قبيلة عبيدة الضياغم(بني هاجر وعبده من شمر) أرجو التثبيت

شهوان

انت اللي قمت تحشي الصفحه بنفس الكلام

كلامي واضح عطني قصيده لغير راشد ابن عفيشه او ابنه يفتخر بالضياغم

لان اسباب قصيد ابن عفيشه معروفه

ولاتكثر نفس العلوم ترددها عندي هنا وكل كلامك ابن عفيشه وابوه وقصيدهم وكأنك ماتملك غيرهم اذا هاذي الحقيقه قلها مافيها شيء

ولاراح ادخل ذالموضوع وارد فيه الا اذا جد جديد

عامر الكدادي]شهوان

مقبول كلامكـ ولايهمك يعني انا كلامي حشو والشخص اللي يكرر عطني قصيده عشرين مره كلامه ماهو حشو
وبعدين كيف وش دخل الحكام 000 انا كلامي واضح ذكر ال رشيد بقصيد ابن عفيشه لان ال رشيد كانو يحكمون نجد والشمال وذكرهم لهذا السبب 00الفخر ان ال رشيد ينتسبون الى عبيده وليس لانهم الوحيدين
ولاتحاول تحط نفسك انك منت فاهم قصدي لانها واضحه


[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وحنا وعبدالله ولد علي وعبيد = غرامة دون الجدود البعيده

وعبيد مروي صارمه في الاطاريد = والناس لافعاله شهود وقعيده

ومحمد الي لبس تاج المقاليد = سور الجبل حاميه عمن يريده

حنا وهم عصبه بعد وتاكيد = ضياغم من روس جنب وعبيده[/poem]

ياخي الكريم انضر لاول بيت الشطر الثاني قال غرامه دون الجدود البعيده يعني واضحه ماقال التقي انا وياك في عبيده


قال حنا وعبدالله وعلي وعبيد غرامه معنى غرامه انهم اقرب لهم من اي شخص اخر اي حكام واي سلطان ياعامر

البيوت واضحه الى اذا انت ماتبي تفهمها هذا شي راجع لك

وقال حنا وهم يقصد ال رشيد عصبه وتاكيد ضياغم من روس جنب وعبيده واضح جدا ً وش دخل حكام ياعامر


هو كان يوضح نسب مكان يوضح ان ال رشيد حكام ياخي قول ماتبي تفهم البيت اقولك اوكي بس انك تقول انه يخاطب حكام ؟؟؟؟؟؟؟؟؟؟؟؟




انتي تبي كلام ملموس

تعال كتاب سعود الهاجري ما اعجبك وعطيتك من كتاب فرسان من الصحراء لمحمد الهاجري وحددت لك الصفحه وما اعجبك
وانت عاجبك الكاتب المغيري اللي نسب بني هاجر لخزاعه او الحقيل اللي نسب راشد الخلاوي لبني هاجر وفخذه الهرشان وازيدك من الشعر بيت بشهادة امراء من مطير ان الهرشان هواجر
بعد هذا كله من هو احق انا نحطه مصدر لنقاشنا الكتاب من بني هاجر او الكتاب اللي ذكرتهم


انت تقول الحين انك تاخذ كلامك من الشيبان صح

اوكي على فكره ان الي سجل الهرشان من بني هاجر شيبان ومن بني هاجر من مخضبه ومن ال محمد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟


شهوان عطني شعار من ال شهوان غير عمير وابوه الله يرحمهم يفتخر بالضياغم ترى اخوك وذاكرته لك عليها شوي


ابشر والله بسعدك انفداك بس هذا الشي الي تبيه لك ماتبي لكن شوف انا بحط لك كذا قصيده لكن ابي منك قدام الرجال

الي موجودين في هذا الموضوع انك اما تجيب لي قصيده وحده ولا بيت واحد لشعار سوى كانو من ال محمد ومخضبه

على عصر راشد بن عفيشه ذكرو الضياغم او عبيده او تعترف انه لايوجد ولا قصيده اوكي


هذي قصيده خالد بن راشد ال تيمه ال شهوان

[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قال الذي بدع المثل راوي فيه = ايلا عد ماروده على ضول حضار
ينقاه من درب الزلل قبل يقضيه = ايلا اعترض للهرج خطوات هذار
خطوات خبل تايه الراي مغوبه = دب الدهر في ضيعته عمس الابصار
هيض غرامي دفتر ضاع راعيه = ويقول ماعينتهم وسط الاسطار
ليته يقابلنا وحنا نناصيه = ونعلمه باللي نقدم وماصار
اما غدا بالحق ويصير راعيه = ولا كلى دمنه وعدنا هل الدار

