&&& سالت دموع العين &&&&

السلام عليكم ورحمة الله وبركاته

مساااااء /// صبااااح الخير للجميع

أضع بين يديكم هذه المتواضعه لعلها تحوز على رضاكم


[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,medium,gray" type=1 line=1 align=center use=ex num="0,black"]
سالت دموع العين من عقب فرقاك=والصدر ضاق ولابقى فيه حيله
وش حيلتي لاغبت عني وأنا أبغاك=ماعندي إلا خالقي بشتكيله
أنت الرفيق اللي على الطيب ممشاك=وأنت الصديق اللي تساوي قبيله
روح عسى ربي يسهل بمسراك=الدرب توك والمسافه طويله
أوصيك لاتسرع وهون على خطاك=والأرض ماخلقت بيومن وليله
وأوصيك لاتهمل صلاتك وتقياك=صلاة ربي كلنا ننحني له
وأوصيك في من قد تعب لك ورباك=أبوك شال حمول عنك ثقيله
ياما سهر!! شافك مجرد وغطاك=فضله كبير وردته مستحيله
وأمك لها شان بحياتك ومنشاك=تسعة شهور فبطنها تحتمي له
باسة على خدك وباسة بعلباك=وتقول يالله لاتجيب الخذيله
أرجوك وأطلب وأتفدى وبنصاك=تسمع وصية خل يوصي خليله[/poem]

وسلامتكم جميعا

__________________