في اي قبائل قحطان ينسبون الهواجر؟

حنا من يوم عرفنا الدنيا وابوانا يقولون من عبيده

والله يرحمهم عاشوا وماتوا وهم من عبيده

فجأه يتغير الحكي

عز الله ما أقتنعنا

وردني بان عبيدة تنقسم الى تلاثة اقسام رئسيه:

1- ولد الحارث وينقسمون الي الوهابه وتفرعاتهم ال محايل وال مهدي
بني شعيب: وهم بني طلق والحرقان
المســـــــــــارده وتفرعاتهم
بني شداد وهم : حماله وال مهدي والفهر وال معمر والعرجان

2- ال الصــــــــــــقر وهم : الجبل وال جرو والكوادر ولحامره والبسام وال جلده والعابس والجمان والحقبان والثابت والقريش


3- شـــــــــــــــــريــف : وهم ال ملاط ال حمدان ال فطيس ال مونس ال سماح ال جامش ال قلاث ال طلحات ال مشاعر ال فروان ال مشبب و بني هاجر وهم ينقسمون الى عدة افرع منهم المخضبه وال محمد وال حمراء
وبني بشر وينقسمون ال ال عبد القادر ال سريع ال شغب ال نجيم ال نمر وكذلك بني بشر تهامه وهم: ال حزيم و ال حسان و ال حسين وال سالم وال قحيم وال ظهر وال سحيم وال بهمه وال طيب لذا ارجو الافاده عن دقة ما وردني اعلاه مع خالص الشكر

يبــــــــوي تراكم كبــــــــرتوا الســـــــالف


الهــــــــــواجرر يرجعون لقبلية عبيــــــــده من قحطــــــــان

وش قليل جدا جدا جدا ينسبون ألى الشريف ........!!!!!!

أخذ العلم اللي يجمد على الشارب وأفلاحنا

حيا على الفلاح بس

طولتوا السالفه وهي ماتسوى

(( الهواجر )) يرجعون لقبيــــلة (( عبيده من قحطــان ))

وجزء قليل جدا جدا جدا يرجعون (( للشـــريف ))


ولكم جزيل الشكر




أخوووكم / كحيلان


أأأأأســفين على ألأطاله

__________________

ما عرفنا إلى الآن
هم من عبيدة والا من شريف

وين الاجابة الصحيحة

اول انا اللي اعرفه ان شريف بس يخص آل حمرا من بني هاجر
والضياغم من بني هاجر هم آل مسيفره وآل شهوان
وسلامتكم وترا كلنا من بعض ضيغم جده قحطان وشريف جده قحطان
وسلامة الجميع
وترا هذا اللي انا اسمعه من شيبان بني هاجر

بني هاجر ساس الضياغم وهذا امر مفروغ منه


واشعارهم واقوالهم في السابق تثبت ذلك

اليكم قصيده ابن حضرم الكليبي ال محمد بني هاجر



من ابن حضرم وهي عباره عن جواب لسؤال عبدالهادي بن صالح الحرقي العبيدي:


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بذكـر الله معبـودي بديـنـا=الاه الـكـون رب العالميـنـا
عزيز الشـان خـلاق البرايـا=خلق الانسان من روح ٍ وطينا
وزين صورته واطلـق لسانـه=بحـرف ٍ مايعـوق الناطقينـا
وعلمـه الكتابـه والـقـراءه=وقال افهـم بهـا دنيـا ودينـا
ولي العـرش غفـار الخطايـا=رحوم ٍ لـه عبـاده ساجدينـا
تسير السحب والافلاك بأمـره=وبأمره ينزل الغيـث الغشينـا
بعد ذكره بعـدّ القـاف وابـدع=من الـدر المصفـا و الثمينـا
حسينات المعانـي و المثايـل=تحير إبهـا عقـول الفاكرينـا
ابنظمها كمـا نَظْـم الجواهـر=نظمهن صايغن بخصن ٍ مكينـا
لهن بعقـود بجيـاد ٍ تشـادي=عنوق ٍ للضبا الصيد الحسينـا
منقيهن مـن المنقـود وادرى=عليهن مـن خبـاث ٍ عابثينـا
بعد هـذا تفضـل يـا نديبـي=إنْحمِّلـك الرسالـه يالْمِيـنـا
لمن هو بالفخر والعـز يرفـل=وقرم ٍ مـن رجـال ٍ نادرينـا
عريب ٍ من عريبات المناسـب=جـدوده بالمفاخـر دارعيـنـا
عبيديـاًّ لـه التاريـخ يشهـد=من الحـارث مـلاذ الخايفينـا
ابن صالح عزيز الجـد هـادي=من الحرقان سقـم الطامعينـا
ابو فيصل اليا منّـك وصلتـه=تسلّمـه الرسالـه باليميـنـا
وقله يـا عريـب الجـد حنـا=نجـاوب بالوفـا للسائليـنـا
مادام انك نشدت اليوم فاسمـع=جـواب لايهـون السامعيـنـا
كنوز ٍ مـن قديمـات الليالـي=وذخـرٍ ينـذخـر للمقبليـنـا
مواريـث ٍ توارثهـا الخلايـق=وتحفظهـا الـرّوات الفاهمينـا
حد ٍ يقرى من التاريخ سابـق=ويلقـى مـا كتـب بالغابرينـا
تواريـخ ٍ تسحلهـا العـوارف=واحـداث كتبـهـا الكاتبيـنـا
وحد ٍجدّه على صـدوره يعـدّه=وراثه مـن رجـال ٍ سابقينـا
كما عد الخرز في خيط سبحـه=تسلسلهـا الثقـات الواثقينـا
وحدٍ لو تنشده من ساس راسه=اخير لهْ السكوت من الرطينـا
وعلم الغيـب عنـد الله وحـدّه=عليـم بالحقيـقـه واليقيـنـا
ولكـن ماعرفنـا لـك نعـده=ولاحنـا بخـيـر الحافظيـنـا
نبيـن مـا حفضنـا واكتنزنـا=بـلا زود ٍ ولاحِـنْ ناقصينـا
انا ابن كليب ابن راشد وجـدّه=علي ابن محمد الحصن الحصينا
ابن علي المجـرب بالمواقـف=ابن منصور ابن ضيغـم ابينـا
ابوه منيف ابن ضيغـم وجـدّه=منيف اللـي ينـوف النايفينـا
ابن جابر ابـن علـي وتنشـد=وتلقالـك رجـال ٍ باخصيـنـا
وعبد الرب أبـو علـي وجـدّه=ربيع وخل منـك المغرضينـا
نسل سلطان سلطان العبيـدي=عزيز ٍ مـن رجـال مجربينـا
ابن عبد ارحمـان وروح جـده=وحنّـا مـن خلفهـم ناسلينـا
وسمينا الهواجـر مـن طنانـا=هجر منصور ربعـه الاقدمينـا
نسل منصور مافيهـم مغالـط=خـوان ٍ اربعـه و مذربيـنـا
طريف وعلي وعبدالله على امه=يجي شهوان زيـزوم الضعينـا
وحنّا جدّنـا جنـب المسمـى=وحنـا روس جنـب الاولينـا
عبيده امّنـا مـا فيـه منكـر=ولابـه ام ينكـرهـا جنيـنـا
ابوها ما خفـى ذاك المهلهـل=وهي ليلـى غـرام الطالبينـا
عبيـده ساسنـا الاول وحنّـا=عبيده في زمـان الحاضرينـا
تنبيـك الخبـر سـود الليالـي=وآثـارٍ بحثـهـا الباحثيـنـا
لنا فبراد فـي مـأرب مواقـع=شواهـد ثابـتـه للناظريـنـا
وعلوم ٍ ماخفت عنـدك بحيـك=تسولفها الرجـال السامرينـا
تسولف ما مضى من فعل جد= ٍعزيـز ٍ بالنسـب للفاخرينـا
تفكر وإفتكـر وأفكـر وخايـل=وتنبيـك المواقـع يالذهيـنـا
وينبيك الخبر مـن هـو لقانـا=بحرب ٍ أو عزمنـا مصلحينـا