غلطان ماعين صديق يقديه = خلا هل العيلات وافين الاشبار
اللي ايلا طاح الحيا ربعو فيه = يرعون خلفات مصاغير وعشار
لا زرفل المظهور واختف تاليه = ثم حذفن بيظ الصبايا بالاستار
الكل منهن يلتفت صوب واليه = وتقول وين اللي يفكون الاضوار
يامهبلك ياللي من البعد غازيه = لحقو هل الليل فوق طوعات الامهار
يردون حوض الموت لاشب صاليه = كل ابلج في مخيله سو الاقدار
ايلامن بيت الحرب شدت مبانيه = ننزل ايلاجات الزعازع والانذار
عيال عود طيبات معانيه = في شبته يذكر بعيد من العار
اللي يقول الزاد ماحن بناتيه = ايلين يقظي منه الضيف والجار
اسمه شجاع ودله اللي مسميه = راعي جواد اسمها عم الاقطار
الضيغمي مادك عرق الردا فيه = من روس قحطان هل المجد والكار
وعياله اللي فالمراجل تباريه = فارس ايلا عدو هل المجد وعرار
اللي حلف ياديرة قالها ابيه = انقد يوازيها ولو صار ما صار
واقفى وعيا يسمع اللي يناديه = ناحر ديار من ورى غزر الابحار
اوسمي على اسمه يوم جاه وسكن فيه = اوقامت تهاضع له طوابير الاقدار
هذاك وقت فات نبغي نطريه = ماعاد عين له سمايا ولا آثار
حتى البنادق هملت وينها فيه = لو كان بيروحون من دار لي دار
قام الثعل يرقص وشبعت حباريه = والحر لو بيداس في الصين ماطار [/poem]


وهذي قصيده اخرا لشاعر خالد بن راشد ال تيمه


[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياللي من اصول القبايل أتسالي = تنشد من الهافي ووافي شبرها

حنا اعيال الضيغمي الهلالي = لاعسمت الاريا وكمل سبرها[/poem]

وهذي قصيده لشاعر سالمين بن طالب ال شهوان

[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حن بني ظيغم عبيدة عريبين الجدود = من بني هاجر وقحطان ساس اركانها

دق طبل الملعبه وعل صوته للصعود =لين يذن الله اكبر على شيطانها[/poem]


وتمنى انك تقتنع ياخي ياعامر وابيك مثل ماجبت لك قصايد اتجيب لي قصايد او تعترف

QUOTE=


الاخوة الاعزاء في المنتدى مشرفين واعضاء
اسعد الله أوقاتكم
الموضوع المطروح للنقاش هل بني هاجر تعود لشريف او لا
وهذا هو من طرح الموضوع للنقاش يعترف صراحة أن جد بني هاجر هو ( شريف )
آمل التكرم بقفل الموضوع لأن ما بعد هذا الكلام الا لغو .

__________________

السلام عليكم

شهوان من قال ان عندي قصيده لشاعر من ال محمد او المخضبه يذكر فيها الضياغم هذا واحد والثاني انت جبت قصايد اول مره اشوفها مو تشكيكـ فيها بس الحقيقه اثْرت ذاكرتي

ياشهوان انت تبي زبدة الهرج ولو عندي سماح بالرسايل الخاصه كنت ماكتبتها هنا
ال شهوان من زمان وهم نازحين الى مكانهم هذا يعني قبل بني هاجر بزمن والحقيقه كان الكثير يشككـ بأصلهم من القبايل المتاخمه لهم ومن اجل هذا السبب انت ترى ال شهوان فقط اللي يفتخرون بضيغم وعبيده وماينسون طبعا قحطان
لان محاولة التشكيكـ في الاصل تجعل الانسان يذكر اصله في اي موقف وانا والله ماقلت الكلام هذا لغرض في نفسي لا والله ولكنها الحقيقه وكل بني هاجر يعرفونها

كلامي مو معناه اني مع وعلى 0000لاوانا اخوك بس انت تطلب شيء ماله وجود عندي من قصيد نفتخر فيه بالضياغم حتى اذا سألت اللي اعلم مني ردي علي بقولته وش حاجتنا بالقصيد هذا وماعلم عنه

شهوان والاخوان اللي يتصفحون هالموضوع ياليت نقفل ذالموضوع والقلوب صحاح

الاخ عامرررر الكدادي

مع احترامي الشديد لك انت تحووول ادس السم فالعسل وتشكك

وتقول يقولون وقال فلان ضعف الحجه يخليك تااخذ مسالك ثااانيه


والله العظيم ماابغيت اتدخل في الرد لكن كلمك و ردك الاخير مااهوب في محله

قلت لشهوان عطني قصيد لغير بن عفيشه وعطاك و عقبهاااااا تغير الحكي تكلمت عن هجرت الشهوان ونهم لازم

يثبتوون وجودهم ماااهذا التناااقض

ناصر الشهواني

مساك الله بالخير

اولا انا ماشككت باصلكم انا قلت اللي كان في ذاك الوقت وماجبت من بنات افكاري

والقصايد اللي قالها شهوان انا ما انكرتها بس اول مره نسمعها هذا اللي قلته

وان كان قصدك قصيد لشاعر من الكدادات يثبت انه من عبيده او من الضياغم فياخوي نحن مابنا شك عشان نثبت اصلنا وياليت ياناصر ان كان عندك معلومات تقولها 000 اما الحميه الجاهليه فمجالس قحطان تترفع عنها

للمره الالف اقولها انتم إثباتاتكم قصايد من جماعتكم وبس اما نحن فمن خلقة الدنيا عارفين وين نرجع ومن نعنز عليه
انتم ماتعترفون للمؤلفين اللي من بني هاجر وتبونا نعترف بالمؤلفين اللي من غيرهم 000بالله بأي عقل اوي امنطق كلامكم وش التضارب بافكاركم 000

تبون الصدق ياليت نسكر ذالموضوع لانه انحرف عن مجراه

السلام عليكم

الحقيقه اطلعت على مشاركه لك اخوي ابو سعيد الجنبي في الرد على هل الشعراء ثقات
وكانت مشاركتك تقول :انا ارى الشعر ممكن يستشهد به في اللغه والادب والموقع كرافد لحادث تاريخي
اما ان نسلم بالشعر كشاهد وحيد على حدث معين فاظن ذلك غير صواب
الحين وش رايك مو هذا كلامك شفت شلون التناقض والا هو ردود وبس

السلام عليكم ورحمة الله وبركاته

الحقيقه : ما نقول الا والنعم بالهواجر والنعم بعبيدة والنعم بشريف والنعم بكل قحطـــــــــــان

لكن ارجو من اخواننا من بني هاجر وفقهم الله ان يفسرون لنا ما سأطلب تفسيره ( بدقه متناهيه)

قصيدة للشاعر الكبير عمير بن راشد بن عفيشه ( وهو احد اشهر شعراء الجزيرة العربية )

( واجزم ان مثل هذا العلم يعـي ما يقول )





[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياسعيد كان تسال جدٍ وتحفيد=لك معنويٍ باصلنا تستفيده
يمكن عليك نزل بالعلم ونزيد=الا انشد التاريخ تلقا وكيده
حنا الذي يضرب بنا الوصف ياسعيد=ضياغمٍ من روس جنب وعبيده

وهواجرٍ يوثق بنا في المعاهيد=وقحطان ابونا حافظينٍ رصيده
والسمت والشيمه وقسمٍ من الجيد=سلم لنا كل القبايل تريده
نزهين من قرب الدنس والمناقيد=وعروضنا مثل الثياب الصفيده
وقصيرنا ماحن لبيته رواويد=لا غاب منه لين حتى يعيده
ولا نختبي دونه بالاشيا المزاهيد=وايدينا في غالي الزاد بيده
ونتبع مراضي جاهله لو على الديد=ولكرام جار البيت نفرح وليده
وان مر كلبه ماحذفناه بالحيد=لو كان مانرجي ورا الكلب صيده
ونطنف مراحيله ولو هي مغاميد=وعلى كرامه ضيفنا هو قعيده
وخوينا نكمد مشاكيه تكميد=لو مايهوجس يمنا بتعويده
وان زارما العاني لبعض المقاصيد=متعلث ماننشده عن سديده
نذبح سمان الضان له والمفاريد=ومن جاد للعاني فرحنا بجيده
وان جاو اهل جيش ونايا مضاديد=ماذاقوا امس الا شلاوي قديده
نقحص لهم بالهيل ترس المباريد=والبن يحمس جمر الارطا وقيده
ونقحص لشتويا دفوفه ملاهيد=ويفهق لهم عقب العشا به بريده
وان زارنا المجرم يقزي لذاويد=ينزل ويرحل ماجعل له نضيده
فوق العلا نرفع مبانيه ونشيد=الين يبعد من وطنا شديده
وان رامنا ضدا عمدنا بتكويد=عود بغبنه عبرته في وريده
نجعل على زوره رسوم مجاديد=ويبطي وكبده من سنعنا غديده
وايلا انتزح منا ورا واسع البيد=فالجيش يقطع مستواه وقويده
ماهو علينا لو بغيناه بعيد=نصبر على حر الزمان وجليده
ناتيه في الكنه حلول المواريد=معطان والا نرضمه بتهجيده
يصبح قطيعه بين الايدي تباديد=ويفرح ايلا ردوا عليه الشريده
واقفوا على ابله شايلين التغاريد= ومن الحسايف يصفق ايده على ايده
ومن زان حنا له خيارا اجاويد=ومرجام للشيطان لفتل قيده
لحركوا الاسباب بعض المقاريد=نوطي على الزرب الصريع وهميده
وان صار من بعد التساهل تلاديد=فالرابح اللي مقبلاته سعيده
سلم النضا والخيل مافيه تبنيد=في كل وقت لابسين عديده
وان ثار عكنان كشف غره الغيد=ندعي النفوس الغاليه به زهيده
نلقط على الهيجا وحس البواريد=لو كان ماينفع عضيدا عضيده
لاوصلت الذله معلق لواريد=واللي معه جريا تقاصر فديده
ونفرج ايلا من صار صكا وتسنيد=الى استغرب الطارد بقيضه طريده
صار اجتوال الخيل تن وتفاريد=وكلا يخايل غره في نديده
هذا عليه معودين تراديد=ونحيي الامور الماضيه بالجديده
وعشنا على صايب ومصيوب وشهيد=وهذاك ممنوع تعزف ذويده
وهذاك معتدي وذا كاسب فيد=واصبح يوزع بين الادنين فيده
تمت وصلى الله وسلم بتجويد=على نبي مخلص بالعقيده [/poem]

ارجـو تفسير هذا البيت:

حنا الذي يضرب بنا الوصف ياسعيد.....ضياغمٍ من روس جنب وعبيده
1_ لماذا لم يقل من جنب فقط او من عبيده فقط علما وكما هو معروف ان الضياغم من عبيدة فقط.. الا اذا كان هنالك ضياغم من قبائل جنب الاخرى ارجو توضيح ذلك ..
2_لماذا لم يقل هواجر بدلاً من ضياغم ؟!


انا في انتظار تعليقكم ..

اخوي فارس

مشكور على مرورك والحقيقه الكلام هنا وصل لتفرعات كنا نتحاشاها

ان قصدك قصيدة ابن عفيشه الله يرحمه فسبق انا شرحنا سببها وذكر الضياغم فيها لتشكيك سعيد ان ال شهوان ليسو من الضياغم لذا بدا بالضياغم

هذا اللي نفهمه من القصيده وسببها

ويمكن ال شهوان يكون عندهم رد اوفى واجزل مني

والحقيقه انا ومن المشاركه واعتبرها الاخيره لي هنا في الموضوع راح اترك غيري يتكلم ويثري المتابعين بالجديد او بشيء ماكن عندنا علم فيه

وبالنهايه يجب على الجميع انا نتصفح لقصد المعرفه والمشاركه الايجابيه ولاشيء غير هذا

وابي السموحه من اخوي شهوان ولايصير بخاطره على شيء

اخوكم / عامر ال حامد الكدادي الهاجري القحطاني ويكفيني اسم قحطان باسمي

تحياتي لك والله العظيم ان القلوب صحاح