولك خالص تحياتي



ملاحظة الملف يحتاج الى برنامج ادوبات ريدر (Adobe reader)
دليل المبتعث السعودي

السلاااااااااام عليكم ..

ابو المساعيد ..شلونك ؟؟

عدنا <<<< متاثر بالتلفزيون ..

عدنا ومعي لك كم سؤال ..

1) بعد الزواج عالبركه ان شاء الله والاستقرار ..هل تتمنى العيش والاستقرار بامريكا؟؟ام العوده للوطن ؟؟

2)بصراحه ..هل تتوقه انك بتعاني لما ترجع بالسلامه ..وخصوصا انك تأقلمت على نمط الحياه بامريكا ..او تتوقع بيكون الوضع طبيعي ؟؟

3) كيف كانت اللغه عندك اول ما بدأت الدراسه بامريكا ؟؟وهل واجهت صعوبات بخصوص هذا الموضوع ؟؟


..تحياتي لك ..

__________________

هلا والله اخوي الهيثم
اخبارك؟ عساك طيب؟ مرتاح؟ الحمدلله

المهم
1- انا اتمنى اني مخلص الحين الدراسة واني الان بالسعودية، يازين السعودية بصحاريها وبجوها واذا مت ان شاء الله ماادفن الا فيها، وهذا لايعني اني اكره امريكا لاني تعرفت على ناس امريكين فيهم اخلاق اسلامية مع انهم ليسوا مسلمين
2- فيه مشكلة وحده وعانيتها في الاجازة الماضية وهي القيادة، فيه فرق كبير بين السواقة بامريكا وهنا، وثانيا مشكلة اللغة
لما تسولف مع احد تحذف كلمات انجليزية لان الروتين اليومي لك في امريكا كله بالانجليزي
3- بالنسبة للغة
يعني الحمدلله كانت لغتي بسيطه جدا اول ماوصلت ولكن الحمدلله الاحظ تحسن كبير في اللغة ولله الحمد

بالنسبة لمشكلة تتعلق باللغه
اذكر لك قصة صارت لي اول يوم بامريكا ، عندما وصلت في امريكا استاجرنا فندق في واشنطن دي سي، وطلبنا من مطعم توصيل ، ولما وصلنا العامل سالني بالانجليزي ( where is my tip) يعني واين البخشيش اللي لي ( طبعا بامريكا صار شيء اساسي لازم تعطيه، انا قلت ايش انت تقول
قلت كم السعر
قال 18 دولار
قلت هذا 18 دولار
قال واين التيب قلت ايش التب، المهم راح وهو زعلان ويسب فينا، لما جاء الصباح جاءنا مسؤول من الملحقية الثقافية السعودية وسألته
قال هل اعطيته بخشيش؟
قلت لا، قال: لذلك هو زعلان
فهذي اول مشكلة مع اللغة

اشكرك على المرور يالهيثم للمرة الثانية















بس لا اشوفك المرة الثالثه فيصير علم

ههههههههههههههههه

ابشر ..

ولا عاد ياجي الا ما قد حصل ..

__________________

يااخي حاس انك بترجع

هلا اخوي الزهيري حبيت اسلم عليك بس

وشوكرن

ارحب يا بو فرحان
شرفني مرورك والله يعطيك على العافية


تقبل تحياتي
الزهيري المغترب

بصراحه انت رائق في الاجوبه تحياتي لك يالزهير المغترب

__________________

ارحب اخوي الضرغام
سرني مرورك والحمدلله ان الاجوبة اعجبتك


تقبل تحياتي والله لايهينك

الزهيري المغترب