يقوووووول عبدالله الطلحي هذه القصيده التي تعتبر تجاااااااارب الحياااااااه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]





معوض خير ياحي تهقوى في الزمان ومال= سنينك لورقيت بعدلها يطرحك مايلها
تعلم واعرف ان الدرب قدامك سهل وجبال = جبال تطولها وجبال بعيونك تخايلـها
ومعوض خير ياحي وردت الما بدون حبال = يطول بك الوقوف وشربة الما ماتحصلها
وقوفك عند راس البير مايسقيك لو فنجال= ولا ينفعك شوف الجمه اللي ماانت طايلها
ومعوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
معاريف الرجال ديون وديون الرجال ثقال= ليا صرت امتعافي ليش تغرق في جمايلها
رصيدك في حياتك سمعتك مع طيبين الفال= رجال الطيب والمعروف بالمعروف عاملها
ولا تبدي بجاهك في مقام ما يسر الحال= ولا تشفع لناس ما تنومسك بفعايلها
ليا جاتك تعذرها ما دام العذر له مدخال= ووقت الجد قول الها الصحيح ولا تجاملها
وخذ مني نصيحه لاتصدق كل ما ينقال= يجرك للنميمه لين يطرحك بحبايلها
يجي لك ناقل النمات بهروج تغث البال= سوالف في قفاك وحظك اطيب يوم تجهلها
يبرر بالحميه والصداقه شينة الأفعال= يجمل صورته بعلومه اللي ما تجملها
ولو كانت حميه فيك رد المخطيه في الحال = ولا كان إستمعها في قفاك وجاك شايلها
ترى من جاب لك ودى وهذي عادة النقال= يحاول يقتنص من فمك كلمه لأجل ينقلها
ومثل ما قال عندك راح عنك وعند غيرك قال = وزود عشر فوق الكلمه اللي كنت قايلها
تجنب مجلسه لا تجلس إلا مع كريم خصال= تحمل ميلته وان ملت ميلتك يتحملها
ولا تصبرعلى الجار الردي لو هي ثلاث ليال = تضرك جيرته لو كان بيبانك تقفلها
وبيع الدار بأول سومة تعرض على الدلال= ورزقك عند رب كاتب اللقمه وكافلها
وبنتك لا تزوجها الردي لو هو كثير المال= تربيها على الطالات وتشوه سلايلها
وكم من لاش يرمي خيبةأبنة فوق راس الخال= لو ان الخال من روس الرجال ومن دلايلها
ليا منك عرفت تميز الطيب من البطال= وفادتك التجارب في الحياة وفي مسايلها
وكشفت الفرق مابين الصحيح وحيلة المحتال= وتعلمت الفراسة في الوجية اللي تقابلها
بعد هذي ترى مالك غنى عن صحبة العقال= يدلونك براي ينقض الدعوى وتفتلها
يقولون الرجال اللي سوالفهم حكم وامثال= ليا من ضاعت الحيله يدل القوم عاقلها
نصيحة واحد جرب وشاف من الزمن أهوال= يقدم لك خلاصة هجرة جرب هوايلها [/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

بسم الله الرحمن الرحيم
السلام عليكم ورحمة الله وبركاته


صح لسان الشاعر

وقصيده في غاية الروعه

واشكرك يا ابو سعود

على ارفاق القصيده الجزله


اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

السلام عليكم ورحمة الله وبركاته
قصيدة أكثر من رائعة وفيها من النصائح الثمينة
وما اقول الا صح السان الشاعر/ عبدالله
واشكرك يأبو سعود على نقل هذه القصيدة وتقبل مروري
اخوك/ سعد البشري

الاخ الغالي المبدع

عـــبدالــلـــه الـــمــــهـــــدانــــي ::


بيض الله وجهك

وصح الله السان قايلها

لك مني زود الغلا والمحبه والتقدير ..

__________________

ابو سعود


ان كتبت جزل


وان اخترت جزل


واعلومك كلها جزله


صح الله لسان القايل والناقل

تحياتي

بسم اله الرحمن الرحيم





يعطيك العافية يا اسمي على نقلك لهذه القصيدة





وصح لسان قائلها

__________________

صح الله لسان الشّاعر ..

ولاهنت يا بو سعود ..




تحيّاتي ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح السان الشاعر/ عبدالله


واشكرك يأبو سعود على نقل هذه القصيدة



وتقبل مروري

__________________

عبدالله لاهنت ولا شنت ياطيب الساس ...

القصيدة في غاااااااااااية الروعة ..

وفيها ما ينطبق على الجوانب الكثيرة من الحياة والتعامل مع الناس ....

ولنا فيها العبرة والعظة ..



ومشكوووووووووووووووووووووور

وماقصر منك حال ..

__________________

صح لسان الشاعر

وقصيده في غاية الروعه

واشكرك على نقل هذه القصيده الجزله

__________________