رساله من سعيد الفهري لابن شبّاب واهل الدوحه

[poem=font="Simplified Arabic,6,white,bold,normal" bkcolor="transparent" bkimage="backgrounds/3.gif" border="solid,medium,white" type=4 line=1 align=center use=ex num="0,black"]


بعد شاعر المليون والنقد والكٌتّاب =وتوضيح مفهوم الثقافه ورافدها
وموجة شعر متذبذبه في نفوس اغراب = وأسهم تداولها ما يضمن تصاعدها
عُرف موطن العُقم وعُرف موطن الانجاب =وعُرف من جهلها بالمواهب يهدّدها
وتجلّت سياسات البرامج سياسة غاب = على كثر ما تدفع دراهم تسيّدها
بدا عالي المرقاب وانا على المرقاب = رفيق ذلوله للمضامي مورّدها
تحقّق طموح الواقعيه ونال اعجاب =ولا خالط احفاد الحداثي وقلّدها
لو يشبّ ناره دلّته جالها شرّاب = بعد ما حمسها فوق ناره وقنّدها
رسالتك وصلت في دقايق يابن شبّاب = في جنح الظلام امسى ظلامه يبدّدها
واذا اصبح حفظها حفظ لحية فخر واشناب = بنفسٍ تشمّر للمهمّه سواعدها
تقول ان هل الدوحه لهم كلمتين عتاب = على شان جمله حُرّفت عن مقاصدها
وانا اقول تسعير البضاعه من الجلاّب = ولا يمكن احد ما عرفها يحدّدها
عسى من عمدكم بالاساءه يهرشه دابّ =تخلخل سموم الداب كبده وتجبدها
هل الدوحه شيوخ وقبايل سند وحجاب = ومنبر شرف واصل المكارم ومولدها
بني عمّ واخوان و حلايف ظفر واصحاب =علاقاتنا جور الدهر ما يجمّدها
لكن المشوّه شوّه المنظر الخلاّب = قطع شجرة خضرا على شان يوقدها
قصيده تعالج مشكله والشعور اسباب = يثير الخلايا لين تظهر شواهدها
انا شعري اكبر من فضولي ومن كذّاب = ومن ناقص نقّص علومه وزوّدها
قصيدي ينومس طيّبين ويفكّ رقاب = ويحاكي هموم المسلمين ويناشدها
ولا احدٍ عرف عنّي مهاتر ولا سبّاب = ولا اشتت صفوف عزاها توحّدها
حضوري حضور السيف الاملح بكفّ ذياب = يهمّش معاتيه القصيد وتواجدها
مسيرة قصيده ضيغميّه وقاف ارهاب = ومساعي حثيثه في رضا الله نجنّدها
قصيد بدون اخلاق ما يسحر الالباب = ولا يسعد نفوسٍ شقا الوقت مجهدها

الشاعر / سعيد الفهري القحطاني

14/3/1430[/poem]

__________________

وافي
ياسعيد
وصح لسانك
على هذه الفصيدة
التي شرحت فيها ووفيت...

الله يديم المحبة بين الأحباب والأصحاب يارب

ودمتم بودّ
---------------------
وعلى القوة الزواج إن شاء الله

ارحب يا سعيد
لاهنت لاهنت بيض الله وجهك وصح لسان الشاعر الفهري

تقول ان هل الدوحه لهم كلمتيـن عتـاب على شان جمله حُرّفـت عـن مقاصدهـا
وانا اقول تسعير البضاعه مـن الجـلاّب ولا يمكـن احـد مـا عرفهـا يحدّدهـا

بارك الله فيك

صح لسانك يا الفهري وسلمت يمناك من العطب يا ابن جفشر

ولا هنت على النقل

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع