المعاناه وقصائد اخرى لخالد الفيصل

المعاناه

يا ليل خبرني عن امـر المعانـاة
هي من صميم الذّات و إلا اجنبيه

هي هاجسٍ يسهر عيويني ولا بات
او خفقةٍ تجمـح بقلبـي عصيّـه

او صرخةٍ تمردت فوق الاصوات
او ونــةٍ بالضمـايـر خفـيّـه

او عبـرةٍ تعلقـت بالنـظـرات
و الدمـوع اللـي تسابـق هميَّـه

اعاني الساعه و اعاني مسافـات
و اعاني ريـاح الزمـان العتيَّـه

و اصور معاناتي حروف و ابيات
يلقابهـا راعـي الولـع جاذبيـه

ولا ني بندمانٍ على كل ما فـات
اخذت من حلو الزمـان و رديَّـه

هذي حياتي عشتها كيف ما جات
آخذ مـن ايامـي و أرد العطيّـه


************************************************** *******************



سايق الخير

سايق الخير ساقك يم عاشق جمالك
لو تأخرت باصبر لو هي ألفين عام


أسفرت وأنورت من يوم شعشع هلالك
فز قـلبي لـفزّك يا ظـبي العـدام


أنزل القلب وأمر ما به الا حلالك
أشـهد انه حظيظ اللي غدالك مقام


ما يسد بمكانك غيرك أحد ٍ بدالـك
باني ٍ لك قصـور و باني ٍ لك خـيام


عقب رمضاء زماني جيت أدور ظلالك
بل ريقـي بقربك عقب طول الصـيام


كل شـي تبـسـم يـوم لامـس دلالـك
وكـل نار ٍ كوتني مـنك صـارت سـلام ..!!


****************************************

قال الوداع

قال : الوداع و قلت : ريّع لـي شـوي
اصبر تـرى عمـر السعـاده ثوانـي

قال : الظروف و قلت : عن ظرفه عي
تعـال وقّـف ساعتـك فـي زمانـي

قال : احترق في شمسها و انت في فيّ
و ماكل مـا غطّـى عيوبـك كسانـي

قلت : العفو بصبر على حامـي الكـي
و أكسيك من صبري كساوي حنانـي

قال : الحقيقـه شـي و احلامنـا شـي
و الشاهـد الله ليـت هـذا مكـانـي

قلت : الوعد.. قال : الوعد يا بعد حي
لاصاح لـك قلبـي و قلبـك دعانـي



************************************

من عذابي


من عذابي قلت لعيونـك هـلا
يا هلا بك يا عذابي يا هـلا
ما يكفّي لوعتي بك من غـلاك
رحت تبعد عن عيوني يا غلا
تحسب اني سالي مثلـك وانـا
في هواك الله حسيبك مبتلـى
ما يسلينـي مكـان ولا زمـان
لا ولا غيـرك حبيـبِ لا ولا
قلبي الي ما يطيع لمـن بغـاه
من نظر عينك تعهّد بالـولا
صار لك بالقلب مرباع ومصيف
يوم غيرك عن مرابيعه جـلا
فيه لك مقيال عن حرّ الزمـان
والدفا عن برد شمله بالخـلا


************************************************** **


مجموعه انسان

قالت من انت ؟ وقلت مجموعة انسان
من كل ضد و ضد تلقين فيني

فيني نهار و ليل و افراح و احزان
أضحك و دمعي حايرٍ وسط عيني

فيني بداية وقت و نهاية أزمان
أشتاق باكر و أعطي أمسي حنيني

و أسقي قلوب الناس عشقٍ و ضميان
و أهدي حيارَى الدَّرب و احتار ويني

و احاوم صقور الهوا حوم نشوان
و اسيّل الوديان دمعٍ حزيني

في عيني اليمنى من الورد بستان
وفي عيني اليسرى عجاج السنيني

تهزمني النّجلا و انا ند فرسان
و اخفي طعوني و المحبَّه تبيني

و إن ما عرفتيني فلاني بزعلان
حتَّى أنا تراني أحترت فيني

*******************************************
كل ما نسنس

كل ما نسنس من الغربي هبـوب حمّـل النسمـه سـلام
و إن لمحت سهيل في عرض الجنوب عانق رموز الغرام

لـك حبيـب(ن) مـا نسـا .. كلمتـه دايــم عـسـى
اطلـب الله وارتجيـه .. صـبـح يـومـي والمـسـا

كل زيـن اشاهـده وانتـم بعيـد منوتـي ليتـك معـي
و إن سهرت الليل اهوجس بك واعيد هلّ لاجلك مدمعي

وانـت هاجـس خاطـري .. و انـت فرحـة ناظـري
يـا قريـب و يـا بعيـد .. فيـك امـس وحـاضـري

نشوَتك تَلعب مع قطر المطر .. و انتشى قطـره معـك
والسحاب يطاردك بين الشجر .. خالـق الزيـن ابدعـك

النـدى فـي وجنتـك .. صــار عـطـر بلمسـتـك
و الـهـوا غـنّـى طــرب .. تستثـيـره بسمـتـك

كلما ضمت عيوني منك طيف .. يا بعـد كـل الطيـوف
قلت ما مثلك على الدنيا وصيف .. لا حشا مالك وصوف

لا سـحـاب ولا مـطـر .. ولا نسـيـم ولا زهــر
ولا طيـور ولا غـزال .. ولا مـع بـاقـي البـشـر


*******************************************
يا مدور الهين


يامدور الهين ترى الكايد أحلى
اسأل مغنّـي كايـدات الطـروق

..الزين غالي لكن الأزين أغلـى
ولكل شـرايٍ بضاعـة وسـوقِ

..النوّ عالي والسما فوقـه أعلـى
لا فاق علـمٍ جـاه علـمٍ يفـوقِ

..الصعب هلاّ قلت ياصعب سهلا
دامك تبيني فانت ياصعب شـوقِ

..أحب أعسف المهرة اللي تغلـى
واحب أروّض كل طرفٍ يمـوقِ

..واحب أسافر مع سحاب تعلّـى
واحب فوق الغيم لمـع البـروقِِِِ

..واحب اساهر بدري اللي تجلى
وارسم شعاع الشمس عند الشروقِ

..يامن على ثاير فـوادي تولّـى
خلّك على قلب الكرامـة شفـوقِ

..أكرم عزيزٍ بالعمـر ماستذلّـى
يسوق عمره للمشاريـف سـوقِ

..اخترتك من الناس للقلب خلّـى
ياحيثك مرادي وكيفـي وذوقـي

..مارحت أدوّر كل زولٍ تحلّـى
لولاك تسوى ماعطيتـك خفوقـي


يكفيني عداب

يــا عـيـونـه بـــس يكفـيـنـي عـــذاب
بـالــذي ودّك تقولـيـنـه دريـــت
كــل مــا قلتـيـه عـنـدي لـــه جـــواب
إقـري عيونـي مثـل مـانـي قـريـت
يـا ذهــاب العـمـر عـمـري فــي ذ هــاب
الـقـوي الله فلـكـن مـــا قـويــت
مــا بـقـى لــي قـلـب مـنـك القـلـب ذاب
بيّـن حـالـي ولـونـي مــا حكـيـت
كـل مــا قـلـت انفـتـح لــي فـيـه بــاب
دار حـظّـي وانقـلـب عـمّـا نـويـت
دوك شـيـبـي لاح فـــي حـــل الـشّـبـاب
كـلٍ بحظـه وأنــا بحـظّـي شقـيـت


*************************************

مرتاح أحبك

مــرتـــاح أحــبّـــك ولا عــلّــمــت
حـتـى انــت عيّـيـت أبـيـن لــك
والـبـارحــة يــــوم أنــــا سـلّـمــت
شـكّـيـت لـــو عـيـنـي تـدلــك
بـــرقٍ لــمــع بـالـعـيـون وخــفــت
مـواجـع القـلـب تـوصــل لـــك
عـسـاك فـــي نـاظــري مـــا شـفــت
كـيـف المعالـيـق يـومــن لـــك
مـــن خـوفـتـي لا احــتــرق جـنّـبــت
هـربـت مــن شـمـسـك لـظـلـك
أخـشـى علـيـك الـهــوى لـــو طـحــت
مـــا تـلـنـي يـمّــك يـتـلّــك
أبـــــي قـلـيــلــك ولا حــصّــلــت
بعـضـك تـركـنـي مـــع كـلّــك
مــا ادري صــواب أو خـطـا مــا قـلــت
إنّـــك حبـيـبـي وأنـــا خـلّــك



******************************************


انا القصيده:

لاتملين الشـــــعر وأنا القصــــــيدة
صاغـــها من لوعــــة ايامي زماني

المعـــــاني من غرابــــيلي جــديدة
من عذابي لحّـنوا حــــلو الأغـــاني

كلـــما ونيــــت ردوها نشــــــــيدة
واسمع جروحي تصيح بصوت ثاني

حرفي المجروح سامــرهم يعـــيده
كلـــــما ودعـــت موجـــوع ٍلفــاني

مع جميع الناس وافكـــاري وحيدة
شالوا الحاني وأنا شلـــت المعاني

زلّـت الأيـــــام وأحلامي بعــــــيدة
والغــــريب يعــــــذبه طول الثواني

الحزن لى ضاق في صدري شديدة
ابتســــم لين يَـــــغبطني من لقاني

ياحبيبة شــــعري وغالي خـــريدة
يااشتـــــياق الروح ياداعي حناني

ياعـــروس ٍفي خيــــــالاتي فريدة
زفــّــها ركب الغـــــرام إلى مكاني

انت ِوالأيــــام في وجهـــي عنيدة
واللــــــيالي ســــارية والعمر فاني


************************************************** ***



الله أكـبــر كـيــف يـجـرحـن الـعـيــون
كيـف مـا يبـرى صويـب العيـن أبــد
أحـسـب إن الـرمـش لــى سلـهـم حـنــون
اثـر رمـش العيـن مـا يـأوي لاحــد
يــوم روّح لــي نـظــر عـيـنـه بـهــون
فـزّ لــه قلـبـي وصـفـق وارتـعـد
لـفّـنـي مـثــل السـحـايـب والــمــزون
فـي عيونـي بــرق وبقلـبـي رعــد
نـقّـض جـروحـي وجــدّد بـــي طـعــون
قلـت يكـفـي قـالـت عيـونـه بـعـد
وانعـطـف هــاك الشـعـر فــوق الـمـتـون
وانثـنـى عــوده وقـفّــى وابـتـعـد
أشغلـتـنـي نـظــرة الـعـيــن الـفـتــون
حيـرتـنـي بـالـتـوعـد والــوعــد
هــي تـمـون الـعـيـن وإلا مـــا تـمــون
لـى خـذت قلبـي وقفّـت يــا سـعـد

*************************************************


لك حق تزعل


لك حق تزعل ثم لك حق نرضيـك
ما اقوى زعل حبيب قلبي وعينـي

ما دام قلبي يا اريش العين مغليـك
اطلب ولك روحي وما في يدينـي

لا تنشغل مالك وزيـنٍ يضاهيـك
ابيك أنا لو كـان غيـرك يبينـي

يوم الله احسن صورتك خصني فيك
فيك الجمال وصـادق الـود فينـي

شعري يزين بوصف زينك وطاريك
والأرض من ممشاك فيهـا تزينـي

اول غناتي صوت الأشواق يدعيـك
واخر غناتي شق صدري حنينـي

*****************************

الله عليك وعلى نقلك


ما قصرت وصح السان امير الشعر خالد الفيصل

شكراً أخي هجمة مرتدة لا هنت على النقل

__________________

السلام عليكم ورحمة الله وبركاته

هجمه مرتده !!! بالفعل هذه المشاركه هجمه مرتده نتج عنها عدد من الأهداف الرائعه

إحساس آخر.... متعه فائقه....تجديد لذكريات هذه الروائع

لك الشكر الجزيل على إبحارك بنا في بحر عذب وهنيئاً لنا مرافقتك في هذه الرحله الممتعه وربانها أمير الشعر دايم السيف

تقبل خالص الود.

أحلى هدف من هجمه مرتدة


الف الف الف شكرا لك يالغالي

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان