زهير ربعي طيّبين التعاليل***حمولةٍ ياطيبها من حموله

[poem=font="Simplified Arabic,7,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
أبدى بذكر الله قبل ماأبدع القيل=هو خير ماتبدى به أيّة مقوله


والحر لامن عال طلابه يعيل=من قبل لايعلن غريمه وصوله


ولاني وحيد ولابعد قلّ بي حيل=وياسعد من ربعه إن ضاق فزعو له


وربعي هل الفزعه ولا فيه تضليل=سعد الكريم ليا دنا الهم حوله


من لابةٍ وليا أقبلو كنّهم سيل= سيلٍ ورب البيت ماأنته بحوله


شفت النهار ليا غشى شمسه الليل=وعمّ الفضى ظلماه وأرخى سدوله


هذاك حنّا في لقانا غرابيل=لا ثوّر البارود قومٍ عجوله


أفعالنا فيها العجب والتهاويل=واللّي لأهل مكّه قد أرسل رسوله


إنّا مثل طيرٍ تحوم وأبابيل=حرّابنا ماينفعنّه خيوله


الموت شربه مثل شرب الفناجيل=في حربنا مافيه جوله وجوله


هي جولةٍ وحده بليّا تفاصيل=نجمٍ يبين ونجم يعلن أفوله


فإن غاب نجمك فإعرف إن نجمنا سهيل=كلٍ يشوفه بس منهو يطوله


زهير ربعي طيّبين التعاليل=حمولةٍ ياطيبها من حموله


يشهد لنا التاريخ جيلٍ بعد جيل=ماهو كلامٍ ينكتب ثم نقوله


والّلي حمى الكعبه وأخزى هل الفيل=إن الزهيري بيّناتٍ فعوله


رجّالنا وقت العقل يعطي الرجاجيل=درس الأدب والمعرفه والرجوله


ورجّالنا وقت الجهل يعدل الميل=ميل الزمان يعدلّه عن ميوله


وليا أرتكى للحمل عز اللهّ يشيل=يضرب مثل بالتضحيّه والبطوله


خل السوالف وإترك القال والقيل=وبعض الحكي ما كل مرّه بأقوله


ركّز معي : للخيل سرّاجة الخيل=لاتنخدع في هرج ناس مهبوله


حنّا الكرم والجود ذبّاحة الحيل=وحنّا الوفا والطيب نعرف أصوله


وحنّا الرجال الجيدين الحلاحيل=صغيرنا ماعاش وقت الطفوله


من خلقته يحسب حساب المقابيل=ونفسه على الطولات ماهي خجوله


هذا الصحيح وباقي الهرج أباطيل=وماكل هرجٍ ينسمع صفقّو له


زهير قومٍ كل أبوهم مشاكيل=لا جا نهارٍ فيه تقرع طبوله


وإعرف ترى لي رجّت الدنيا زلازيل=لا غيّب التاريخ دوله و دوله


نبقى مثل شمّ الجبال المداهيل=مدهال حرٍ لا نزع ناظروله


في قلبه آياتٍ وذكرٍ وتهليل=ودرب الخطايا مامشنّه رجوله


وفي هرجته حكمه ونورٍ وتفصيل=وليا قلط كل العرب وقّفوله


وفي مجلسه شبّات نار ومعاميل=وفي حضرته للحق جوله وصوله


يا بنّ يا أشقر يا عويدي ويا هيل=باللّه كم خطّار ليلٍ عنو له


يابو معيض أنته سواة القناديل=والنور لي شافوه خلقًٍ يجوله


واللي أنزل القرآن يابوي تنزيل=في ذا الزمن يابوي عرضه وطوله


ما شفت لك وصفٍ يشابه ولا قيل=يا تاج رآس الوقت وأروع فصوله


يا مذلّل حروف الشعر صدق تذليل=يامعلّمي شعرٍ ودين ورجوله


حبّة خشم منّي ولليد تقبيل=وشوقٍ مثل غيثٍ بلحظة هطوله


يجوز لي يابوي بدع التماثيل=بدع الكتاب اللّي تشوّق فصوله


خصٍ ليا من قام يجهل جهاهيل=لا حدّني وقتي لناسٍ جهوله


ويحدّني عالقول يابوي لاقيل=منهم زهير أبدع قصيدي وأقوله


ومن دون ربعي أرخص الدم ويسيل=كلّه فداهم جارياتٍ سيوله


والحر لامن عال طلابه يعيل=حتى قبل يعلن غريمه وصوله


وصلاة ربّي عدّ مايجري النيل=على اللذي أختاره اللّه رسوله [/poem]

حجززززز







لي عوده

__________________

صح لسانك ونعم بربعك

__________________

الأخ معيض


صح لسانك مدد


إبداع وجزاله


ونعم بك وبربعك زهير قبيلة كفو وقروم نفخر بهم


دمتم بخير


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

معيض بن صميع

والله والنعم فيك وفي ربعك زهير

وأنتم هل النعم وتستاهلونه

وصح لسانك يالوافي


قصيده رائعه وجزله


أخووووووك

__________________



ممصمنا المبدع
تركي العلياني
ألف شكر لك

الأخ سعد القحطاني



صح بدنك وماعليك زود


شكرا جزيلا لمرورك الكريم


كل عام وأنت بخير

الأخ الكريم بن غفره



لزيارتك دوما مذاق آخر


صح بدنك


وماعليك زود


تقبل تحياتي


وكل عام وأنت بخير

أخوي معيض بن صميع

كل عام وانت بخير

صح لسانك وبيض الله وجهك

رايعه ووافيه من وافي

والنعم بك وبربع وافي وربعك وافيــن

لك فااائق احترامي وتقديري

الأخ مهدي بن مسفر الحبابي


صح بدنك والله لايهينك


وما عليكم زود



شكرا لك على كلامك الجميل وإشادتك الكريمه


وكل عام وأنت بخير.

الأخ الكريم مشعوفان


صح بدنك وماعليكم زود


كل عام وأنت بخير.