امس على جال المواجع تراكيت = فنجالي الضيقه ومقداعي الهم

[poem=font="Arial,5,black,bold,normal" bkcolor="transparent" bkimage="backgrounds/15.gif" border="none,medium,gray" type=4 line=1 align=center use=ex num="0,black"]
مساء او صباح الخير على الجميع قصيده مهداه ارجو ان تحوز رضاكم


امسٍ على جال المواجع تراكيت = فنجالي الضيقه ومقداعي الهم
ولا جيت اكرم عقب ماني تقهويت = مد الالم فنجاله وقال لي سم
جرحٍ تربع في الحنايا وله بيت = مستاجره فيني وعربونه الدم
ثم رحت اقلب في الليالي ولاقيت = ان الفرح قطرات وان الشقا يم
لا يا وجودي وجد حيٍ على ميت = ما يواسي اوجاعه سوى الليل لاضلم
والا وجود العود لا طاح في البيت= واصبح ضعيفٍ ما حدٍ فيه يهتم
والا الفقير اللي رغيفه تناهيت = وجباته الحقران وايدامه الغم
ياما كتبت احلام وياما تهقويت= وياما مسحت الحلم من قبل لاحلم
وياما عصبت الراس وياما تحديت = وياما خذلني ناس فيها اتحزم
وياما رفيق لا زهمته تمنيت = انه فقبره قبل ما يوم يزهم
ياما وياما بس لناس ما ابديت = وشهو له ابدي يا عسى الراس يسلم
ويا ليتني في سجتي يوم سجيت= من قلب الواقع لزوم يتألم


مشعل بن شفلوت[/poem]