خادم البيتين تنعاه الأمم

تعزيّه وبيعه
نعزي في وفاة خادم الحرمين الشريفين الملك فهد بن عبد العزيز رحمه الله وأسكنه فسيح جناته
ونبايع خادم الحرمين الشريفين الملك عبد الله بن عبدالعزيز
وولي عهده الأمين الأمير سلطان بن عبد العزيز
سدد الله خطاهم ووفقهم لخير الأسلام والمسلمين:-
[poem=font="Simplified Arabic,4,black,bold,normal" bkcolor="white" bkimage="" border="double,9,sienna" type=2 line=0 align=center use=ex num="0,black"]
هاك بيض الطرس سجّل يا قلم=يذكر التاريخ حبرأقلامها
الشهاده من شهدها ما كتم=في بحرّها هاجسي عوامها
يا القوافي صوّري الواقع فيلم=من هجوس(ن)تستعيد أفلامها
لو كلي حزن وأهات وألم=والجزيره وأهلها وحكامها
خادم البيتين تنعاه الأمم=الملك فهد العرب وأمامها
هو فقيد الناس من عرب وعجم=نكست كل البلاد أعلامها
المليك العادل الحر الشّهم=حكّم الشوّري وصاغ أنظامها
من كتاب الله مع السنّه حكم=والشريعه كلّها وأحكامها
عمّر الصحراء وهي كانت عدم=فكّر وخطط وجاء قدامها
السعوديّه عمرها ما هدم=في مدارسها وكل أقسامها
بين شعبه بالعداله ما ظلم=طوّر وحقق جميع أحلامها
لين رفرف في سماء العز العلم=زاد خيرات البلد وأنعامها
من فضل رب البشر مجري النعم=العداله في البلاد أقامها
والفقاري من حلاله مدهم=والحجيج أسقايها وأطعامها
التسامح عادته ما ينتقم=والجزيره فهدها ضرغامها
فيه عطف وفيه لين وفيه حزم=والسياسه والخطط رسامها
كم عتق من نفس من ماله غرم=عاضك الله خير يا غرّامها
في القسي والضيق عزّام الهمم=نفسه الله مدّها بألهامها
مثل همال السحاب المدلهم=نعمة الله للجميع أدامها
وصف سيل(ن)سال في وقت الوسم=وسط روضه تو نبت أخزامها
الحرار الشقر في روس القمم=والفهد عزّامها جزّامها
فيه دين وفيد جود وفيه حلم=مغني الرملا ومغني أيتامها
فيه صبر وفيه حنكه مع عزم=كم سهر من ليلة(ن)ما نامها
فيه خصله من خصال المعتصم=حرّر الجاره وهد أصنامها
في الكويت الفهد من هد الصنم=من بيارقنا أنهزم صدامها
لو سمع نصيحة الراحل سلم=ولا سلم عقب الغزو بأعوامها
كم نعدّد للفهد يا كم وكم=عد غيب أنجومها وأرقامها
الأمن في المملكه والخير عم=والشريعه سورها وحزامها
وسّع بطيبه ووسّع في الحرم=والعروبه عزّها بأسلامها
والقصايد كل شاعر به نظم=في جنوب الدار وألا شامها
يصبر المسلم علي كرب(ن)وهم=والليالي ما تدوم أيّامها
يا عسي قبره من الجنّه نسم=في رياض الخلدوسط أنسامها
للشعوب المسلمه يبقي هرم=في عقول الناس مثل أهرامها
وللحرم والمسجد الأقصي خدم=أسرة أل سعود هم خدامها
الملوك أهل المكارم والشيّم=للضعوف أبيوتها وأخيامها
يا أبو متعب كلّنا قلنا نعم=ما يسود أكرامها ألا أكرامها
ويا وليّ العهد سلطان الكرم= يا وزير الجيش يا مقدامها
بايعوا سلمان في قصر الحكم=العرب وأشيوخها وأعلامها
بايعوا من بعد عزّوا في العلم =من يمين(ن)ما تخون أبهامها
بيعة(ن)فأعناقنا دين وقسم=شعب للبيعه تسير أقدامها
بيعة الأجداد مكتوبه بدم=ثابته بأقوالها وأختامها
في الحروب الطاحنه ما ننهزم=دام كل الروس فوق أجسامها
في سبيل الله سيّرنا القدم=هاذي الأرواح يا سوّامها
لو تقول الغرب رعاة الغنم=هم عداة الدين حنا أخصامها
يحسبون أن العرب ما تفتهم=بالجهاد وبالجيوش أفهامها
من قديم الوقت للمسلم وهم=اليهود أعداء العرب ظلامها
واليهوديّه وقوتها وهم=تنكشف للمسلمين أوهامها
والعدو شارون للمسلم خصم=حرّر االمقدس من أيد أقزامها
كم علي غزّه وأهلها كم هجم=للمساجد والفلل هدامها
خادم البيتين يا نعم الأسم=والعرب جزّامها عزّامها
العرب ما عاد تنفعها القمم=مملكتنا لعنبو من لامها
قلت لمعمّر قبل علي شحم=والخيانه يعقدون أبرامها
ويش ينفعنا التبادل بالتهم=حطنا من خلفها وأمامها
ثوّر البندق علي راس القزم=والعظايم مالها ألا أعظامها
يا عريب الجد من خال(ن)وعم=يا رفيع الراس شد أحزامها
كل مسلم في سلاحه محتزم=يفتدي الأقصي خشم من ضامها
في عيون أعداك يا العاهل سهم=ومن يحج البيت لبس أحرامها
والنبي من تبع هديّه ما ندم=للذلول أعقل وهد أخطامها
شعبكم في صف واحد ملتحم=عهدكم علي الصدور أوسامها
بالمواثيق المتينه ملتزم=في شمال الدار وألا يامها
ما يصون العهد غير المحترم=يا حجاب المملكه وحسامها
طال عمرك للوطن وأسلم ودم=للشعوب المسلمه وأسلامها
وللرسول اللي من الزلّه عصم=التحيه والسلام أختامها[/poem]

صح لساااااااااااااااااااااانك



وسلم بنااااااااااااااااااااااانك



وعلا شااااااااااااااااااااانك

__________________
« اللهم كما أحسنت خَلقي فحسن خُلقي »

صـح السانك



والله يجبر عــزانا ثم عــزاك







لالالاهـــنت

__________________

صح لسانك

الاخوان محمد الحبابي والقيس ولد الحارث وأل الشيخ
مشكورين وسامحوني علي التاخير في الرد لظروفي

الأخ الشاعر القدير منصور بن منيخر

صح لسانك وعلا شانك

والله يرحم ابوفيصل رحمة واسعة

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني