بشوت الشيوخ!!!!!!!

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الجادل اللي تعدّت بالجمال الحدود= تستاهل أحلى القصايد وأجزل إبيوتها
من هاجسٍ يصرف القيفان صرف النقود=كنه يمرّر لي الكورة وأنا أشوتها
ترسل عليها الهجوس من المعاني وفود= مرجانها مع جواهرها وياقوتها
عذرى على الباقيات من العذارى تزود= ما خلت إحدى خصال الفتنه إتفوتها
في جيدها والعيون وفمّها والخدود= الشام .. من لاذقيّتها .. لبيروتها
العام كانت عليّ بفاكهتها تجود =فراولتها..كرزها..خوخها..توتها
وتفاحها اللي عليه أغلى الحرير إمحسود=سحرٍ يحكم الشيوخ ويلبس إبشوتها
ياقطع كبدي ياليت الوقت الأول يعود= يوم إنّها بالغلا قوتي...وأنا قوتها
كنت أتغزّل بها وعباد ربّي إرقود= أرقد على صوتها .. وأصحى على صوتها
واليوم يابري حالي ياوجودي وجود= قفّت وراحت جعل موتي قبل موتها[/poem]