لنا بالعز والنامـوس موقـف=تجيدونـه شبـار الشابريـنـا
وينبيك الخبر سلطـان مـأرب=معه بعض الحقائق لـك تبينـا
دمرنا حكمـه العامـر وعـزه=وعلى راسه ابحافرها وطينـا
وينبيك الخبـر راع المحامـل=طلوع الشمس لديـاره مشينـا
هدمنـا عـز داره وسـط داره=رعى خمس الجزر والمحدثينـا
وينبيك الخبر جمـع القريشـي=شريف ٍ هاشميـاً لـه عنينـا
ثلاثيـن وثلاثيـن وكمـاهـا=تسيـر اجموعنـا لزاهميـنـا
معه سبع القبايـل واللحايـق=وكسرنا جمعة العامـر اتبينـا
وينبيك الخبر من هـو زهمنـا=ومن دونه رسى الجمع الرزينا
وجلينا العدى من هجر لجلـهعلى شانـه وحنـا الفايزينـا
عزيز الراس زيزوم الجزيـره=ابن مكًـرن وتـاج الحاكمينـا
وكرمنـا وقـدرنـا ابعطـيـه=جزيله مـا كسبهـا الكاسبينـا
وينبيك الخبر مـن هـو زبنـا=بجمعه يـوم طـرد المذنبينـا
وحلنا دون وجه البيـت قـوه=وسقنا من الاصايـل راغبينـا
ومثايل ليـل تنبيـك الحقايـق=ويعطيك الخبر رجـل ٍ فطينـا
وعندك في ديارك مـن خبرنـا=علـوم ٍ مقنعـه للناشديـنـا
شواهد ثابته كأنهـا تسولـف=تبيـن لـك علـوم الدارسينـا
رجال ٍ ماضيه والنسـل سايـر=على اسلـوم ٍ قديمـه ثابتينـا
ثقال ٍ كالرواسـي وان جهلنـا=تبرى مـن جهلنـا الجاهلينـا
اليا من العـدو جمعـه بغانـا=نجيله في ديـاره مـا يجينـا
ندكه ليـن ترضيـه الحقيقـه=ويرجع مـن هديـره للحنينـا
وكم جمع وكـم جمـع نوانـا=وعود حـب زيزومـه طحينـا
وليا منّا وعدنـا مـا نخونـه=عـدو بالمواقـف مـا نعينـا
وليـا منـا نوينـا بالصداقـه=بعهـد ٍ للصداقـه صادقيـنـا
وليا منا عطينا الوجه= يا مـندخيل الوجـه دونـه صاملينـا
وليا منا ربطنا العهـد نوفـي=بعهـد ٍ بالوفـا لـه رابطينـا
و ليا منه جنى الجاني وجانـا=حكم سلم العرب حقـه علينـا
وليـا منـا تخاوينـا نصونـه=خوي الـدرب لامـره طايعينـا
نجيله كالخدم قـدر وحشمـه=اسلـوم اجدودنـا والغانمينـا
ولامنّـه لفـى للبيـت خاطـر=غدى المالـك وحنـا خادمينـا
نباشـره التراحيـب الجزيلـه=بحجاج ٍ ضاحك هـو والجبينـا
بقولة ياهـلا ارحـب و حيـه=وكيف البن و الكبش السمينـا
وليا منه نزل بيـت و جـاور=نعـده بالوفـا مـن والديـنـا
معـزز عندنـا مقـدر وحقـه=عليـه انـزود سلـم الطيبينـا
اسلـوم ٍ للقبايـل والقبـايـل=تفاخت سلمهـا شـده ولينـا
وحنـا مـا انغالِطْـك القبايـل=قبايـل وافـيـه و مقدريـنـا
ولكن الشجـر مـات ويخلّـق=تنوع بالمنابـت مـن سنينـا
وكل ٍّ دون حقـه مـا نلومـه=يدافـع بالملـثـم والسنيـنـا
على قد الجهد و الحيـل قـدره=يجي وزن الرجـال الوازنينـا
ولوانها على كيـف البشريـا=تشوف اضعوف ناس معتلينـا
ولاصار البشر واطي وعالـي=ولاصـارت فـوارق يالخدينـا
ولكنها بحـد السيـف وايضـا=برخص الروح والفاسل حزينـا
ضعيف الراي والناموس قاصر=مطاوع بالردى ابليس اللعينـا
فنى عمـره مقابـل للحليلـه=وشوره بيدها فـي كـل حينـا
ولآخر عاف كسب ٍ فالمخاطـر=وعوّد صانع و خـادم قطينـا
و ساير نسلهم منهم كما هـم=وغيرهـم زمـان الساقطينـا
زمان ما يونـس كـل وافـي=عسى ربي علـى دوره يعينـا
وهذا علمنـا وغيـره وغيـره=اعلـوم ولا تبيـح بالكنيـنـا
وحنا لو نبـي نذكـر و نذكـر=يطول ونختصر لـك بالهوينـا
وانا استغفر ولي الكـون كلـه=من الزلـه وسلـم الظالمينـا
ونختمهـا وننهـي مـا بدينـا=بـذكـر الله رب العالمـيـنـا
[/poem]